Autel dei chanceler. Issi ke al chef dei an respoine de sun tens. E ke il ne ensele hors de curs par la sule volunte dei rei; mes le face par le cunseil ke serra entur le rei.
La haute justice a poer de amender les tors fez de tutes autres justices, et de ballifs, e de euntes, et de baruns, et de tutes autres genz, solum lei et dreit de la tere. E les brefs seient pledez solum lei de la tere e en leus deues. E ke la justice ne prenge ren si ne seit present de pain et de vin et de teles chosos, ceo est a saver, viandos et beifres, sicum lem ad este acustume a porter as tables de prodes homes a la jornee. E ceste meime cliose seit entendue de tuz les cunseilers le rei et de tuz ses ballifs. E ke nui ballif par achesun de plai u de sun office ne prenge nui loer par sa main ne par autru en nule manere. E si il est ateint, ke il seit reint, et cil ke done autresi. E si covent ke le rei done a sa justice et a sa gent kele servent, ke il ne eient mester ke il ren prengent dc autrui.
Les vescuntes seient purveus leus genz et prodes homes et tere tenanz; issi ke en chescun cunte seit un vavasur dei cunte memes vescunte, ke ben et leuement trete la gent dei cunte et dreitement. E ke il ne prenge loer, e ke il ne sei vescunte fors un an ensomble. E ke en le an rende ses acuntes al ccheker, e respoinc de sun tens. E ke le rei lui face dei soen, solum sun afferant coment il pusse garder le cunte dreitement. E ke il ne prenge nui loer, ne li ne ses ballifs. E si il seient ateint, seient reinz.
A remembrer fet ke lem mette tel amendement a la Gyuerie et as gardeins de la Gyurie, ke lem i sauve le serment.
Bons eschaeturs seient mis. E ke il ne prengent rens des bens as morz, de queles teres deivent estre en la main le rei. Mes ke les eschaeturs einet franche administraciun des bens, deske il ave-
