II jure ke ben et leaument a sun pocr fra ceo ke apent a la justicerie de dreiture tenir, a tute gcnz al prou le rei e dei reaume, solum la purveaunco fete et a fere par lcs vint et quatre, et par le cunseil le rei e les hauz humes de le tere, ki li jurrunt en cestos choses a aider e a meintenir.
Ke il ne enselera nul bref fors bref de curs sanz le commandement le rei, e de sun cunseil ke serra present: ne enselera dun de grant garde, ne de grant... ne de eschaetes, sanz le assentement del grant cunseil u de la greinure partie: ne ke if ne enselera ren ke scit encontre le ordinement, ke estfct et serra a fere par les vint et quatre, u par la greinure partie. Ne ke il ne prendra nui loer autrement ke il nest divise as atres. E lem li baudra un companium en la furine ke le cunseil purverra.
Ke il les chastels le rei leaument e en bone fei garderunt al oes le rei e de ses hcvrs. E ke eus les rendrunt al rei u a ses heyrs et a nui autre, e par sun cunseil et en nule autre manere; ceo est a saver, par prodes liomes de la tere esluz a sun cunseil, u par la greinure partie. E ceste furme par escrit dure deske a duze ans. E de ilokes en avant par cest establement et cest serment ne seint constreint, ke franchemcnt ne les pussent rendre al rei u a ses heirs.
Archiepiscopus Cantuariensis, episcopus Wygornensis, comes Leycostrensis, comes Glovernensis, comes Mariscallus, Petrus de Sabaudia, comes Albemarliae, comes Warewik, comes Herefordensis, Johannes Mansel, Johannes filius Galfridi, Petrus de Monteforti, Ricardus de Grav, Rogerus de Mortuo Mari, Jacobus de Aldithelege.
Les duze de par le rei unt eslu des duze de par le commun… le cunte Roger le Marescall, Hugo le Bigot.
E la partie ver le commun ad eslu des duze ke sunt de par le rei le cunte de Warewik, Johannes Mansell.
