18. Item ubi aliquis habet aliquam partem terrae, scilicet duas aeras terrae vel plus vel minus, sine mansione eidem adjacente, nisi ratione illius terrae ad turnos suos veniat, tunc pro voluntate sua amerciabitur.
19. Item si aliqua justitiaria mandata fuerit specialiter coram aliquo justitiario assignato, vel de nova disseisina, vel de morte antecessoris, vicccomitcs clamare faciunt in mercatis, quod omnes milites et libere tenentes patriae veniant ad certum diem et locum audituri et facturi praeceptum regis, et cum ibi non venerint, eos amerciant pro voluntate sua.
20. Item petunt remedium de hoc quod si aliquis comes vel baro, vel ballivus, vel aliquis alius qui libertatem habeat vel in civitate vel in villata, ceperit aliquem malefactorem et illum obtulerit vicecomiti, vel suo ballivo, ad incarccrandum vel custodiendum quousque de eo fiat judicium, vicecomes recusat admittere prisonem illum, nisi is qui ipsum ceperit finem faciat per sic quod ipsum recipiat.
21. Item de eo quod multi homines de diversis partibus regni propter caristiam temporis venientes, et per diversas provincias transitum facientes, fame et inedia moriuntur, et tunc per legem terrae visum factum est per coronatores, et quatuor villatas vicinas, et cum praedictae villatae de ita mortuis nihil sciunt nec dicunt, nisi quod casu praedicto moriuntur, et quia nihil de huthesia Englescheria assignatur, amerciatur patria coram justitiariis tanquam de murdro.
22. Item de prisis domini regis in nundinis et mercatis et civitatibus, videlicet quod hi qui assignati fuerint ad praedictas prisas capiendas, eas rationabiliter capiant, scilicet quantum pertinet ad praedictos usus domini regis; unde conqueruntur, quod dicti captores capiunt in duplo vel in triplo plus quam cedit ad usus domini regis: capiunt etiam totum illud superfluum ad opus suum, vel ad opus amicorum suorum retinent, et partem inde aliquam vendunt.
23. Item conqueruntur quod dominus rex de prisis nullam fere facit pacationem, ita quod plures mercatores de regno Angliae ultra modum depauperentur, et alii mercatores extranei ea occasione subtrahunt se de veniendo in terram istam cum suis mercibus, unde terra magnam incurrit jacturam.
