софіи[1] изяшна и въ словесехъ витіевата и въ божественномъ писаніи зѣло хитра и вельми трудолюбива ни въ самомъ преславномъ градѣ Римѣ не видали. Безпрестани въ томъ упражняясь, еже въ божественныхъ книгахъ чтеніи и къ Богу вельми вѣренъ бысть, и посникъ и во всемъ воздержникъ бысть, а піяньство и смѣхотвореніе и пустошныхъ словесъ и злыхъ бесѣдъ отнюдъ ненавидяй, всѣмъ бесѣдуя и поучая о богословіи; яко самъ той преподобный Максимъ, къ нѣкоему въ посланіи своемъ написа, глаголетъ сице: „азъ же аще великъ есмь въ разумѣ и искусствѣ божественныхъ писаній, обаче посланъ есмь здѣ отъ всея Святыя горы по прошенію и по грамотѣ благовѣрнаго и великаго князя Василія Ивановича, у него же преизобильныя чести получихъ 9 лѣтъ, егоже повелѣніемъ повинуяся, не точію толкованіе псалтырная дѣло нарочито и всякія духовныя ползы и сладости исполнено преведохъ отъ греческаго языка на рускій, но иныя богодухновенныя книги, различно растлѣны отъ преписующихся, благодатію Христовою и содѣйствомъ святаго Параклита предобрѣйше исправихъ, якоже чаю и вамъ, господамъ моимъ, вѣдомо есть[2]“. Также ниже онъ же написа о себѣ: „неложенъ есть сказатель и преводникъ вамъ, господамъ моимъ“.
Пребысть же сей премудрый Максимъ грекъ у великаго князя Василія Ивановича всея Русіи на Москвѣ, еже самъ о себѣ написа, 9 лѣтъ въ покои и чести и во ослабѣ, книги преводя и исправляя. И по зависти нѣкоихъ злоумныхъ человѣкъ, враждующихъ нань, по клеветѣ посланъ бысть въ заточеніе и въ темницу злую затворенъ въ велицей нужи въ монастырь, нарицаемый Іосиф(ов)ъ, и тамо пребысть въ велицей скорби много лѣтъ и отттуду преведенъ бысть во градъ Тверь къ епископу, и у него пребысть въ чести и въ покои, за единою трапезою кормяше его и зѣло бо любяше его: видѣ бо его мужа во всемъ искусна и остроумна и въ философіи хитра и въ словесехъ витіевата и въ богословіи преизяшна и всегда обѣдоваша съ нимъ, и отъ него много въ божественномъ писаніи навыкаше. И пребысть во Твери у епископа той Максимъ грекъ до пре-
