Іастерій, Иксимъ, Евсевій; из нихже первый Оригенъ преже ереси, иже и адамантъ наречеся ради трудовъ непрестанныхъ в писаніи и прочитаніихъ и толкованіихъ, егоже слава велика бѣ преже о премудрости и догматъ правотѣ толика, посихъ мерзость и ненависть отметанія правыхъ догматъ бысть. Но да не смутится о семъ разумъ нашъ, ни губители душамъ нашимъ толкованія его вознепщуемъ: преже бо уклоненія ко злѣйшим сія от него списашася, егда вышнимъ вдохновеніемъ утѣшителя и обилнѣ насыщашеся и с нами православными ополчаяся, яко мечь видяшеся обоюду остръ, еретическія (л. 1 об.) полки доблественѣ посѣкая и аки поставъ паучиненъ тѣхъ разсыпая, егоже словесъ премудрости и силы в толицѣ удивися зѣлный в богословіи Григорій и яко ослу всѣхъ иже при немъ премудрыхъ мужей того нарицати глаголавъ: Оригенъ, иже всѣмъ намъ осла. Такожде и книги его всѣ прочетъ вкупѣ с Василіемъ великим собраніе сотвори догматовъ нарочитѣ и превысочайших о реченных и в книзѣ соучинивъ, Ѳилоконію нарече книгу ону, иже и донынѣ соблюдаются. А Симмах и Акила и Феодотіонъ, иже во Псалтыри толковники о нихъ пишутъ, были они преводники от языка въ языкъ, якоже и Максимъ грекъ преводилъ з греческаго языка на русскій.
Печатается по ркп. библіотеки Троице-Сергіевой лавры, Сборникъ XVIII в., № 662 (544), л. 104 об. и слѣд. См. Описаніе рукописей etc., М. 1878 г., ч. II, стр. 240. — Варіанты изъ. рукописей: а) собранія В. М. Ундольскаго (въ Московскомъ Публичномъ и Румянцевскомъ музеѣ), № 662, л. 46 и слѣд., XVIII в. См. Описаніе рукописей, М. 1870 г., стр. 50. Вслѣдъ за этимъ — чудо преп. Максима грека, бывшее 10 іюля 7159 г. (См. ниже стр. XL—XLI). Означается Ун. 4; и б) изъ ркп. древлехранилища М. П. Погодина № 1141 (въ Императ. Публичной библіотекѣ), лл. 535—537. Обозначается П 1.
