вем убо ныне, кому законы моя вдати. Дай же ми, пустыни, сего сладкого, власти моея крепка правителя, егоже не одолеша противных стремления никогда же. Дай же ми, пустыни, сего сладкого, законов моих неприступна хранителя, егоже аз крещение(м) породившие, зрящи во гробе темне затворена, умилно матерски кричаще, плачю: увы мне, любезный сыне мой, увы мне, свете мои и утробы моея сладкое утешение! Ей, (и)стену бо о мне Исаия прорече: оставлена будет дщи Сионя, яко сень в винограде и яко овощное хранилище во вертограде; оружие печали пройде мою утробу, но надежда радости хотящего ти быти в последний день воскресения плачь мой в радость преложит. Поминаю тя, Андрее любимый мой, желею о *) тебе, сыне возжеленный мой! Заповедую всем христианом память твою творити **) на всяко лето, сладчайший мой! Мы же почитаем того преставление.
IV. Плач от лица всея церкви. Глас 8.
Женише мой агньче пречистый, се аз невеста твоя, облеченная в светлость твою солнцезрачную, скитающаяся по пустыням, бегая седмоглавного змия. Виждь мя, виждь агньче пречистый, Христе, обручницу твою церковь, до зела обнищавшу: уже бо ни святительства бдаголепие, ни учителъства славу имеющую, от судеб твоих множества и ныне лишив мя прехраброго моего воина, славного о мне проповедника, верного твоего раба Андрея. Кто мя ныне защитит от наветников кто мя ныне утешит в бедах, кто мя ныне возвеселит в праздницех моих и кто моя чада напоит от пресладких моих сосец? Но, аще и взял еси, о женише мой, агниче пречистый Христе, сию мою славу и лепоту, не отими, не отими, молю тя, благодать твою, действовавшую в нем. Яко же древле на седмьдесять старец разделил еси, так и ныне на их же веси и на их же зриши дары ***) твоя, бывшия в новом сем Моисеи, роздели, роздели, ей, молю тя, женише мой Христе, да моя умиленная чада новый Израиль, непотопльшеся в змиевых водах восхитятся к тебе, все-царю и Богу в горний Иеросалим в царство небесное.
- ) В подлинннке: и. Прим. Вс. И. Срезн.
- ) В подлиннике: твориши. Прим. Вс. И. Срезн.
- ) В подлиннике: дабы. Прим. Вс. И. Срезн.
