Во истинну нечестивое семя!
Ей, не познали антихристово время.
За таковую жизнь непостояную
бездна воструби, яко в трубу златокованую.
Вси оставили Бога, всех творца;
нет ни единого храма, идеже несть мертвеца.
Во истину вси ученые невежи,
слово Божие не слышится нигде же,
еуангельские жилы пресекаются,
а зверевы указы выполняются.
Всякая секта похваляется,
злато и сребро по путем валяется;
тма и нечестие, яко мрак, вселеную помрачи,
из пропасти адовы искочи;
всяк во своем нечестии похваляются,
яко мертвии, по путем валяются;
не кому стало мертвых погребсти,
и от пути нечестия отвести и извести;
отец сына, мати дщерь обымают
и охапнившися на путех помирают.
Ей, без писания всяка душа умирает от глада,
и там во аде не будет отрада;
не хощут писания с любовию посмотрети,
и там во адовых темницах будут горети.
Мир и суета не дает от сна востати
и тму нечестия познати;
овы и благочестие познати тщатся,
а к миру, яко магнитом, привлачатся;
овы и антихриста познавают,
а жен ради тому колена поклоняют.
Тако сие житие прельстило,
яко клеем, к жене и чадом прилепило:
лучше мнят некрещенным помирать,
нежели юзу сию греховну растерзать.
Есть и вернии суетою помрачени,
паче камения ожесточени,
всегда на мирскую прелесть взирают,
смертный час и суд отнюдь не воспоминаютъ.
Егда всемирная труба возгласит,
тогда всяку прелесть разрушит.
Како сию прелесть познати
и тоя хитрости избежати?
Не иначе как в безмолвие упразднитися
