Не слышим же кличаща уклети:
востаните, любезнии дети.
На всяк бо день тя, мати, поминаем,
но жалости, ох, не обретаем.
Ко *) всем почтенном женам клонимся,
материю быти нам молимся,
но аще имя мати и срящем,
но твоей жалости не обрящем.
Едина убо рождьшая мати,
обыкла в детех обитати.
Почто нас ты уродила,
к нам, ох, путь заронила,
к нашим мольбам?
22.
По грехом нашим, на нашу страну,
попустил Господь такову беду:
облак темный всюду осени,
солнце в небеси скры своя лучи
и луна в нощи светлость помрачи,
но и звезды вся потемниша зрак,
и дневный свет преложися в мрак.
Тогда твари вся ужаснушася,
но и бездны вся содрогнушася,
егда адский зверь юзу разреши,
от заклепы твердых нагло искочи.
О коль яростно испусти свой яд
в кафолический красный вертоград!
Зело злобно враг тогда возреве,
кафоликов род мучить повеле,
святых пастырей вскоре истреби,
увы, жалостно огнем попали.
Четы иноков уловляхуся,
злым казнением умерщвляхуся,
всюду вернии закалаеми,
аки класове пожинаеми.
Тогда вернии горько плакаху,
увы жалостно, к Богу взываху:
Время лютости, Боже, сократи,
от мучительства, злого защити!
Аще не твоя помощь сохранит,
то и избранных всех адский змий прельстит.
Ох увы, увы, скорбных оных дней,
ох увы, увы, лютых тех времен!
Како лютый зверь сад наш погуби,
вся древесия огнем попали!
Аще помянем благочестие
и пресветлое правоверие,
егда процветал крин церковный,
зело облистал чин священный,
то не можем быть без рыдания
и без скорбного воздыхания.
Ох, увы, благочестие,
увы древнее правоверие!
Кто лучи твоя тако погуби
и вся блистания мраком потемни?
Десяторожный зверь сие сотвори;
седмоглавый змий тако учини,
- ) В подлиннике: во.
