И буду, яко худ зверь,
един скитаяся
и бегая человек
и многомятежныя сея жизни.
И восхлипай же, пустыни,
и восплачися со мною,
рыдающи, дыхающи убо
тихо от воздуха,
малым ветрецем
движуще у древец
ветвие свое кудрявое.
О прекрасная пустыни,
веселая дубровица,
аще благовольна ми
мир крытися
во тихой твоей дикости
и по красному твоему виноградию
равличных цветец твоих!
Возлюбих бо, пустыни,
паче царских чертог
и позлащенных палат.
И сяду един, плачася и рыдая,
во глубоком и диком
недре твоем,
собеседую,
яко при скорби ноешь.
И кому открыю
внутренних моих
и вещанием покажу
ото дел моих
сердеце мое измождалое?
Кто обимет и обяжет,
врачающи лютость
грехов моих?
Возсмердех бо ся и согнихся
весь есмь ото главы
и до ног моих;
и бысть, яко неисцельна
проказа, все тело мое.
О пустыне красная,
ты убо всем зверем
яко тверда оградина
и мати ласкова,
и всему роду птическому
тихое виталище
и вогнездие твердое.
О земле праведная,
ты убо ничто же лукаво
сотворила пред Богом,
аз же безумием своим
исказах чистоту лица твоего
Мне же убо, пустыне,
и цветы твои *)
и червленые и багряновидные,
яко от мраза сосхошася
и лежа(т) долу поникши,
на земли праведнии.
О владыко царю,
насладил мя еси
земных благо,
и не лиши мене
небесного царьствия твоего.
5.
Боже Отче всемогущий,
Боже Сыне присносущный.
Боже Душе параклите,
светозарный миру свете,
в триех лицех пребывая,
существо си тожде зная!
К тебе грешный притекаю,
многи слезы проливаю,
- ) Далее приписано: «ин», и следует вариант:
Мне же убо, пустыне,
И цветцы твои