ягоды въ поляхъ породилися, которыхъ власне якъ середъ лѣта обфитость великая была.—Въ 1680 годѣ въ Нѣмцехъ якіесь пророки два явились, которые до покути людей напоминали и о Римѣ, же маетъ запастися якъ Содомъ и Гоморъ и о иныхъ рѣчахъ.
Въ Немеровѣ зобравшись людъ посполитый, Козаками менуючися, бо межи ними и Козаки были, а надъ ними старшій отъ Короля данный Куницкій Гетманомъ меновался, и починивши во всѣхъ городѣхъ столечныхъ полковниковъ и скупивши войско пойшолъ на Рашковъ у Волоскую землю, албо Бѣлогородскій повѣтъ, ку Течинѣ, и тамъ посадъ спалилъ, тилко замокъ зосталъ, и иные волости попустошилъ, и много бы шкоды починилъ, але орда выйшовши зъ Ханскимъ сыномъ, онымъ не допустила, зъ которыми Козаками и войну учинила и изъ той войны Куницкій зъ немного Козаковъ утѣкъ, разумѣючи, же тое войско не оборонится отъ Орды, але Козакомъ Орда не могла нѣчого учинити, вцѣлости вернулися и оного Куницкого своего старшого убили и наставили межи собою старшимъ Могилу Козака зъ Запорожя, который зъ ними въ Немеровѣ зоставалъ, называючися Гетманомъ, и свою залогу коло Камянця держалъ и по иныхъ городахъ, выгнавши Турковъ.
Тогожъ року заразъ на веснѣ Турки провадили живность до Камянця, противъ которыхъ Козаки зъ Немерова выходили, хотячи онымъ заборонити тоей дороги; але ошукалисъ: бо Орда на нихъ напавши, сотъ пять выстынала и тое въ Камянецъ впровадила и много шкоды починила въ тихъ волостяхъ, которые знову въ послушенствѣ Королевскомъ зоставали.
Тогожъ року знову затяги великіе въ Полщи и по Украинныхъ городѣхъ давано гроши, сукна, абы человѣкъ, а то противно Турковъ и посполитое рушеніе, где много тиснулося изъ Заднѣпра утекомъ, любо имъ того забороняли. Якого року валечной войны не было, бо Турчинъ зъ великими потугами не выходилъ, тилко подъ Буюиннямъ коло Дуная Цесарь Христіянскій войска Турецкіи погромилъ килка Пашъ, и изъ Текелемъ Венгерскимъ мѣлъ потребу въ Венграхъ, а Король Полскій зъ войсками своими стоялъ подъ Камянцемъ Подолскимъ, маючи въ обложенню, але сами болшую трудность мѣли отъ Турковъ зъ Камянца и хоробъ великихъ, а найболше отъ бѣгунки получили, зъ которой много войска Полского, Литовского и Пруского вымерло, а въ осени прійшовши Ханъ зъ Ордами подъ Камянецъ, войска Полскіе отогналъ, которые зъ трудностію отходили за Ордами, же онымъ трудность чинили. Волоская земля тогожъ року барзо спустошенна, же мало въ ней кого зостало, отъ Ляховъ, Козаковъ и Татаръ. Тогожъ року дорожнета великая была въ Полщи и у Литвѣ, бо не было урожаю на збоже.
Тогожъ року за вѣдомомъ ихъ Царскихъ Величествъ Гетманъ Запорожскій Иванъ Самойловичь ро-
ягоды в полях породилися, которых власне як серед лета обфитость великая была. — В 1680 годе в Немцех якиесь пророки два явились, которые до покути людей напоминали и о Риме, же мает запастися як Содом и Гомор и о иных речах.
В Немерове зобравшись люд посполитый, Козаками менуючися, бо межи ними и Козаки были, а над ними старший от Короля данный Куницкий Гетманом меновался, и починивши во всех городех столечных полковников и скупивши войско пойшол на Рашков у Волоскую землю, албо Белогородский повет, ку Течине, и там посад спалил, тилко замок зостал, и иные волости попустошил, и много бы шкоды починил, але орда выйшовши з Ханским сыном, оным не допустила, з которыми Козаками и войну учинила и из той войны Куницкий з немного Козаков утек, разумеючи, же тое войско не оборонится от Орды, але Козаком Орда не могла нечого учинити, вцелости вернулися и оного Куницкого своего старшого убили и наставили межи собою старшим Могилу Козака з Запорожя, который з ними в Немерове зоставал, называючися Гетманом, и свою залогу коло Камянця держал и по иных городах, выгнавши Турков.
Тогож року зараз на весне Турки провадили живность до Камянця, против которых Козаки з Немерова выходили, хотячи оным заборонити тоей дороги; але ошукалис: бо Орда на них напавши, сот пять выстынала и тое в Камянец впровадила и много шкоды починила в тих волостях, которые знову в послушенстве Королевском зоставали.
Тогож року знову затяги великие в Полщи и по Украинных городех давано гроши, сукна, абы человек, а то противно Турков и посполитое рушение, где много тиснулося из Заднепра утеком, любо им того забороняли. Якого року валечной войны не было, бо Турчин з великими потугами не выходил, тилко под Буюинням коло Дуная Цесарь Християнский войска Турецкии погромил килка Паш, и из Текелем Венгерским мел потребу в Венграх, а Король Полский з войсками своими стоял под Камянцем Подолским, маючи в обложенню, але сами болшую трудность мели от Турков з Камянца и хороб великих, а найболше от бегунки получили, з которой много войска Полского, Литовского и Пруского вымерло, а в осени прийшовши Хан з Ордами под Камянец, войска Полские отогнал, которые з трудностью отходили за Ордами, же оным трудность чинили. Волоская земля тогож року барзо спустошенна, же мало в ней кого зостало, от Ляхов, Козаков и Татар. Тогож року дорожнета великая была в Полщи и у Литве, бо не было урожаю на збоже.
Тогож року за ведомом их Царских Величеств Гетман Запорожский Иван Самойловичь ро-
