Страница:Летопись самовидца о войнах Богдана Хмельницкого (1846).djvu/62

Эта страница была вычитана


Днѣстръ, тогожъ часу послалъ двухъ Турчиновъ съ козаками до солтановъ, которые противно Дорошенку воевали, и заразъ Татаре тихъ козаковъ постинали, а Суховѣенко Турчиновъ до везеня взялъ, еднакъ же за росказане́мъ того чауса солтани зъ ордами отступили отъ Дорошенка и пошли въ Кримъ, а Козаки повернули къ Уманю, и Суховѣенко здалъ урядъ свой Михайловѣ Ханенковѣ полковникови Уманскому, а Дорошенко зъ войсками своими рушилъ съ подъ Канева ку Лисянцѣ, знову приворочаючи полки подъ свою власть, которіе знову посхилялися съ которымъ потягнулъ просто подъ Умань и тамъ стоялъ часъ немалій войну зъ собою мѣючи, гдѣ тамъ же подъ Умань чаусъ маючи зъ собою орду бѣлогородскую съ тими санджаками пришолъ, и тамъ тіе санджаки Дорошенкови отдалъ и отъ того часу стался подданимъ Турчинови. Що видячи Уманцѣ же и орда при Дорошенку зостала, почали трактовати зъ Дорошенкомъ и приняли згоду, тылкожъ Дорошенка у Умань мѣсто не пустили и Ханенко зъ старшиною не выходили до Дорошенка тылко обѣцовалися пріѣхати къ нему до Чигирина. И такъ Дорошенко отступивши отъ Уманя потягнулъ къ Чигирину отпустивши того посла турецкого ударовавши оного, а полки знову привернулъ къ себѣ и пришовши подъ Чигиринъ выслалъ орду зъ козаками на оборону полку Лубенского и Гадяцкого, которіе еще принему держалися, гдѣ орда подъ Лохвицею войска Заднѣпрскаго ушибши и узявши ясиру назадъ повернула, а Заднѣпра по старому усе зостало въ подданствѣ Е. Ц. В. и въ послушенствѣ гетмана Многогрѣшного.

По згодѣ той Уманской Ханенко и Суховѣенко и Хмѣлниченко, не поѣхавшіе ко Чигирину, але зъ козаками Запорожскими на Запороже выславши затягнули знову орду Кримскую на Дорошенка, а бѣлагородская орда держалася при Дорошенку, которой часть Дорошенко при себѣ держалъ. Аже уже послѣ святой покровѣ выйшла орда Кримская зъ Хмѣлниченкомъ и Суховѣенкомъ на помочь имъ зъ Ханенкомъ противъ Дорошенка, а Дорошенко послалъ по бѣлогородскую орду которая уже не хана слушала, а паши Силистрійского. И такъ Дорошенко зъ войсками козацкимм и Татарми потягнулъ противъ Ханенка, которого Ханенко зъ Запорожцами подъ Стеблевымъ споткалъ и такъ далъ оному бой же мусѣлъ Дорошенко въ городѣ Стеблевѣ зачинитися, которого приступомъ Ханенко доставалъ а на валу козаки были, аже Сѣрко зъ козаками и Татарми наспѣшилъ зъ бѣлогородскими ордами оному помочи, же орда кримская мусѣла уходити, съ которими и Ханенко и Суховѣенко на Запороже, а Хмѣлниченко зъ Уманя уходилъ, але оного бѣлогородскіе Татары поймали и зъ собою запровадили до Бѣлагорода, оттуда за причиною гетмана Дорошенка до Царигорода запроваженъ, и такъ зосталъ въ неволѣ царской въ Едикулѣ. А Дорошенко змоцнившися тоею ордою бѣлагородскою Умань опановалъ, и тамъ людей чолнѣйшихъ выбралъ до вязеня въ Чигиринъ, зъ которыхъ иншихъ и потратилъ. А орду тую бѣлагородскую постановилъ зимовати по усей

Тот же текст в современной орфографии

Днестр, тогож часу послал двух Турчинов с козаками до солтанов, которые противно Дорошенку воевали, и зараз Татаре тих козаков постинали, а Суховеенко Турчинов до везеня взял, еднак же за росказане́м того чауса солтани з ордами отступили от Дорошенка и пошли в Крим, а Козаки повернули к Уманю, и Суховеенко здал уряд свой Михайлове Ханенкове полковникови Уманскому, а Дорошенко з войсками своими рушил с под Канева ку Лисянце, знову приворочаючи полки под свою власть, которие знову посхилялися с которым потягнул просто под Умань и там стоял час немалий войну з собою меючи, где там же под Умань чаус маючи з собою орду белогородскую с тими санджаками пришёл, и там тие санджаки Дорошенкови отдал и от того часу стался подданим Турчинови. Що видячи Уманце же и орда при Дорошенку зостала, почали трактовати з Дорошенком и приняли згоду, тылкож Дорошенка у Умань место не пустили и Ханенко з старшиною не выходили до Дорошенка тылко обецовалися приехати к нему до Чигирина. И так Дорошенко отступивши от Уманя потягнул к Чигирину отпустивши того посла турецкого ударовавши оного, а полки знову привернул к себе и пришовши под Чигирин выслал орду з козаками на оборону полку Лубенского и Гадяцкого, которие еще принему держалися, где орда под Лохвицею войска Заднепрского ушибши и узявши ясиру назад повернула, а Заднепра по старому усе зостало в подданстве Е. Ц. В. и в послушенстве гетмана Многогрешного.

По згоде той Уманской Ханенко и Суховеенко и Хмелниченко, не поехавшие ко Чигирину, але з козаками Запорожскими на Запороже выславши затягнули знову орду Кримскую на Дорошенка, а белагородская орда держалася при Дорошенку, которой часть Дорошенко при себе держал. Аже уже после святой покрове выйшла орда Кримская з Хмелниченком и Суховеенком на помочь им з Ханенком против Дорошенка, а Дорошенко послал по белогородскую орду которая уже не хана слушала, а паши Силистрийского. И так Дорошенко з войсками козацкимм и Татарми потягнул против Ханенка, которого Ханенко з Запорожцами под Стеблевым споткал и так дал оному бой же мусел Дорошенко в городе Стеблеве зачинитися, которого приступом Ханенко доставал а на валу козаки были, аже Серко з козаками и Татарми наспешил з белогородскими ордами оному помочи, же орда кримская мусела уходити, с которими и Ханенко и Суховеенко на Запороже, а Хмелниченко з Уманя уходил, але оного белогородские Татары поймали и з собою запровадили до Белагорода, оттуда за причиною гетмана Дорошенка до Царигорода запроважен, и так зостал в неволе царской в Едикуле. А Дорошенко змоцнившися тоею ордою белагородскою Умань опановал, и там людей чолнейших выбрал до вязеня в Чигирин, з которых инших и потратил. А орду тую белагородскую постановил зимовати по усей