ховецкого и Дорошенковыми, и часть прійшла подъ Гадячое, которымъ выконалъ присягу Бруховецкій, и Татаре присягли. На которыхъ присягу гетманъ Бруховецкій зобравши войско, заразъ зъ тими жъ Татарами выйшолъ зъ Гадячого, хотячи итить подъ Котелву на оборону; але не взрозумѣвъ фортелства Дорошенкового и зрады татарской и що юже и козацство оному не зычливо опрочъ Запорожцовъ; где Дорошенко, не допущаючи въ милѣ до Опошного, зо всѣмъ войскомъ и Татарами зострѣлъ, до которого заразъ козацство пристало и таборъ Бруховецкого пожаковали, а самого Бруховецкого узявши, до Дорошенка припроводили, которого Дорошенко позволилъ забити голотѣ. Итакъ голота тиранско забили и замордовали Бруховецкого на полѣ и много людей значныхъ козаковъ и Запорожцевъ позабивали на першомъ тижню Петрова посту. Которого тѣло отпровадити велѣлъ Дорошенко до Гадячого, и тамъ у церквѣ Богоявленія Господня поховано. Где усю мае́тность и жону Бруховецкого гетманъ Дорошенко казалъ позабирать и до Чигирина запровадити. Итакъ скончилося гетманство Бруховецкого. Дорошенко зась, гетманомъ ставши обоихъ сторонъ Днѣпра, пойшовши зъ Ордою и козаками, князя Ромодановского зъ войсками отогналъ отъ Котелви и тихъ людей освободилъ. Итакъ Котелвяне уступили зъ Котелвы, зоставивши мѣсто пусто; а гетманъ Дорошенко рушилъ зъ войсками отъ Котелвы на Гадячое, где плюндровалъ маетность Бруховецкого зъ Татарами; а оттолѣ ишолъ къ Путивлю; але оному зъ двора зайшло непотѣшное, же жона оному ско́чила черезъ плотъ зъ молодшимъ. Зоставивши войну и приказавши старшинство отъ себе наказнымъ, росказуючи накрѣпко доставати воеводъ по городахъ въ Переяславлю, Нѣжинѣ и Чернѣговѣ, а самъ повернулъ до Чигирина. А орда, узявши ясыру на пограничу московскомъ, повернула въ Крымъ.
Того жъ лѣта, по отходѣ Дорошенковомъ къ Чигирину, зъ за Днѣпра знову околничій князь Ромодановскій, скупивши войска немалые рушилъ на Украину на оборону зостаючимъ въ облеженю воеводамъ, и просто тягнулъ подъ Нѣжинъ, гдѣ пришолъ до Нѣжина на рождество пресвятыя Богородицы, которого приходъ видячи Нѣжинцѣ узявшися съ козаками уступили зъ Нѣжина, гдѣ пришовши князь Ромодановскій сталъ у мѣстѣ и усе войско разграбило выходячи зъ Нѣжина, мѣсто спалилъ ничого не оставуючи. А Дорошенко войско купилъ у Сокѣрнои. Запорожцѣ зась по забытю Бруховецкого, который онымъ барзо былъ зичливымъ и не хотячи пристати до Дорошенка удалися себѣ, особливе до Хана кримского зъ пріязню чому ханъ радъ будучи зъ охотою ихъ принялъ, и того имъ зичилъ, жебы се́бѣ мали гетмана на Запорожу. Аже на тотъ часъ такого пробѣглца не было на тотъ урядъ гетманства, и такъ будучій писаремъ Суховѣенко на Запорожу и самъ листы писавши и въ поселствѣ до хана пошолъ, которого вдячне принявши ханъ и учинивши згоду далъ Солтановъ зъ ордами которій вышолъ и солтани послали до гетмана Дорошенка же-
ховецкого и Дорошенковыми, и часть прийшла под Гадячое, которым выконал присягу Бруховецкий, и Татаре присягли. На которых присягу гетман Бруховецкий зобравши войско, зараз з тими ж Татарами выйшол з Гадячого, хотячи итить под Котелву на оборону; але не взрозумев фортелства Дорошенкового и зрады татарской и що юже и козацство оному не зычливо опроч Запорожцов; где Дорошенко, не допущаючи в миле до Опошного, зо всем войском и Татарами зострел, до которого зараз козацство пристало и табор Бруховецкого пожаковали, а самого Бруховецкого узявши, до Дорошенка припроводили, которого Дорошенко позволил забити голоте. Итак голота тиранско забили и замордовали Бруховецкого на поле и много людей значных козаков и Запорожцев позабивали на першом тижню Петрова посту. Которого тело отпровадити велел Дорошенко до Гадячого, и там у церкве Богоявления Господня поховано. Где усю мае́тность и жону Бруховецкого гетман Дорошенко казал позабирать и до Чигирина запровадити. Итак скончилося гетманство Бруховецкого. Дорошенко зась, гетманом ставши обоих сторон Днепра, пойшовши з Ордою и козаками, князя Ромодановского з войсками отогнал от Котелви и тих людей освободил. Итак Котелвяне уступили з Котелвы, зоставивши место пусто; а гетман Дорошенко рушил з войсками от Котелвы на Гадячое, где плюндровал маетность Бруховецкого з Татарами; а оттоле ишол к Путивлю; але оному з двора зайшло непотешное, же жона оному ско́чила через плот з молодшим. Зоставивши войну и приказавши старшинство от себе наказным, росказуючи накрепко доставати воевод по городах в Переяславлю, Нежине и Чернегове, а сам повернул до Чигирина. А орда, узявши ясыру на пограничу московском, повернула в Крым.
Того ж лета, по отходе Дорошенковом к Чигирину, з за Днепра знову околничий князь Ромодановский, скупивши войска немалые рушил на Украину на оборону зостаючим в облеженю воеводам, и просто тягнул под Нежин, где пришёл до Нежина на рождество пресвятыя Богородицы, которого приход видячи Нежинце узявшися с козаками уступили з Нежина, где пришовши князь Ромодановский стал у месте и усе войско разграбило выходячи з Нежина, место спалил ничого не оставуючи. А Дорошенко войско купил у Сокернои. Запорожце зась по забытю Бруховецкого, который оным барзо был зичливым и не хотячи пристати до Дорошенка удалися себе, особливе до Хана кримского з приязню чому хан рад будучи з охотою их принял, и того им зичил, жебы се́бе мали гетмана на Запорожу. Аже на тот час такого пробеглца не было на тот уряд гетманства, и так будучий писарем Суховеенко на Запорожу и сам листы писавши и в поселстве до хана пошёл, которого вдячне принявши хан и учинивши згоду дал Солтанов з ордами которий вышол и солтани послали до гетмана Дорошенка же-
