килка лѣтъ тое робилъ, поколя оного зрадою взято, якъ уже повернулъ къ Дону, и на Москвѣ четвертовано.
Того жъ лѣта фортелемъ своимъ Дорошенко подхожовалъ Бруховецкого, маючи себѣ способного и помочного митрополиту, который презъ ченца Пивского намѣстника, Якубенка оного такъ писмами, якъ и словесно, обецуючи Бруховецкому уступити гетманство усего, тилко жебы вкупѣ зоставало козацство; чому повѣривши Бруховецкій гетманъ, далъ ся́ намовити и почалъ брати ненависть на Москву.
На початку року того о Богоявленіи зъѣхалися усѣ полковники въ Гадяче, и гетманъ Бруховецкій учинилъ раду зъ полковниками, судями и усею старшиною и поприсягли себѣ, же юже конечне отступити отъ его царского величества и по Орду слати и воеводъ и Москву зъ городовъ отсылати, албо зъ ними битися, ежели бы не уступали зъ городовъ; на що усе доброволно позволилося, усѣ обще. Того жъ часу, нѣчо́го не отволѣкаючи, полковники, скоро попріѣздили въ домы, почали задоръ чинити зъ воеводами и на мясници всюды почали ся бити зъ Москвою и воеводъ побрали; а напарвей въ Гадячомъ воеводу выслалъ былъ зовсѣмъ гетманъ Бруховецкій, але, подобно за его жъ позволениямъ, задоръ учинили козаки и, поду́жавши Москву, пообдирали, а иныхъ позабивали, и воеводу зъ жоною въ замокъ взяли на́ годъ. Также въ Прилуцѣ, Миргородѣ и Батуринѣ воеводъ побрали, а людей при нихъ будучихъ погубили; а сосницкого, новгородского и стародубского, подостававши замковъ приступами, Запорожскіе козаки зъ мѣщанами усѣхъ побили. Нѣжинъ зась и Чернѣговъ и Переяславле мѣста попусто́шены и попа́лены, а за́мки зоставали презъ усе лѣто въ обложенню отъ козаковъ и усего посполства.
Зача́вши гетманъ Бруховецкій тое непотребное дѣло, послалъ посланцовъ своихъ Стефана Гречаного въ Крымъ до Хана, чинячи згоду и затягаючи Орду; а другихъ пословъ своихъ—Григорія Гамалѣю и Лаврентія Кашпаровича канцеляристу выслалъ на Бѣлагородъ до Цариграда до царя турецкого, поддаючися оному, жебы его принялъ подъ свою борону. На весну, заразъ скоро трава подросла, того жъ часу князь Ромодановскій зъ войсками его царского величества подступилъ подъ Котелву и тамъ козаковъ облегъ. Козаки зась, зостаючіе подъ рейментомъ гетмана Бруховецкого, почали свою пріязнь отмѣняти и до Дорошенка посылати, жебы, изъ Чигирина выйшовши, за Днѣпръ пероправовался, обецуючися оного за гетмана приняти. Тако жъ и Сѣрко и зъ Чернѣгова полковникъ Демко́ Многогрѣшный. На которые ихъ слова Дорошенко до Чернѣгова послалъ своихъ козаковъ, а самъ Дорошенко, переправивши Днѣпръ потягнулъ подъ Опошное.
Того жъ часу и Орда зъ Крыму выйшла зъ посланцами Бру-
килка лет тое робил, поколя оного зрадою взято, як уже повернул к Дону, и на Москве четвертовано.
Того ж лета фортелем своим Дорошенко подхожовал Бруховецкого, маючи себе способного и помочного митрополиту, который през ченца Пивского наместника, Якубенка оного так писмами, як и словесно, обецуючи Бруховецкому уступити гетманство усего, тилко жебы вкупе зоставало козацство; чому поверивши Бруховецкий гетман, дал ся́ намовити и почал брати ненависть на Москву.
На початку року того о Богоявлении зъехалися усе полковники в Гадяче, и гетман Бруховецкий учинил раду з полковниками, судями и усею старшиною и поприсягли себе, же юже конечне отступити от его царского величества и по Орду слати и воевод и Москву з городов отсылати, албо з ними битися, ежели бы не уступали з городов; на що усе доброволно позволилося, усе обще. Того ж часу, нечо́го не отволекаючи, полковники, скоро поприездили в домы, почали задор чинити з воеводами и на мясници всюды почали ся бити з Москвою и воевод побрали; а напарвей в Гадячом воеводу выслал был зовсем гетман Бруховецкий, але, подобно за его ж позволениям, задор учинили козаки и, поду́жавши Москву, пообдирали, а иных позабивали, и воеводу з жоною в замок взяли на́ год. Также в Прилуце, Миргороде и Батурине воевод побрали, а людей при них будучих погубили; а сосницкого, новгородского и стародубского, подостававши замков приступами, Запорожские козаки з мещанами усех побили. Нежин зась и Чернегов и Переяславле места попусто́шены и попа́лены, а за́мки зоставали през усе лето в обложенню от козаков и усего посполства.
Зача́вши гетман Бруховецкий тое непотребное дело, послал посланцов своих Стефана Гречаного в Крым до Хана, чинячи згоду и затягаючи Орду; а других послов своих — Григория Гамалею и Лаврентия Кашпаровича канцеляристу выслал на Белагород до Цариграда до царя турецкого, поддаючися оному, жебы его принял под свою борону. На весну, зараз скоро трава подросла, того ж часу князь Ромодановский з войсками его царского величества подступил под Котелву и там козаков облег. Козаки зась, зостаючие под рейментом гетмана Бруховецкого, почали свою приязнь отменяти и до Дорошенка посылати, жебы, из Чигирина выйшовши, за Днепр пероправовался, обецуючися оного за гетмана приняти. Тако ж и Серко и з Чернегова полковник Демко́ Многогрешный. На которые их слова Дорошенко до Чернегова послал своих козаков, а сам Дорошенко, переправивши Днепр потягнул под Опошное.
Того ж часу и Орда з Крыму выйшла з посланцами Бру-
