Іосифъ Тукалскій и Хмелницкій молодый и Гуляницкій, и небавячися въ Полщѣ, перше Хмелницкій уте́комъ на Украину поѣхалъ, а потомъ заразъ и Митрополитъ, бо знову хотѣли побрати и потратити за поводомъ Тетеринымъ.
Того жъ року коммисія скончалася въ Красномъ подъ Смоленскимъ, зъ которой коммисіи, якъ на Москвѣ освѣдчено, отъ его царского величества, усему народу при соборной церквѣ, и присланъ былъ Евстратій Антиповичъ такъ зъ писмомъ тоей постановленной коммисіи до гетмана на Бруховецкого. Ажъ отъ того часу тая была пошла пословица, же Кіева уступити мѣетъ Ляхомъ, также забранные рѣчи въ костелахъ лядскихъ—сребро, аппарати, книги и иные рѣчи, где хто що позна́етъ, то тое отбѣрати на Украинѣ; знову зась козацство, которое зостаетъ на томъ боку Днѣпра, якъ-то Чигиринъ, Черкасы, то повинны слухати Короля его милости; а которое зостаетъ на семъ боку Днѣпра, то повинно слухати его царского величества; а которая бы сторона спротивилася, то зобополне оную зно́сити. О чемъ усемъ Бруховецкій далъ знати на Запороже, и отъ того часу встали шатости на Украинѣ. Того жъ року поселъ великій королевскій, воевода чернѣговскій Биневскій, былъ на Москвѣ; которому шляхту и мѣщанъ литовскихъ, зостаючихъ въ полоню на Москвѣ, отдано на волю зъ жонами и дѣтми и усѣми набитками. Также и посланцѣ́ гетмана Бруховецкого частые на Москвѣ бысали въ кривдахъ отъ воеводъ, зостаючихъ по городахъ, отъ которыхъ люде поносили, на що жадного респонсу не одержовалъ; а найболше якъ былъ подписокъ зъ канцеляріи Мокріевичь и Якубовичъ тое знати дали, же козаки юже нѣ за́ що, и якобы Ляхомъ вскорѣ Украину отдадутъ. Того жъ часу и грамота его царского величества прійшла, же бояринъ въ килкадесятъ тысячъ войска на Украину зимою быти мѣлъ; зъ чего барзо Бруховецкій собою и уся старшина стривожили, того ся боячи, жебы не отдано королевѣ Украины. Того жъ часу въ осени́ много козаковъ зъ Запорожя на́ зиму прійшло. Того жъ року и лѣта на Москву пріѣхали два патріярхи: александрійскій и антіохійскій Пансій; а то на жадання и поселство его царского величества патріярху московского судити Никона. При которыхъ патріархахъ соборъ былъ на Москвѣ, и на томъ соборѣ патріярху московского зложили зъ патріяршества въ простые черци и въ заточеніе послали, а на его мѣстце иншого патріярху посвятили. Але жадной ереси на патріарху не показалось, тилко зъ ненависти тое учинили бояре, и послѣ того великая стала мѣшанина на Москвѣ.
Того жъ часу якійсь Степка Рагожинъ зъ Дону поднялся зъ козаками зъ военными и пошолъ на Хвалынское море и тамъ прибравъ много своеволѣ и по городахъ воеводъ мордовалъ, а людей посполитыхъ собѣ приворочалъ, ажъ и Астрахань узялъ. На которого по килка кротъ посылали и нѣчого оному радити не могли, же стрелцѣ до него въ тую своеволю приставали. Который чрезъ
Иосиф Тукалский и Хмелницкий молодый и Гуляницкий, и небавячися в Полще, перше Хмелницкий уте́ком на Украину поехал, а потом зараз и Митрополит, бо знову хотели побрати и потратити за поводом Тетериным.
Того ж року комисия скончалася в Красном под Смоленским, з которой комисии, як на Москве осведчено, от его царского величества, усему народу при соборной церкве, и прислан был Евстратий Антипович так з писмом тоей постановленной комисии до гетмана на Бруховецкого. Аж от того часу тая была пошла пословица, же Киева уступити меет Ляхом, также забранные речи в костелах лядских — сребро, аппарати, книги и иные речи, где хто що позна́ет, то тое отберати на Украине; знову зась козацство, которое зостает на том боку Днепра, як-то Чигирин, Черкасы, то повинны слухати Короля его милости; а которое зостает на сем боку Днепра, то повинно слухати его царского величества; а которая бы сторона спротивилася, то зобополне оную зно́сити. О чём усем Бруховецкий дал знати на Запороже, и от того часу встали шатости на Украине. Того ж року посел великий королевский, воевода чернеговский Биневский, был на Москве; которому шляхту и мещан литовских, зостаючих в полоню на Москве, отдано на волю з жонами и детми и усеми набитками. Также и посланце́ гетмана Бруховецкого частые на Москве бысали в кривдах от воевод, зостаючих по городах, от которых люде поносили, на що жадного респонсу не одержовал; а найболше як был подписок з канцелярии Мокриевичь и Якубович тое знати дали, же козаки юже не за́ що, и якобы Ляхом вскоре Украину отдадут. Того ж часу и грамота его царского величества прийшла, же боярин в килкадесят тысяч войска на Украину зимою быти мел; з чего барзо Бруховецкий собою и уся старшина стривожили, того ся боячи, жебы не отдано королеве Украины. Того ж часу в осени́ много козаков з Запорожя на́ зиму прийшло. Того ж року и лета на Москву приехали два патриярхи: александрийский и антиохийский Пансий; а то на жадання и поселство его царского величества патриярху московского судити Никона. При которых патриархах собор был на Москве, и на том соборе патриярху московского зложили з патрияршества в простые черци и в заточение послали, а на его местце иншого патриярху посвятили. Але жадной ереси на патриарху не показалось, тилко з ненависти тое учинили бояре, и после того великая стала мешанина на Москве.
Того ж часу якийсь Степка Рагожин з Дону поднялся з козаками з военными и пошёл на Хвалынское море и там прибрав много своеволе и по городах воевод мордовал, а людей посполитых собе приворочал, аж и Астрахань узял. На которого по килка крот посылали и нечого оному радити не могли, же стрелце до него в тую своеволю приставали. Который чрез
