ховецкій самъ зъ ними не пойшолъ на войну; и повернули на Запороже, бо тамъ Сѣрко зъ козаками Низними на Татаръ ходилъ. Того жъ року Данко, полковникъ Переяславскій, зъ полкомъ своимъ зоставалъ на залозѣ у Богушковой слободѣ; которого полковника козаки переяславскіе не любили, же насланный былъ, и знову того перепису не залюбили и подачи вложенной, въ осени́ збунтовавшися, полковника своего убили и, отступя, ночю поспѣшили, хотячи, въ замокъ упавши, Москву выбити, але того не доказали, бо воевода остерегся и своихъ въ городъ зобравъ и не дался. Итакъ мѣсто спалили и одинъ другого пожаковалъ, и покинувши городъ, до Баришовки уступили, хотячи, тамъ живучи, зоставати при Дорошенку; але того не доказали, бо оттуля утекли до Золотоноши, где войско скупившися козацкое и московское, оныхъ облегли въ Золотоноши и часъ немалый доставали; аже нѣкоторые зъ старшины переяславской, спусто́шивши Переяславль и шукаючи обороны, прибѣгли до Дорошенка, просячи оного, жебы ихъ принявши, зъ городами оборонилъ; который тому радъ будучи, заразъ послалъ по Орду; которого Орда барзо слухала, поневажъ оного и гетманомъ наставила, въ скоромъ часѣ поспѣшила, и переправивши Днѣпръ, зъ козаками Дорошенковыми юже подъ часъ заморозковъ, дали отсѣчъ тимъ козакамъ, зостаючимъ въ Золотоноши, же мусѣло войско оборонною рукою уступати къ Переяславлю, такъ московское, якъ и козацкое, которого не мало было зъ княземъ Щербатымъ.
Тая жъ Орда, оборонивши Золотоношу о Покровѣ, много людей по за Нѣжиномъ и около Прилуки усѣ села забрали, бо обезпечилися были на тое войско, которое зоставало подъ Золотоношею, и несподѣвано на нихъ Орда напала.
Того жъ часу тая Орда на Маховского, бо Маховскій посланный былъ зъ войскомъ на становиско на Украину, который прійшовши подъ Иванъ-Городъ, которого не хотѣли пустити подъ Иванъ-Городъ, оный досталъ и опустошилъ, людей выстиналъ; о чомъ знати дано Дорошенковѣ гетмановѣ. Итакъ Дорошенко зъ тоею ордою и козаками напалъ на Маховского и его войско въ Браиловѣ, который рушилъ былъ до бору, и тамъ тое войско розбили и самого Маховского рейментара поймали, и жолнѣрства много въ неволю взято; зъ которого войска мало хто заледво увойшолъ. И отъ того часу знову сталося розорвання козаковъ отъ короля.
Войско его царского величества, которое зоставало на Запорожю онымъ на оборону и помочь противу Татаръ, до которыхъ и Колмыки прихожували, але Запорожцѣ, яко люде своеволные, не могли зъ Москвою помѣшкати и наприкрылися тому Московскому войску, которое зъ Косоговымъ стояло, же мусѣли добиватися челомъ, жебы онымъ позволено уступити, бо оныхъ Запорожцѣ не потребовали собѣ, а звлаща тая сторона боку Днѣпра, которая при Дорошенку зостаетъ; итакъ за указомъ его цар-
ховецкий сам з ними не пойшол на войну; и повернули на Запороже, бо там Серко з козаками Низними на Татар ходил. Того ж року Данко, полковник Переяславский, з полком своим зоставал на залозе у Богушковой слободе; которого полковника козаки переяславские не любили, же насланный был, и знову того перепису не залюбили и подачи вложенной, в осени́ збунтовавшися, полковника своего убили и, отступя, ночю поспешили, хотячи, в замок упавши, Москву выбити, але того не доказали, бо воевода остерегся и своих в город зобрав и не дался. Итак место спалили и один другого пожаковал, и покинувши город, до Баришовки уступили, хотячи, там живучи, зоставати при Дорошенку; але того не доказали, бо оттуля утекли до Золотоноши, где войско скупившися козацкое и московское, оных облегли в Золотоноши и час немалый доставали; аже некоторые з старшины переяславской, спусто́шивши Переяславль и шукаючи обороны, прибегли до Дорошенка, просячи оного, жебы их принявши, з городами оборонил; который тому рад будучи, зараз послал по Орду; которого Орда барзо слухала, поневаж оного и гетманом наставила, в скором часе поспешила, и переправивши Днепр, з козаками Дорошенковыми юже под час заморозков, дали отсеч тим козакам, зостаючим в Золотоноши, же мусело войско оборонною рукою уступати к Переяславлю, так московское, як и козацкое, которого не мало было з князем Щербатым.
Тая ж Орда, оборонивши Золотоношу о Покрове, много людей по за Нежином и около Прилуки усе села забрали, бо обеспечилися были на тое войско, которое зоставало под Золотоношею, и несподевано на них Орда напала.
Того ж часу тая Орда на Маховского, бо Маховский посланный был з войском на становиско на Украину, который прийшовши под Иван-Город, которого не хотели пустити под Иван-Город, оный достал и опустошил, людей выстинал; о чом знати дано Дорошенкове гетманове. Итак Дорошенко з тоею ордою и козаками напал на Маховского и его войско в Браилове, который рушил был до бору, и там тое войско розбили и самого Маховского рейментара поймали, и жолнерства много в неволю взято; з которого войска мало хто заледво увойшол. И от того часу знову сталося розорвання козаков от короля.
Войско его царского величества, которое зоставало на Запорожю оным на оборону и помочь противу Татар, до которых и Колмыки прихожували, але Запорожце, яко люде своеволные, не могли з Москвою помешкати и наприкрылися тому Московскому войску, которое з Косоговым стояло, же мусели добиватися челом, жебы оным позволено уступити, бо оных Запорожце не потребовали собе, а звлаща тая сторона боку Днепра, которая при Дорошенку зостает; итак за указом его цар-
