ликая. Войско козацкое въ купу не зійшлося и орда не допустила скупитися, осадивши гетмана Хмелницкого въ поляхъ, и такъ наступовало жолнѣрство на Хмелницкого, же трупомъ жолнѣрскимъ козаки вта́борились, бо нетилко въ день, але у ночѣ бились у рукопашъ; аже въ таборъ козацкій и московскій драгунія уломилась была, которыхъ не такъ стрѣлбою, якъ оглоблями зъ саней били и многихъ побили, зъ которыхъ мало хто увойшолъ. Що видячи Хмелницкій, же такъ великая налога презъ дней три, казалъ табору руша́ти и просто на обозъ коронный ити, роспорадивши гарма́ты и пѣхоту. Що видячи жолнѣрове, мусѣли уступовати назадъ, также и орда, бо много Татаръ пропало. За которыми гетманъ Хмелницкій зъ войсками ишолъ; а войска коронные уступили за Богъ, а инные въ Полщу повернули, и усѣ войска коронные коло Подгоря держались, бо за́разъ на весну того жъ року его царское величество зъ великими потугами зъ Вязми выйшовши, и просто къ Вилню войною ишолъ, и усю Литву звоевалъ, и Вилню взялъ и усѣ городы, опрочъ Слуцка и Быхова. Тамъ же и козаки были при его царскомъ величеству, зостаючіе зъ Золотаренкомъ, и барзо здо́бычъ великую узяли. А гетманъ Хмелницкій, зъ войсками своими и его царского величества силами, подъ Лвовъ ходилъ и, облегши Лвовъ, разные городы побралъ и Люблинъ узялъ, и опустошилъ тоей землѣ не мало, бо не могли силы жолнѣрскіе опе́ртися, же и короля не мѣли у земли, а инные войска Шве́довѣ поподдавалися. На́ветъ и самъ гетманъ Радивилъ, будучи выгнанный зъ Вилня, поддался шведскому королевѣ зъ гетманемъ литовскимъ и усѣмъ войскомъ. А у Вилню зоставалъ воевода, и по инныхъ городахъ, такъ великихъ, яко и малыхъ, зоставали воеводове его царского величества, а звла́ща по столе́чныхъ, где воевода, яко то Вилня, Полоцко, Витепско, Минско, то бояре зоставали. Итакъ того року усю Литву звое́вано, и его царское величество повернулся на зиму знову до Вязми со всѣми силами. А Иванъ Золотаренко, повернувши отъ его царского величества зъ Литвы, подійшолъ зъ войсками козацкими подъ Быховъ Старый и тамъ оный въ обложенню держалъ, где на коню, подъ часъ потре́бы, оного на ге́рцу пострелено у ногу зъ мушке́та, отъ которой ноги и померъ подъ Быховымъ. И тамъ по смерти его якъ тѣло проважено до Нѣжина, въ скоромъ часѣ забунтовалося козацство, на своихъ старшинъ чернь повставала была, хотячи старшину побити; але старшина скупившися, многихъ съ чернѣ выстинали, бо чернь, напавши на возы купецкіе зъ горѣлками, оныхъ рабуючи, позапивалися, на которыхъ напавши старшина, выстинали, а приво́дцовъ повѣшали. Итакъ юже не могучи за непослуше́нствомъ болше держати Быхова въ обложеню и оный узяти не могучи, отступили назадъ на Украину, зоставивши тамъ полковника Нечая зъ войскомъ, которые тамъ и коло тамошнего повѣту Могилевскаго и коло инныхъ городовъ, ажъ по самый Гомель, стояли, бо тилко Быховъ Ляхамъ голдова́лъ.
О томъ зась тѣлѣ албо трупѣ того Ивана Золотаренка взмѣнку
ликая. Войско козацкое в купу не зийшлося и орда не допустила скупитися, осадивши гетмана Хмелницкого в полях, и так наступовало жолнерство на Хмелницкого, же трупом жолнерским козаки вта́борились, бо нетилко в день, але у ноче бились у рукопаш; аже в табор козацкий и московский драгуния уломилась была, которых не так стрелбою, як оглоблями з саней били и многих побили, з которых мало хто увойшол. Що видячи Хмелницкий, же так великая налога през дней три, казал табору руша́ти и просто на обоз коронный ити, роспорадивши гарма́ты и пехоту. Що видячи жолнерове, мусели уступовати назад, также и орда, бо много Татар пропало. За которыми гетман Хмелницкий з войсками ишол; а войска коронные уступили за Бог, а инные в Полщу повернули, и усе войска коронные коло Подгоря держались, бо за́раз на весну того ж року его царское величество з великими потугами з Вязми выйшовши, и просто к Вилню войною ишол, и усю Литву звоевал, и Вилню взял и усе городы, опроч Слуцка и Быхова. Там же и козаки были при его царском величеству, зостаючие з Золотаренком, и барзо здо́быч великую узяли. А гетман Хмелницкий, з войсками своими и его царского величества силами, под Лвов ходил и, облегши Лвов, разные городы побрал и Люблин узял, и опустошил тоей земле не мало, бо не могли силы жолнерские опе́ртися, же и короля не мели у земли, а инные войска Шве́дове поподдавалися. На́вет и сам гетман Радивил, будучи выгнанный з Вилня, поддался шведскому королеве з гетманем литовским и усем войском. А у Вилню зоставал воевода, и по инных городах, так великих, яко и малых, зоставали воеводове его царского величества, а звла́ща по столе́чных, где воевода, яко то Вилня, Полоцко, Витепско, Минско, то бояре зоставали. Итак того року усю Литву звое́вано, и его царское величество повернулся на зиму знову до Вязми со всеми силами. А Иван Золотаренко, повернувши от его царского величества з Литвы, подийшол з войсками козацкими под Быхов Старый и там оный в обложенню держал, где на коню, под час потре́бы, оного на ге́рцу пострелено у ногу з мушке́та, от которой ноги и помер под Быховым. И там по смерти его як тело проважено до Нежина, в скором часе забунтовалося козацство, на своих старшин чернь повставала была, хотячи старшину побити; але старшина скупившися, многих с черне выстинали, бо чернь, напавши на возы купецкие з горелками, оных рабуючи, позапивалися, на которых напавши старшина, выстинали, а приво́дцов повешали. Итак юже не могучи за непослуше́нством болше держати Быхова в обложеню и оный узяти не могучи, отступили назад на Украину, зоставивши там полковника Нечая з войском, которые там и коло тамошнего повету Могилевского и коло инных городов, аж по самый Гомель, стояли, бо тилко Быхов Ляхам голдова́л.
О том зась теле албо трупе того Ивана Золотаренка взменку
