павши зъ ордою, обозу досталъ и тое войско знеслъ, и Калиновскому гетма́новѣ тамъ же голову оття́то, и до Хмелницкого Татаринъ принѣслъ. Зъ которого то войско зъ того обозу мало хто увойшолъ, бо, хоча́й хто былъ ко́нми добрыми увойшолъ албо́ лѣсами, то по старому, покуля́ Татаре оныхъ нагнали, то люди оныхъ громили, не имѣючи надъ ними милости за ихъ тиранства и здырства. Итакъ тое войско разбивши, ханъ зъ Хмелницкимъ пустились просто къ Ка́мянцовѣ Подолскому, и що орда узяла была живого неволника жолнѣрства, усе приказалъ вы́стинати, жебы ся орда не обтягала.
Въ тому року знову по городахъ много пановъ пропало, которые на свои мае́тности понаѣзди́ли были, бо знову оныхъ ихъ посполство позабывало, и козаки, що уступили были зъ своихъ дворовъ, знову ся понавороча́ли. А гетманъ Хмельницкій, ставши подъ Камянцемъ Подолскимъ, много шко́ды начинили, бо за Лвовомъ и по Волынню попусто́шивши и на полнивши ясы́ромъ Орду, повернулъ до чигирина и отпустилъ орду.
И того жъ року послалъ до Волохъ женити сына своего зъ дочко́ю господаря волоского Василія воеводы Лупика, который учинити му́сѣлъ, боячи́ся оного. И такъ тоей осени тое сталося веселля, и отдалъ дочку́ свою до Чигрина́. Которое зъ великимъ коштомъ, такъ отъ господаря волоского, яко тежъ и людей, зостаючихъ, куда тое войско зъ весе́ллемъ ишло, отправлялося, бо не въ малѣ купи ишло, а люде своеволные.
Того жъ року барзо при́мерки великіе были въ Корсунѣ и по инныхъ городахъ въ тихъ повѣтахъ, также и на Заднѣ́прю , въ Переясловлю и въ пригородкахъ его, въ Носо́вцѣ, въ Прилуцѣ, опрочъ Нѣжина, много вымерло людей, же пусты зостали дворѣ.
Того жъ року въ осени́ чудъ немалый стался въ Конотопѣ мѣстѣ у замку, бо по отходѣ жолнѣрства, албо́ еще отъ пе́ршого ро́ку тое́й войны, зостался былъ урядникъ Сосно́вскій зъ жоною, который мѣлъ и пятеро дѣтей своихъ, зъ жоною своею спло́женныхъ, и мѣ́шкалъ въ томъ замку конотопскомъ до сего часу. Якъ Калиновского зне́сено на Батозѣ, за́разъ и тутъ на Заднѣпру старо́стъ много позаби́ванно, где и того старосту въ томъ же за́мку конотопскомъ тая своеволя убила зъ жоною и зъ дѣтми, особъ четверо, и тамъ же въ томъ за́мку конотопскомъ въ колодязь всѣхъ вкидано. Которое то забойство сталося о святой Тройцы на томъ тижню. А тотъ колодязь былъ глыбокій, саженей коло десяти, ежели не болше. Итакъ тіе тѣла побитыхъ зоставали въ томъ колодязѣ въ водѣ ажъ до Воздвиженія Честнаго Креста, и въ той часъ незнать откуля́ узялася вода и тотъ колодязь выполнила и усѣ тіе тѣла на верхъ вынесла, и якъ оные зъ тее́й води побрано, знову вода уступила на свое мѣсце внизъ въ колодязь при очахъ многихъ людей. А тіе тѣла въ цѣлости зоставали. Которые то тѣла жители копотопскіе, тамъ же неподалеку того жъ колодязя выкопавши яму, поховали.
Того жъ часу и року изъ Сивера, то есть изъ Стародубова, По-
павши з ордою, обозу достал и тое войско знесл, и Калиновскому гетма́нове там же голову оття́то, и до Хмелницкого Татарин принесл. З которого то войско з того обозу мало хто увойшол, бо, хоча́й хто был ко́нми добрыми увойшол албо́ лесами, то по старому, покуля́ Татаре оных нагнали, то люди оных громили, не имеючи над ними милости за их тиранства и здырства. Итак тое войско разбивши, хан з Хмелницким пустились просто к Ка́мянцове Подолскому, и що орда узяла была живого неволника жолнерства, усе приказал вы́стинати, жебы ся орда не обтягала.
В тому року знову по городах много панов пропало, которые на свои мае́тности понаезди́ли были, бо знову оных их посполство позабывало, и козаки, що уступили были з своих дворов, знову ся понавороча́ли. А гетман Хмельницкий, ставши под Камянцем Подолским, много шко́ды начинили, бо за Лвовом и по Волынню попусто́шивши и на полнивши ясы́ром Орду, повернул до чигирина и отпустил орду.
И того ж року послал до Волох женити сына своего з дочко́ю господаря волоского Василия воеводы Лупика, который учинити му́сел, боячи́ся оного. И так тоей осени тое сталося веселля, и отдал дочку́ свою до Чигрина́. Которое з великим коштом, так от господаря волоского, яко теж и людей, зостаючих, куда тое войско з весе́ллем ишло, отправлялося, бо не в мале купи ишло, а люде своеволные.
Того ж року барзо при́мерки великие были в Корсуне и по инных городах в тих поветах, также и на Задне́прю , в Переясловлю и в пригородках его, в Носо́вце, в Прилуце, опроч Нежина, много вымерло людей, же пусты зостали дворе.
Того ж року в осени́ чуд немалый стался в Конотопе месте у замку, бо по отходе жолнерства, албо́ еще от пе́ршого ро́ку тое́й войны, зостался был урядник Сосно́вский з жоною, который мел и пятеро детей своих, з жоною своею спло́женных, и ме́шкал в том замку конотопском до сего часу. Як Калиновского зне́сено на Батозе, за́раз и тут на Заднепру старо́ст много позаби́ванно, где и того старосту в том же за́мку конотопском тая своеволя убила з жоною и з детми, особ четверо, и там же в том за́мку конотопском в колодязь всех вкидано. Которое то забойство сталося о святой Тройцы на том тижню. А тот колодязь был глыбокий, саженей коло десяти, ежели не болше. Итак тие тела побитых зоставали в том колодязе в воде аж до Воздвижения Честного Креста, и в той час незнать откуля́ узялася вода и тот колодязь выполнила и усе тие тела на верх вынесла, и як оные з тее́й води побрано, знову вода уступила на свое месце вниз в колодязь при очах многих людей. А тие тела в целости зоставали. Которые то тела жители копотопские, там же неподалеку того ж колодязя выкопавши яму, поховали.
Того ж часу и року из Сивера, то есть из Стародубова, По-
