въ Кіевѣ зоставалъ, бо, якъ благочестивый панъ, въ зго́дѣ зъ гетманомъ Хмелницкимъ былъ. По той згодѣ выкупили обоихъ гетмановъ коронныхъ, Потоцкого и Калиновского, и при нихъ гетманства зоставили.
Не хотячи́ войско порожніова́ти, а звла́ща зъ такимъ поганиномъ и ворогомъ вѣры христіянской збратавшися, Волоская земля христіянство любо зостаетъ въ подданствѣ Ту́рчиновъ, али однакъ, же южъ почали обфи́то жить при одномъ господарѣ спокойно Василю Липулѣ, и потому позавидѣвши, жебы оныхъ уменшати, же христіянство, а звла́ща Рось, гору узяла, такъ розумѣю, же за повелѣніемъ Ту́рчина, ханъ крымскій зъ гетманомъ Хмелницкимъ несподѣванно со всѣми поту́гами козацкими и татарскими, напавши на Волоскую землю, нѣвець все обернули, звоевали по самые горы, людей побрали въ полонъ и набы́тки ихъ, тилко за́мки мо́цные одержалися, и самъ господаръ уступилъ былъ зась мѣста столечного, але знову ся навернулъ. А Хмелницкій стоялъ зъ ханомъ у Прута. А тую землю чатами звоевали. А напотомъ господаръ поедна́лъ орду, а зъ гетманомъ Хмелницкимъ, жебы ся вернулъ зъ его землѣ, учинилъ сватовство, дочку́ свою за сына Хмелницкого пріобищалъ дати, що напотомъ и учинилъ. А войско коронное зъ гетманами стояло подъ Камянцемъ Подолскимъ, не даючи жа́дной причины козакамъ до войны. Итакъ того року жа́дной войны зъ короннымъ войскомъ не было, але, повернувши о Покро́вѣ зъ Волохъ упокоемъ сидѣли въ домахъ.
Зѣмо́ю почали давати жолнѣ́рове поводъ до войны, бо залоги козацкіе почали наѣжати, а войска затягати. О чомъ увѣдомившися гетманъ Хмелницкій, скупятися полкомъ приказалъ и за́разъ по Рождествѣ Христовомъ выйшолъ и сталъ самъ въ Стави́щахъ, а войска по разнихъ городахъ въ тихъ повѣтахъ коло Богу стали и такъ ажъ до весны зоставали, покуля́ ханъ зъ Крыму зъ ордами притянулъ. А скоро ханъ зъ Крыму наспешилъ зъ ордами, того жъ часу Хмелницкій зо всѣми поту́гами пойшолъ противъ короля его милости. А король стоялъ подъ Бересте́чкомъ, и тамъ всѣ войска съ посполитымъ руше́ніемъ зоставали. Где притягши гетманъ Хмелницкій пе́ршой недѣли Петрова поста, дали бой слу́шній войску королевскому. Аже не стате́чная пріязнь вовку зъ бараномъ, такъ христіяни́новѣ зъ бусурманомъ. Ханъ крымскій почалъ зъ королемъ его милостю щось зго́дного, и учинили потре́бу еще, и ханъ за́разъ зъ ордами уступилъ, зоставивши самихъ козаковъ. Що видячи, гетма́нъ Хмелницкій зъ писаремъ ско́чили до хана, унимаючи оного, але не дался намо́вити, просто пошолъ подъ Ожеховцѣ миль килкана́дцять и сталъ. Которого гетма́нъ упросилъ, жебы оному орды далъ учинити о́тсѣчь войску, поне́важъ самъ не хотѣлъ верну-
в Киеве зоставал, бо, як благочестивый пан, в зго́де з гетманом Хмелницким был. По той згоде выкупили обоих гетманов коронных, Потоцкого и Калиновского, и при них гетманства зоставили.
Не хотячи́ войско порожниова́ти, а звла́ща з таким поганином и ворогом веры християнской збратавшися, Волоская земля християнство любо зостает в подданстве Ту́рчинов, али однак, же юж почали обфи́то жить при одном господаре спокойно Василю Липуле, и потому позавидевши, жебы оных уменшати, же християнство, а звла́ща Рось, гору узяла, так розумею, же за повелением Ту́рчина, хан крымский з гетманом Хмелницким несподеванно со всеми поту́гами козацкими и татарскими, напавши на Волоскую землю, невець всё обернули, звоевали по самые горы, людей побрали в полон и набы́тки их, тилко за́мки мо́цные одержалися, и сам господар уступил был зась места столечного, але знову ся навернул. А Хмелницкий стоял з ханом у Прута. А тую землю чатами звоевали. А напотом господар поедна́л орду, а з гетманом Хмелницким, жебы ся вернул з его земле, учинил сватовство, дочку́ свою за сына Хмелницкого приобищал дати, що напотом и учинил. А войско коронное з гетманами стояло под Камянцем Подолским, не даючи жа́дной причины козакам до войны. Итак того року жа́дной войны з коронным войском не было, але, повернувши о Покро́ве з Волох упокоем сидели в домах.
Земо́ю почали давати жолне́рове повод до войны, бо залоги козацкие почали наежати, а войска затягати. О чом уведомившися гетман Хмелницкий, скупятися полком приказал и за́раз по Рождестве Христовом выйшол и стал сам в Стави́щах, а войска по разних городах в тих поветах коло Богу стали и так аж до весны зоставали, покуля́ хан з Крыму з ордами притянул. А скоро хан з Крыму наспешил з ордами, того ж часу Хмелницкий зо всеми поту́гами пойшол против короля его милости. А король стоял под Бересте́чком, и там все войска с посполитым руше́нием зоставали. Где притягши гетман Хмелницкий пе́ршой недели Петрова поста, дали бой слу́шний войску королевскому. Аже не стате́чная приязнь вовку з бараном, так християни́нове з бусурманом. Хан крымский почал з королем его милостю щось зго́дного, и учинили потре́бу еще, и хан за́раз з ордами уступил, зоставивши самих козаков. Що видячи, гетма́н Хмелницкий з писарем ско́чили до хана, унимаючи оного, але не дался намо́вити, просто пошёл под Ожеховце миль килкана́дцять и стал. Которого гетма́н упросил, жебы оному орды дал учинити о́тсечь войску, поне́важ сам не хотел верну-
