мусѣли утѣкати въ Константинову Великому, оставивши тяжа́ры военные, тилко зъ скарбными возами; але постарому и тое въ руки козакамъ и Татарамъ досталося, бо, наганяючи шляхомъ, оныхъ рубали, а которые и до Константинова прійшли, тамъ мостъ подъ самимъ мѣстомъ обламали и такъ переправу утративши, му́сѣли тамъ погибати; а и хто и въ Константиновъ увойшолъ, и тіе не одержалися въ Константиновѣ, але усе розно у Полщу пойшло розгромленное войско, а многіе зъ пановъ и шляхты въ неволю пойшли, а инныхъ пости́нано много, бо Орда не брала въ полону, задля того жебы́ не обтяжа́тися, але усе́ стина́ли. Итакъ Хмелницкій зъ войсками своими и Татарми, или съ ордами великими, просто къ Лвову потягли, пустошили усѣ́ городы и подъ Лвовъ подступивши, пустошилъ, тилко самый городъ Лвовъ окупъ за себе далъ Ордѣ и Хмелницкому. Итакъ оттоля Хмелницкій зо всѣми поту́гами потягнулъ подъ Замо́стя, а тамъ стоячи, Орда съ козаками по самую Вислу пусто́шили; также на Волыни городы значные повыймали: Острогъ великій, Засла́вя, Лу́цко, Владимеръ, Ко́бринъ, ажъ по Бре́стя Литовское: и хто можетъ зрахова́ти такъ неошацо́ванную шко́ду въ людехъ, що Орды позабѣра́ли, а мае́тности козаки позабѣрали? бо въ тотъ часъ не было милосердія межи народомъ людскимъ. Нетилько жидовъ губили и шляхту, але и посполитымъ людемъ, въ тихъ краяхъ живучимъ, тая жъ бѣда была. Многіе въ неволю татарскую пойшли, а найба́рзѣй ремесники молодые, которые головы себѣ голили пополску, чуприну пускаючи на верхъ головы. Але пре́дся Русь христіяне въ тихъ повѣтахъ въ городахъ позоставали и, ежели якого Поляка межи собою закрыли, то тотъ живъ. Косте́лѣ зась рымскіе пусто́шили, склепы съ трупами откопували, мертвыхъ тѣла зъ гробовъ выкидали и обдирали и въ томъ одѣянію ходили. Где тое спустоше́нна того лѣта трива́ло, ажъ почавши отъ Петрова поста до Филипова посту, тамъ подъ Замо́стямъ зоставалъ Хмелницкій, бо Господь Богъ за грѣхи навидѣлъ землю такою тяжкою войною и отнялъ у оной господаря, то есть короля щасли́вого Владислава, который на початку тоей нещасной войны померъ, выѣхавши зъ Ви́лня у Меречу. И тамъ не могли пано́ве сенаторове по тому запобѣгти зго́дою, але що порвалися войною, на себѣ понесли. Ажъ видячи такъ великій упадокъ своей шляхты, пановъ значныхъ и войска подданныхъ утраты, въ тотъ часъ почали старатися о королю себѣ и обобрали на королевство полское Яна Кизимѣра, рожо́ного брата зе́йшлого короля Владислава. Где зоставши королемъ, обослалъ гетма́на Хмелницкого писмомъ, напоминаючи, жебы панства не пусто́шилъ. Що гетма́нъ Хмелницкій, на писмо королевское, вернулся на зиму на Украи́ну до Чигирина и тамъ жону собѣ понялъ куму Чаплинскую, маючую мужа живого; а Орды въ Крымъ пойшли зъ добычу.
Того жъ року, по розказанню гетма́на Хмелницкого, полкъ Нѣжинскій ходилъ доставати Кодака́ и, идучи по Днѣпру, чинили великіе кры́вды людемъ. Где люде,
мусели утекати в Константинову Великому, оставивши тяжа́ры военные, тилко з скарбными возами; але постарому и тое в руки козакам и Татарам досталося, бо, наганяючи шляхом, оных рубали, а которые и до Константинова прийшли, там мост под самим местом обламали и так переправу утративши, му́сели там погибати; а и хто и в Константинов увойшол, и тие не одержалися в Константинове, але усе розно у Полщу пойшло розгромленное войско, а многие з панов и шляхты в неволю пойшли, а инных пости́нано много, бо Орда не брала в полону, задля того жебы́ не обтяжа́тися, але усе́ стина́ли. Итак Хмелницкий з войсками своими и Татарми, или с ордами великими, просто к Лвову потягли, пустошили усе́ городы и под Лвов подступивши, пустошил, тилко самый город Лвов окуп за себе дал Орде и Хмелницкому. Итак оттоля Хмелницкий зо всеми поту́гами потягнул под Замо́стя, а там стоячи, Орда с козаками по самую Вислу пусто́шили; также на Волыни городы значные повыймали: Острог великий, Засла́вя, Лу́цко, Владимер, Ко́брин, аж по Бре́стя Литовское: и хто может зрахова́ти так неошацо́ванную шко́ду в людех, що Орды позабера́ли, а мае́тности козаки позаберали? бо в тот час не было милосердия межи народом людским. Нетилько жидов губили и шляхту, але и посполитым людем, в тих краях живучим, тая ж беда была. Многие в неволю татарскую пойшли, а найба́рзей ремесники молодые, которые головы себе голили пополску, чуприну пускаючи на верх головы. Але пре́дся Русь християне в тих поветах в городах позоставали и, ежели якого Поляка межи собою закрыли, то тот жив. Косте́ле зась рымские пусто́шили, склепы с трупами откопували, мертвых тела з гробов выкидали и обдирали и в том одеянию ходили. Где тое спустоше́нна того лета трива́ло, аж почавши от Петрова поста до Филипова посту, там под Замо́стям зоставал Хмелницкий, бо Господь Бог за грехи навидел землю такою тяжкою войною и отнял у оной господаря, то есть короля щасли́вого Владислава, который на початку тоей нещасной войны помер, выехавши з Ви́лня у Меречу. И там не могли пано́ве сенаторове по тому запобегти зго́дою, але що порвалися войною, на себе понесли. Аж видячи так великий упадок своей шляхты, панов значных и войска подданных утраты, в тот час почали старатися о королю себе и обобрали на королевство полское Яна Кизимера, рожо́ного брата зе́йшлого короля Владислава. Где зоставши королем, обослал гетма́на Хмелницкого писмом, напоминаючи, жебы панства не пусто́шил. Що гетма́н Хмелницкий, на писмо королевское, вернулся на зиму на Украи́ну до Чигирина и там жону собе понял куму Чаплинскую, маючую мужа живого; а Орды в Крым пойшли з добычу.
Того ж року, по розказанню гетма́на Хмелницкого, полк Нежинский ходил доставати Кодака́ и, идучи по Днепру, чинили великие кры́вды людем. Где люде,
