барзо зычливый королевѣ его милости), и упросили писмо, албо привиле́й, на робленіе челновъ на море мимо вѣдомости гетмановъ коронныхъ, що и одержавши, тое скрыто держали отъ полковниковъ въ Переясловле. А подъ тотъ часъ у вышъ менованного Хмелницкого подстаростій чигиринскій Чаплинскій, зостаючій отъ Конецполского, отнялъ хуторъ съ пасѣкою и млиномъ на урочищѣ Суботовѣ, полторы милѣ отъ Чигирина, и за той хуторъ посваръ сталъ съ подстаростимъ Хмелницкому. И Хмелницкій, видячи, же оного вѣчистіе до́бра оному кгва́лтомъ выдрано, старался фо́ртелемъ, жебы тотъ привиле́й, данный отъ короля отъ его милости, на робленіе челновное волное козакамъ, достати; що и доказалъ, бо ма́ючи въ дому своемъ у гостяхъ того Илляша Ормянчина и у оного вывѣдавшися о схованю того привилея, упоивши оного, ключъ у пяного взявши, послалъ своего посланця́ по тотъ привилей, данный отъ короля его милости Владислава IV, который оному и привезъ его послане́цъ. Итакъ зъ онымъ привиле́емъ Хмелницкій за пороги пойшолъ и козакамъ ознаймилъ, же на волности козацкіе мѣетъ привилей короля его милости. До которого много войска козацкого почалось горнути. Аже на Запороже зоставати не могъ задля налоги, которая на тотъ часъ съ полковниками лядскими посполу зъ жолнѣрами зоставала, пошолъ на Низъ къ мору на поля къ Лиману, и тамъ войско къ оному рушилось, утѣкаючи отъ полковниковъ лядскихъ. Которого Хмелницкого полковникове посылали на тіе поля имати и разгромити; але оный тихъ посланныхъ лядскихъ погромилъ, а козацтво до оного пристало. Итакъ Хмелницкій, видячи, же уже учинилъ задоръ зъ Ляхами, и своего набытку албо и грунтовъ жалуючи, выслалъ своихъ посланцо́въ до хана крымского, чинячи зъ оными згоду и пріймуючи братерство, жебы ему помогали войска лядскіе зносити. Що ханъ крымскій зъ солтаномъ[1] ордами зъ радостію на тое позволивъ и, приславши своихъ мурзъ до Хмелницкого, межи собою присягу съ обоихъ сторонъ выконали на Низу, и заразъ ханъ посылаетъ съ ордами великими Тугайбея до Хмелницкого. Зъ которою ордою Хмелницкій на Запорожже наступилъ, до которого все войско, зостаючое на Запорожу, пристало и Хмелницкого себѣ за старшо́го приняли.
- ↑ ВР. п. съ солтанами.
барзо зычливый королеве его милости), и упросили писмо, албо привиле́й, на робление челнов на море мимо ведомости гетманов коронных, що и одержавши, тое скрыто держали от полковников в Переясловле. А под тот час у выш менованного Хмелницкого подстаростий чигиринский Чаплинский, зостаючий от Конецполского, отнял хутор с пасекою и млином на урочище Суботове, полторы миле от Чигирина, и за той хутор посвар стал с подстаростим Хмелницкому. И Хмелницкий, видячи, же оного вечистие до́бра оному кгва́лтом выдрано, старался фо́ртелем, жебы тот привиле́й, данный от короля от его милости, на робление челновное волное козакам, достати; що и доказал, бо ма́ючи в дому своем у гостях того Илляша Ормянчина и у оного выведавшися о схованю того привилея, упоивши оного, ключ у пяного взявши, послал своего посланця́ по тот привилей, данный от короля его милости Владислава IV, который оному и привез его послане́ц. Итак з оным привиле́ем Хмелницкий за пороги пойшол и козакам ознаймил, же на волности козацкие меет привилей короля его милости. До которого много войска козацкого почалось горнути. Аже на Запороже зоставати не мог задля налоги, которая на тот час с полковниками лядскими посполу з жолнерами зоставала, пошёл на Низ к мору на поля к Лиману, и там войско к оному рушилось, утекаючи от полковников лядских. Которого Хмелницкого полковникове посылали на тие поля имати и разгромити; але оный тих посланных лядских погромил, а козацтво до оного пристало. Итак Хмелницкий, видячи, же уже учинил задор з Ляхами, и своего набытку албо и грунтов жалуючи, выслал своих посланцо́в до хана крымского, чинячи з оными згоду и приймуючи братерство, жебы ему помогали войска лядские зносити. Що хан крымский з солтаном[1] ордами з радостью на тое позволив и, приславши своих мурз до Хмелницкого, межи собою присягу с обоих сторон выконали на Низу, и зараз хан посылает с ордами великими Тугайбея до Хмелницкого. З которою ордою Хмелницкий на Запорожже наступил, до которого всё войско, зостаючое на Запорожу, пристало и Хмелницкого себе за старшо́го приняли.
РОКУ 1648.
Взявши вѣдомость отъ комисара козацкого пано́ве гетма́нове, такъ коронный Миколай Потоцкій, яко тежъ и полній Калиновскій, же юже купа немалая войска зобралося на Запорожжи, до Хмелницкого приставши, заразъ со всѣми войсками коронными притягли на Украину до города Черкасъ и тамъ, отправу́ючи свята великіе Воскресенія Христова, усе войско козацкое съ полковниками ихъ скупили и казали онымъ присягти, же не мають зрадити полковниковъ своихъ и до Хмелницкого приставати. Итакъ заразъ по Воскресеніи Христовомъ гетма́нове ко-
- ↑ ВР. п. с солтанами.
РОКУ 1648.
Взявши ведомость от комисара козацкого пано́ве гетма́нове, так коронный Миколай Потоцкий, яко теж и полний Калиновский, же юже купа немалая войска зобралося на Запорожжи, до Хмелницкого приставши, зараз со всеми войсками коронными притягли на Украину до города Черкас и там, отправу́ючи свята великие Воскресения Христова, усе войско козацкое с полковниками их скупили и казали оным присягти, же не мають зрадити полковников своих и до Хмелницкого приставати. Итак зараз по Воскресении Христовом гетма́нове ко-
