Страница:Задонщина великого князя господина Дмитрия Ивановича и брата его Владимира Андреевича 1858.djvu/32

поганыхъ вспять поворотили. И нача ихъ бусормановъ бити и сѣчи горазно безъ милости. и князи ихъ падоша. съ коней загремѣли, а трупьми Татарскими поля насѣяша, и кровію ихъ рѣки протекли. Туто поганые разлучишася розно, и побѣгше неуготованными дорогами въ лукоморье, скрегчюще зубами своими, дърущи^[1] лица своя, а ркуще такъ: Уже намъ, братіе^[2] въ земли своей не бывать и дѣтей своихъ не видать, а въ Русь ратью намъ не хаживать, и выхода намъ у Рускихъ людей непрашивать. Ꙋже бо востона земля Татарская; бѣдами и тугою покрыта бо сердца ихъ хотеніе княземъ и похвала Руской земли.. ходити^[3]. Уже бо веселіе наше пониче. уже бо Рускіе сынове разграбиша Татарскія узорочья, и доспѣхи, и кони, и волы, и верблуды, и вино, и сахаръ, и дорогое узорочіе. уже жены Рускіе восплескаша Татарскимъ златомъ.

XIV. Уже 6о по Руской землѣ прострѣся веселіе и буйство. вознесеся слава Руская по всей земли, а на поганыхъ Татаръ злыхъ бусормановъ промчеся хула и пагуба. уже бо вержено диво на земли. и уже грозы великаго князя Дмитрея Ивановича и брата его князя Владимера Андреевича, по всѣмъ землямъ текутъ грозы. И князь великій своею храбростію и дружину Мамая поганаго побилъ за землю Рускую и за вѣру крещеную. уже поганые оружія своя повергоша на землю, а главы своя подклониша подъ мечи Рускіе. и трубы ихъ не трубятъ, и уныша гласи ихъ. И отскача поганый Мамай отъ своея дружины, сѣрымъ волкомъ взвылъ, и притече къ Хаѳестѣ граду^[4]. Молвяше же ему Ѳрязовѣ: Чему ты, поганый

1. Въ подл.: доруши.
2. Въ подл.: брате.
3. Тутъ долженъ быть, кажется, пропускъ. Срав. въ Прил. II.
4. Не описка ли вмѣсто: къ Каѳестѣй земли?

Тот же текст в современной орфографии

поганыхъ вспять поворотили. И нача ихъ бусормановъ бити и сѣчи горазно безъ милости. и князи ихъ падоша. съ коней загремѣли, а трупьми Татарскими поля насѣяша, и кровію ихъ рѣки протекли. Туто поганые разлучишася розно, и побѣгше неуготованными дорогами въ лукоморье, скрегчюще зубами своими, дърущи^[1] лица своя, а ркуще такъ: Уже намъ, братіе^[2] въ земли своей не бывать и дѣтей своихъ не видать, а въ Русь ратью намъ не хаживать, и выхода намъ у Рускихъ людей непрашивать. Ꙋже бо востона земля Татарская; бѣдами и тугою покрыта бо сердца ихъ хотеніе княземъ и похвала Руской земли.. ходити^[3]. Уже бо веселіе наше пониче. уже бо Рускіе сынове разграбиша Татарскія узорочья, и доспѣхи, и кони, и волы, и верблуды, и вино, и сахаръ, и дорогое узорочіе. уже жены Рускіе восплескаша Татарскимъ златомъ.

XIV. Уже 6о по Руской землѣ прострѣся веселіе и буйство. вознесеся слава Руская по всей земли, а на поганыхъ Татаръ злыхъ бусормановъ промчеся хула и пагуба. уже бо вержено диво на земли. и уже грозы великаго князя Дмитрея Ивановича и брата его князя Владимера Андреевича, по всѣмъ землямъ текутъ грозы. И князь великій своею храбростію и дружину Мамая поганаго побилъ за землю Рускую и за вѣру крещеную. уже поганые оружія своя повергоша на землю, а главы своя подклониша подъ мечи Рускіе. и трубы ихъ не трубятъ, и уныша гласи ихъ. И отскача поганый Мамай отъ своея дружины, сѣрымъ волкомъ взвылъ, и притече къ Хаѳестѣ граду^[4]. Молвяше же ему Ѳрязовѣ: Чему ты, поганый

1. В подл.: доруши.
2. В подл.: брате.
3. Тут должен быть, кажется, пропуск. Срав. в Прил. II.
4. Не описка ли вместо: къ Каѳестѣй земли?