II. Снидемся, братія и дрꙋзи, и сынове Рꙋскіи, составимъ слово къ словꙋ, возвеселимъ Рꙋскꙋю землю, возверземъ печаль на восточнꙋю странꙋ, въ Симовъ жребій, и воздадимъ поганомꙋ Мамаю побѣдꙋ, а великомꙋ князю Дмитрею Ивановочю похвалꙋ и братꙋ его князю Владимерꙋ Андреевичю. И рцемъ таково слово: Лудчи бо намъ, братіе[1], начати повѣдати иными словесы отъ похвальныхъ сихъ и о нынѣшнихъ повѣстехъ похвалꙋ великого князя Дмитрея Ивановича и брата его князя Владимера Андреевича, а внꙋки святаго великаго князя Владимера Кіевскаго, начати[2] повѣдати по дѣломъ и по былинамъ. Не проразимса мыслію, но землями помянемъ первыхъ лѣтъ времена — восхвалимъ[3] вѣщаго Бояна[4], въ городѣ Кіевѣ горазда[5] гꙋдца. Той бо вѣщій Боянъ, воскладая свои златыя персты на живыя стрꙋны, пояше славꙋ Рꙋсскыимъ княземъ, первомꙋ князю Рюрикꙋ, Игорю Рюриковичю и Святославꙋ, Ярополкꙋ, Владимирꙋ Святославичю[6], Ярославꙋ Володимеровичю, восхваляя ихъ пѣсьми и гꙋслеными бꙋйными словесы. — Азъ же восхвалю пѣснеми (и) гꙋслеными словесы — (господи)на Рꙋсскаго, господина князя Дмитрія Ивановича и брата его князя Володимера Ондреевича, занеже ихъ было мꙋжество и желаніе за землю Рꙋскꙋю и за вѣрꙋ христіаньскꙋю[7].
- ↑ Въ подл.: брате.
- ↑ Въ подл.: начаша ти.
- ↑ Въ подл.: первѣе всѣхъ вшедъ, восхалимъ.
- ↑ Въ подл.: вѣщаго гобояна. Очевидно, что го повторено по опискѣ.
- ↑ Въ подл.: гораздо.
- ↑ Въ подл.: Святославу Яро—славичю: писецъ, очевидно, пропустилъ цѣлую строку: я дополнилъ ее по смыслу. Срав. въ сп. Унд.
- ↑ Въ подл. еще прибавлено: отъ тоя рати и до Мамаева побоища.
II. Снидемся, братія и дрꙋзи, и сынове Рꙋскіи, составимъ слово къ словꙋ, возвеселимъ Рꙋскꙋю землю, возверземъ печаль на восточнꙋю странꙋ, въ Симовъ жребій, и воздадимъ поганомꙋ Мамаю побѣдꙋ, а великомꙋ князю Дмитрею Ивановочю похвалꙋ и братꙋ его князю Владимерꙋ Андреевичю. И рцемъ таково слово: Лудчи бо намъ, братіе[1], начати повѣдати иными словесы отъ похвальныхъ сихъ и о нынѣшнихъ повѣстехъ похвалꙋ великого князя Дмитрея Ивановича и брата его князя Владимера Андреевича, а внꙋки святаго великаго князя Владимера Кіевскаго, начати[2] повѣдати по дѣломъ и по былинамъ. Не проразимса мыслію, но землями помянемъ первыхъ лѣтъ времена — восхвалимъ[3] вѣщаго Бояна[4], въ городѣ Кіевѣ горазда[5] гꙋдца. Той бо вѣщій Боянъ, воскладая свои златыя персты на живыя стрꙋны, пояше славꙋ Рꙋсскыимъ княземъ, первомꙋ князю Рюрикꙋ, Игорю Рюриковичю и Святославꙋ, Ярополкꙋ, Владимирꙋ Святославичю[6], Ярославꙋ Володимеровичю, восхваляя ихъ пѣсьми и гꙋслеными бꙋйными словесы. — Азъ же восхвалю пѣснеми (и) гꙋслеными словесы — (господи)на Рꙋсскаго, господина князя Дмитрія Ивановича и брата его князя Володимера Ондреевича, занеже ихъ было мꙋжество и желаніе за землю Рꙋскꙋю и за вѣрꙋ христіаньскꙋю[7].
- ↑ В подл.: брате.
- ↑ В подл.: начаша ти.
- ↑ В подл.: первѣе всѣхъ вшедъ, восхалимъ.
- ↑ В подл.: вѣщаго гобояна. Очевидно, что го повторено по описке.
- ↑ В подл.: гораздо.
- ↑ В подл.: Святославу Яро—славичю: писец, очевидно, пропустил целую строку: я дополнил ее по смыслу. Срав. в сп. Унд.
- ↑ В подл. еще прибавлено: отъ тоя рати и до Мамаева побоища.
