Бж҃е́ственною любо́вїю ѿ ю҆́ности распала́емь па́ѵле прпⷣбне, всѧ̑ ꙗ҆̀же въ мі́рѣ кра́снаѧ возненави́дѣвъ, хрⷭ҇та̀ є҆ди́наго возлюби́лъ є҆сѝ. и҆ сегѡ̀ ра́ди во внꙋ́треннюю пꙋсты́ню всели́лсѧ є҆сѝ, со ѕвѣрьмѝ жи́ти, ве́сь хрⷭ҇тꙋ̀: ѿонꙋ́дꙋже и҆ всеви́дѧщее ѻ҆́ко твоѧ̑ трꙋды̀ ви́дѣвъ, да́ромъ чꙋде́съ и҆ по преставле́нїи ѡ҆богатѝ тѧ̀. тѣ́мже вопїе́мъ тѝ: молѝ непреста́ннѡ ѡ҆ всѣ́хъ на́съ, чⷭ҇тнꙋ́ю па́мѧть твою̀ при́снѡ въ пѣ́снехъ почита́ющихъ.
Всѐ твоѐ ᲂу҆́мное жела́нїе къ бг҃ꙋ впери́въ, и҆ томꙋ̀ невозвра́тнѡ ѿ дꙋшѝ послѣ́довалъ є҆сѝ, въ пꙋсты́ню всели́всѧ, и҆ та́мѡ а҆́гг҃льски пожи́въ, мнѡ҆гимъ пꙋ́ть бы́лъ є҆сѝ ко сп҃се́нїю: сегѡ̀ ра́ди и҆ хрⷭ҇то́съ тѧ̀ просла́ви, и҆ да́ромъ чꙋде́съ ѡ҆богатѝ. тѣ́мже всѝ вопїе́мъ тѝ: ра́дꙋйсѧ па́ѵле прпⷣбне, пусты́нный жи́телю.
_-_%D0%BA%D0%BE%D0%BD%D1%86%D0%BE%D0%B2%D0%BA%D0%B0_8.png)
