Эта страница была вычитана
734
День двадцать шестой
Тропа́рь, гла́съ д҃:
Дне́сь бл҃жа́тъ тѧ̀ мі́ра концы̀, бж҃е́ственныхъ чꙋде́съ и҆спо́лньшесѧ, и҆ землѧ̀ ра́дꙋетсѧ, напи́вшесѧ кро́ве твоеѧ̀: хрⷭ҇тоимени́тїи же лю́дїе гра́да кі́ева, ѡ҆сщ҃е́нїемъ бж҃е́ственнагѡ хра́ма твоегѡ̀ ра́достїю возвесели́шасѧ, стрⷭ҇тоте́рпче геѡ́ргїе, сосꙋ́де и҆збра́нный ст҃а́гѡ дх҃а, ᲂу҆го́дниче хрⷭ҇то́въ: є҆гѡ́же молѝ съ вѣ́рою и҆ мольбо́ю приходѧ́щымъ во ст҃ы́й тво́й хра́мъ, да́ти ѡ҆чище́нїе грѣхѡ́въ, ᲂу҆мири́ти мі́ръ, и҆ сп҃стѝ дꙋ́шы на́шѧ.
Конда́къ, гла́съ в҃:
Бж҃е́ственнаго и҆ вѣнцено́снаго великомч҃нка хрⷭ҇то́ва геѡ́ргїа, на врагѝ побѣ́дꙋ взе́мшаго ѡ҆долѣ́нїѧ, соше́дшесѧ вѣ́рою во ѡ҆сщ҃е́нный хра́мъ, восхва́лимъ, є҆гѡ́же бл҃говолѝ бг҃ъ созда́ти во и҆́мѧ є҆гѡ̀, є҆ди́нъ во ст҃ы́хъ почива́ѧй.
_-_%D0%BA%D0%BE%D0%BD%D1%86%D0%BE%D0%B2%D0%BA%D0%B0_58.png)
