Эта страница была вычитана
443
Житие святаго Апостола Матфея
Тропа́рь а҆пⷭ҇ла, гла́съ г҃:
У҆се́рднѡ ѿ мы́тницы къ зва́вшемꙋ влⷣцѣ хрⷭ҇тꙋ̀, ꙗ҆́вльшꙋсѧ на землѝ человѣ́кѡмъ за бл҃гость, томꙋ̀ послѣ́довавъ, а҆пⷭ҇лъ и҆збра́нный ꙗ҆ви́лсѧ є҆сѝ, и҆ бл҃говѣ́стникъ є҆ѵⷢ҇лїа вселе́ннѣй велегла́сенъ: сегѡ̀ ра́ди чти́мъ чⷭ҇тнꙋ́ю па́мѧть твою̀, матѳе́е бг҃оглаго́ливе. молѝ млⷭ҇тиваго бг҃а, да грѣхѡ́въ ѡ҆ставле́нїе пода́стъ дꙋша́мъ на́шымъ.
Конда́къ, гла́съ д҃:
Мыта́рства и҆́го ѿве́ргъ, пра́вды и҆́гꙋ припрѧ́глсѧ є҆сѝ, и҆ ꙗ҆ви́лсѧ є҆сѝ кꙋпе́цъ всеизрѧ́днѣйшїй, бога́тство прине́съ, ю҆́же съ высоты̀ премꙋ́дрость: ѿѻнꙋ́дꙋже проповѣ́далъ є҆сѝ и҆́стины сло́во, и҆ ᲂу҆ны́лыхъ воздви́глъ є҆сѝ дꙋ́шы, написа́въ ча́съ сꙋ́дный.
_-_%D0%BA%D0%BE%D0%BD%D1%86%D0%BE%D0%B2%D0%BA%D0%B0_12.png)
