Ꙗ҆́кѡ плѣ́нныхъ свободи́тель, и҆ ни́щихъ защи́титель, немощствꙋ́ющихъ вра́чь, царе́й побо́рниче, побѣдоно́сче великомч҃нче геѡ́ргїе, молѝ хрⷭ҇та̀ бг҃а, сп҃сти́сѧ дꙋша́мъ на́шымъ.
По́двигомъ до́брымъ подвиза́лсѧ є҆сѝ стрⷭ҇тоте́рпче хрⷭ҇то́въ вѣ́рою, и҆ мꙋчи́телей ѡ҆бличи́лъ є҆сѝ нече́стїе, же́ртва же бл҃гопрїѧ́тна бг҃ꙋ прине́слсѧ є҆сѝ: тѣ́мже и҆ вѣне́цъ прїѧ́лъ є҆сѝ побѣ́ды, и҆ мл҃твами ст҃е твои́ми, всѣ̑мъ подае́ши прегрѣше́нїй проще́нїе.
Воздѣ́ланъ ѿ бг҃а показа́лсѧ є҆сѝ бл҃гоче́стїѧ дѣ́латель чⷭ҇тнѣ́йшїй, добродѣ́телей рꙋкоѧ̑ти собра́въ себѣ̀: сѣ́ѧвъ бо въ слеза́хъ, весе́лїемъ жне́ши. страда́льчествовавъ же кро́вїю, хрⷭ҇та̀ прїѧ́лъ є҆сѝ, и҆ мл҃твами ст҃е твои́ми всѣ̑мъ подае́ши прегрѣше́нїй проще́нїе.
В тот же день Память святыя мученицы царицы Александры и святых мучеников Анатолия и Протолеона.