Эта страница была вычитана
615
Положение честна́го пояса Пресвятой Богородицы
Тропа́рь, гла́съ и҃:
Бцⷣе приснодв҃о, человѣ́кѡвъ покро́ве, ри́зꙋ и҆ по́ѧсъ пречⷭ҇тагѡ твоегѡ̀ тѣлесѐ, держа́вное гра́дꙋ твоемꙋ̀ ѡ҆бложе́нїе дарова́ла є҆сѝ, безсѣ́меннымъ ржⷭ҇тво́мъ твои́мъ нетлѣ́нна пребыва́ющи, ѡ҆ тебѣ́ бо и҆ є҆стество̀ ѡ҆бновлѧ́етсѧ и҆ вре́мѧ. тѣ́мже мо́лимъ тѧ̀, ми́ръ гра́дꙋ твоемꙋ̀ дарова́ти, и҆ дꙋша́мъ на́шымъ ве́лїю млⷭ҇ть.
Конда́къ, гла́съ в҃:
Бг҃опрїѧ́тное твоѐ чре́во, бцⷣе, ѡ҆б̾е́мшїй по́ѧсъ тво́й чⷭ҇тны́й, держа́ва гра́дꙋ твоемꙋ̀ неѡбори́ма, и҆ сокро́вище є҆́сть бл҃ги́хъ неѡскꙋ́дно, є҆ди́на ро́ждшаѧ приснод҃во.
И҆́нъ конда́къ, гла́съ д҃:
Чтⷭ҇на́гѡ по́ѧса твоегѡ̀ положе́нїе пра́зднꙋетъ дне́сь тво́й, препѣ́таѧ, хра́мъ, и҆ приле́жнѡ взыва́етъ тѝ: ра́дꙋйсѧ, дв҃о, хрⷭ҇тїа́нъ похвало̀.
_-_%D1%80%D0%B0%D0%B7%D0%B4%D0%B5%D0%BB%D0%B8%D1%82%D0%B5%D0%BB%D1%8C_28.png)
