Кестутью, и Князю Великому Святославу и ихъ дѣтемъ тѣхъ Князiй не восвати отчины ихъ, ни ихъ людiй. А что Князь Михайло на первомъ перемирьи, на другомъ, и на третьемъ, которая будетъ мѣста пограбилъ въ нашей отчинѣ въ Великомъ княженьи, а то Князю Великому Олгерду мнѣ чистити, то Князю Михайлу по исправѣ подавати назадъ по докончанью Князя Великого Олгерда. А гдѣ будетъ Князь Михайло вослалъ въ нашю отчину въ Великое Княженье намѣстники или волостители, и тыхъ ны сослаты доловъ; а не поѣдутъ, и намъ ихъ имати, а то отъ насъ не въ измѣну. А отъ сего перемирья отъ Оспожина заговѣнья до Дмитрiева дни а иметъ Князь Михайло что пакостити въ нашей отчинѣ въ великомъ Княженьи или грабити, намъ ся съ нимъ вѣдати самимъ; а Князю Великому Олгерду, и брату его Князю Кестутью и ихъ дѣтемъ за него ся не вступати. А что пошли въ Орду ко Царю люди жаловатися на Князя на Михайла, а то есмы въ Божiи воли и во Цвревѣ: какъ повелитъ, такъ ны дѣяти; а то отъ насъ не въ измѣну. А межы насъ Посломъ
