что язъ примыслилъ, то золото и шапку золотую, чепъ и сабли золотые, и порты саженые, и суды золотые и серебренные, суды и кони и жеребци и стада своя, далъ есмь своему сыну Князь Василью и своей Княгини и своимъ дѣтемъ; а что отецъ мой Князь Великiй г . село Павловское къ святому Олександру, а къ святѣй Богородицѣ на Крутицю четвертую часть тамги Коломенское, а Костки Москковскiе къ святѣй Богородици на Москвѣ у святаго Михаила; а того не подвигнутъ. А что моихъ казначеевъ, или поельскихъ и тивуновъ и деяковъ, хто что отъ мене вѣдали . . . . . сыну моему Князью Василью, ни моей Княгини, ни моимъ дѣтемъ не надобны. А что моихъ людiй купленыхъ, а тымъ далъ есмь свободу, и сынъ мой Князь Василiй и Княгини и дѣти мои не прiимаютъ ихъ. А сю грамату писалъ есмь собѣ душевною, и явилъ есмь отцю своему Олексѣю Митрополиту всея Руси, и отецъ мой Олексѣй Митрополитъ всея Руси и печать свою привѣсилъ къ сей граматѣ. А послухъ на сю грамату Тимоөей Окольничiй Васильевичъ, Иванъ
