витъ, анъ взятого не отдастъ, то правому отняти; а то ему не въ имѣну. А цѣлованья не сложити и до живота. А всему обидному дѣлу межи насъ судъ вопчiй отъ перьваго нашего цѣлованья, отъ положенья Веригъ святаго Апосотола Петра. А о чемъ судьи наши вопчiи сопрутся, и ни ѣдутъ на третiй на Князя великаго на Ольга, а намъ Княземъ въ судъ въ вопчiй не вступится: вѣдаютъ то тѣ, на комъ есме положили. А вывода у ребежа межи себе не замышляти; а хто замыслитъ рубежъ, рубежника по исправѣ выдати. А суженого не посужати, суженое, положеное, данное, порученое, холопу, робѣ, судъ отъ вѣка; холопа, робу, татя, разбойника, душегубца выдати по исправѣ. А мыта ти держати и пошлины имати по старой пошлины у нашехъ гостей и у торговцевъ; а путь имъ дати чистъ, какъ то было при нашемъ дѣдѣ при Великомъ Князи при Иванѣ, и при нашемъ дяди при Великомъ Князи при Семенѣ, и при моемъ отци при Великомъ Князи при Иванѣ. А мытовъ ти новыхъ и пошлинъ не замышляти; а почнутъ твои искати передъ насъ, или наши перед
