и слугъ отъѣхал отъ насъ къ тобѣ или отъ тобе къ намъ, а села ихъ въ нашей вотчинѣ въ великомъ Княженьи, или въ твоей вотчинѣ во Тфери, въ тѣ села намъ й тобѣ не вступатися; а что Ивановы села Васильевича и Нѣкоматовы, а въ тѣ села тобѣ ся не вступати, а имъ не надобе, тѣ села мнѣ; а Бояромъ и слугамъ вольнымъ воля. А кто будетъ служа намъ Княземъ, а вшолъ въ каково дѣло, а того поискавъ своимъ Княземъ; а того своимъ судьямъ опчимъ не судити. А кто служитъ намъ или тобѣ, а живетъ въ нашей вотчинѣ въ Великомъ Княженьи или въ твоей вотчинѣ во Тфери, и на тыхъ намъ взяти дань, какъ и на своихъ по цѣлованью безъ хитрости. А на полныхъ холопѣхъ не взяти, на которыхъ ключники цѣлуютъ. А судомъ и данью потянути по землѣ и по водѣ. А что ся учинишьъ межи насъ Князей каково дѣло, ино съѣдутся Бояре наши на рубежъ, да межи насъ поговорятъ, а не уговорятся, ино ѣдутъ на третiй на Князя на Великого на Олга: на кого помолвитъ, виноватый передъ правымъ поклонится, а взятое отдастъ. А чьи судьи на третiй не поѣдутъ, или на кого третiй помолвитъ,
