Открыть главное меню

Страница:Акты исторические. Том 1.djvu/95

Эта страница была вычитана

ся и пославшаго мя.» И аще не обратишися къ Богу, и ко своему брату старѣшпему къ Великому Князю, съ чистымъ покаяніемъ, и по Спасову глаголющему словеси, чюжъ будешь отъ Бога и отъ церквп Божіей, и отъ православныа христіянскія вѣры, и чясти не имаши съ вѣрными, и не будетъ на тобѣ милости Божіей и Пречистыя его Богоматери и силы того честнаго и животворящаго креста, который еси къ своему брату старѣйшему, къ Великому Князю Василью Васильевичю цѣловалъ, и по святымъ правиломъ проклятъ да будешъ отъ святыхъ Алостолъ и отъ святыхъ богоносныхъ Отець, отъ всѣхъ седми Вселенскихъ Сборовъ, и въ конечную погибель да пойдеши, съ прежними онѣми богомерзскими еретики, временно же и будуще. Такожъ и нашего смѣренія, святительского и священнического не будеть на тобѣ благословеніа и молитвы, ни въ си вѣкъ ни въ будущій, ни на тѣхъ на всѣхь, кто иметъ тобѣ думати, и на ту кровь къ тобѣ приставати и побърати или спѣшьствовати, или словомъ, или дѣломъ, или иною какою хитростью, на Великого Князя лихо и на его кровь и его дѣтей, и всего православнаго христіянства на неустроеніе и на нетишину. А въ томъ твоемъ неисправленьи какова, по грѣхомъ, кровь христіянская прольется, и та христіянская кровь вся на тобѣ же будеть. А писана на Москвѣ, мѣсяца Декемвріа въ 29 день, въ лѣто 6956, индикта 11.

Изъ рукописи, подъ заглавіемъ: Посланія Россійскихъ Митрополитовъ и другихъ лицъ (in 4°, XVI в., грам. 19, л. 70—84), хранящейся въ Московской Синодальной библіотекѣ подъ № 562.

 

41.—1448. Посланіе Великаго Князя Василія Васильевича Греческому Царю Константину Палеологу, о поставленіи Рязанскаго Епископа Іоны въ санъ Митрополита, на мѣсто Исидора.

 

Державнѣйшій и Боговѣнчянный, и благочестія ревнителю, и непорочныя православныя христіяньскія вѣры теплый и непреклонный и истинный поборниче и правителю, и высочяйшій Царю и Самодръжче Греческаго скипетра, киръ Константине.... и святого ти царствія, Великій Князь Московскій и всея Русіи Василій Васильевичь, достойное и многоусердное поклоненіе, съ любовнымъ порадованіемъ, посылаемъ святому ти царьству. Слышахомъ отъ приходящихъ къ намъ отъ вашихъ странъ отъ нашихъ тоземцевъ и отъ иныхъ туждыхъ[1] странъ пришелцевъ, про ваше великое царство (егоже изъ первыхъ временъ отъ Бога желахомъ), яко Божіею волею и того крѣпкою помощію и многимъ милосердіемъ, и Пречистыя Владычица нашія Богородици и Приснодѣвы Марія еже къ Сыну ея Господу нашему Іисусу Христу моленіемъ и ходатайствомь и предстателствомъ, и по изначальству великыхь вашихъ святыхъ прародителей и родителей, благочестивыхъ и приснопамятныхъ и блаженныхъ Царей, по сродству, въспріялъ еси свой великій царскій скипетръ, свое отечество, во утвержденіе всему православному христіянству вашихъ дръжавъ, и нашимъ владѣтелствамь Русскія земли и всему нашему благочестію въ великую помощь. И благодарихомъ убо о томъ Вседръжителя Бога и того Пречистую Богоматерь, и порадовахомся велми, и молимъ ихъ неизреченное человѣколюбіе, яко да ти подасть Господь Богъ многолѣтьство и способьство на вся видимыя и невимимыя врагы ваша, дерзающая на православіе великія вашія царьскія дръжавы; просимъ же ти великое ти царство

  1. Вмѣсто «чуждыхъ.»