ша, поможетъ ти, что насъ, господине, нищихъ ея не забываешъ въ пустомъ семъ мѣстѣ, събравшихся во обитель ея, но часто призираеши доволными своими милостынями. О всѣхъ же сихъ, господине, мы грѣшніи ничтоже можемъ въздати тебѣ, но Пречистая Богородица воздастъ ти множае и въ сей вѣкъ и въ будущій; а язъ, господине, грѣшный съ своею братицею радъ, Бога молити и Пречистую его Матерь о твоемъ здравіи и спасеніи и твоея Княгини, и о твоихъ дѣткахъ и о всѣхъ крестьянѣхъ порученныхъ тебѣ. А что еси, господине Князь Юрьи[1], писалъ ко мнѣ грѣшному, яко издавна жадаю видѣтися съ тобою: ино, господине, Бога ради, не мози того учинить, что ти къ намъ ѣхати; занеже, господине, вѣмъ, яко нѣчто моихъ ради грѣховъ, то искушеніе пріидетъ на мя, аще поѣдешъ ко мнѣ: занеже, господине, извѣстую ти, немочно ти насъ видѣти: покиня, господине, и монастырь, да ступлю прочь, куды Богъ наставитъ. Понеже, господине, вы чаете мене здѣсе, что язъ добръ и святъ; ано, господине, въистину всѣхъ есми человѣкъ окаяннѣе и грѣшнѣе и всякого студа исполненъ. И ты, господине Князь Юрьи, не подиви на насъ о семъ: понеже, господине, слышу, что божественное Писаніе самъ вконецъ разумѣеши и чтешъ, и вѣдаешъ самъ, каковъ намъ вредъ приходитъ отъ похвалы человѣчьскія, но и паче же намъ страстнымъ. Аще кто, господине, въистину святъ и чистъ сердцемъ, ино и тѣмъ повреженіе бываетъ отъ тоя тяготы; а намъ, господине, еще всякой страсти повиннымъ, велика спона души отъ того. Еще господине, самъ сего[2] поразсуди: понеже твоея вотчины въ сей странѣ нѣтъ, и толко ты, господине, поѣдешъ сѣмо, ино вси человѣци начнутъ глаголати: «Кирила дѣля токмо поѣхалъ.» Былъ, господине, здѣсе братъ твой Князь Андрей; ино, господине, его вотчина, и намъ пришла нужа: нелзѣ намъ ему, своему господину челомъ не ударити. А ты, господине, Бога ради, не учини того, что ти къ намъ ѣхати. А язъ, господине, аще и грѣшенъ есми, а радъ Бога молити и Пречистую его Матерь съ своею братьицею о тебѣ о нашемъ господинѣ, и о твоей Княгинѣ и о твоихъ дѣткахъ и о всѣхъ крестьянѣхъ, иже подъ властію твоею, якоже ти, господине и прежъ сего писахъ. А Пречистая Госпожа Богородица, Владычица наша, помилуетъ тя и покрыетъ тя ризою своею честною, и наставитъ тя въ разумъ истинный и управитъ тя въ царствіе Сына своего, за молитвъ Святыхъ. Аминь.
Изъ Сборника, бывшаго въ архивѣ Кирилло-Бѣлозерскаго монастыря (in 4°, разныхъ почерковъ, XVI вѣка, л. 292 об.—295).—Хранится въ Новгородской Софійской библіотекѣ подъ № 454.—Свѣрено съ напечатаннымъ въ Исторіи Росс. Іерархіи, Ч. IV. стр 409—412, гдѣ однако встрѣчается множество подновленій, особливо въ древней орѳографіи.
28.—1425 Февраля 8. Жалованная грамота Великаго Князя Василія Димитріевича Спасскому монастырю, объ освобожденіи монастырскихъ людей, живущихъ въ деревнѣ Филиповской, купленныхъ и перезванныхъ изъ другихъ княженій отъ всѣхъ даней и пошлинъ на деслтъ лѣтъ и о неподсудимости ихъ Мещерскимъ волостелямъ и тіунамъ.
Святаго дѣля Спаса, се язъ Князь Великій Василій Димитріевичь пожаловалъ есмь Спаскаго архимандрита Давыда съ братьею, или кто по немъ иный архимандритъ будетъ. Что ихъ деревня Филиповская, въ Мещерскѣ, и
