яръ съ моею грамотою, что есмь къ вамъ къ своимъ дѣтемъ написалъ и къ священикомъ, пользы ради вашія душевныя, не о собѣ, но отъ божественыхъ правилъ, и прислали есте ко мнѣ и уставленую свою грамоту, послѣднюю, цѣловалную сына моего Князя Костянтина Дмитріевича; и сказалъ ми сынъ мой Князь Андрей Александровичь и тѣ ваши бояре, посадникъ Якимъ и Василей, что отъ тое грамоты отъ новые, отъ княжи отъ Костянтиновы Дмитріевича, христіаномъ ставится пакостно и душевредно всей вашей державѣ; а хотите держати свою старину. Ино, сынове, коли есте доспѣвали то цѣлованіе княже Костянтиново Дмитріевичя, а черезъ мое писаніе, что списахъ отъ святыхъ правилъ: и вамъ было, сынове, годилося то чинити, възвѣстивъ мнѣ Святителю. Ино пакъ то ся не свело, и учинили есте цѣлованіе и правду дали межь собя, и нынѣ хотите паки житп по своей старинѣ, а то бы вамъ цѣлованіе уряженое княже Костянтиново Дмитріевичя сложити: ино, сынове, глаголеть о сихъ правило Великаго Василья 64: «Измѣняющи цѣлованье міряне на десять лѣтъ отъ святаго причастья отлучаются.» Того же 81 правидо глаголетъ: «Подобаеть по 16[1] лѣтѣхъ пріяти къ церкви, что ради свою вѣру предалъ, измѣненіе бо есть и отлученъ отъ Бога.» И правило святыхъ Апостолъ 25, и Великаго Василья правило 10, того же 17, того же 64, того же 82[2]; и глаголють сіа правила о семъ запрещающе нужно. И не успѣхъ, чада моя, изыскати и написати вамъ сихъ правилъ: послове ваши просивъ отъ насъ того слова, и лучилося имъ ѣхати наборзѣ. И вы, сынове, сами поищѣте въ святыхъ правилѣхъ тѣхъ правилъ пишущихъ о томъ, и увѣритесь, како нужно православному истинному христіанину преступати данную къ Богу вѣру и цѣлованье честнаго Креста, но подобаеть едва избыти того душевредія, прольяти кровь мученическы за Христа о православьи: толико бо то нужно есть. И вы, сынове, того посмотрите, какъ бы было вамъ недушевредно, а вашей державѣ, православьному христіаньству также непакостно. А нужно будеть то новое цѣлованье христіаньству, и не къ ползѣ душевной, а на пагубу; и вы бы то новое цѣлованье сложили, аще въ немъ будеть нужа христіаномъ, и милостынею и постомъ и молитвою помозите собѣ въ семъ. А язъ васъ, своихъ дѣтей, благословляю порушити ту новину, нужную грамоту христіаномъ; а блатословляю васъ держати вашу старину, аже будеть богоугодно и по святымъ правиломъ и всей вашей державѣ недушевредно, но и польза душевная. И помощь во всемъ и заступленіе праведное потщите собою показати къ убогимъ Господнимъ людемъ, ихже ради Христосъ кровь свою пролья, и васъ имъ заступники показа; и разумъ сугубъ дасть вамъ во всемъ разумѣти правду его. И сего ради должни есте болшее попеченіе имѣти о нихъ и правду сугубу стяжати, по Спасову слову въ святѣмъ Еуангельи глаголющему: «ему же дано много, много и взыщется отъ него» ; и «вѣдый рабъ волю господина своего, и съгрѣшитъ, біенъ будеть много.» И вы бы, сынове, въ всемъ въ томъ собе смотрили праведно и богоугодно, христіаньскый великій народъ правяще. А милость Божья, и молитва моа и благословленье мое да будеть съ вами. А дана грамота на Москвѣ, мѣсяца Септевріа въ 24, индикта десятое лѣто.
Изъ рукописи, подъ заглавіемъ: Іосифа Волоколамскаго о Новгородскихъ еретикахъ; и
