шу ми вамъ о безбожныхъ и несвященныхъ, и нынѣ молю вашю любовь, еже не сходитися вамъ съ ними ни въ которомъ дѣйствѣ, ниже въ пищи, ниже въ питіи, или въ дружбѣ, или въ обѣтѣ, или въ мирѣ, или въ любви: понеже который сходяйся съ ними чужда собе створить церкви Божіи. Истинный же ученикъ Божій съ дерзновеніемъ зоветъ: «аще кто вамъ благовѣствуетъ, паче еже есте пріали, проклятъ да будеть», и Давидьская пѣсни[1] глаголя: «Господи, ненавидящая тя възненавидѣхъ и о вразѣхъ твоихъ истаяхъ, совершенною[2] ненавистію възненавидѣхъ ихъ.» Ужаснитеся и въстрепещите, которыи съ несвященными ядите, и любви творящіи съ ними, и исправите собе, яко да не погыбнете съ беззаконіемъ ихъ. Услышите вси языци, внушите вси живущіи по вселеннѣй, услышите пастыріе церквамъ Христовымъ, услышите священници Господни, услышите благочьстивіи князи и вси людіе, и бояре и вси судія земскыя, иноцы, инокыня, юноша и дѣвы, старци съ унотами, мали и велиціи, или мужескъ полъ или женьскъ, вкупѣ богатіи и убозіи, вси внимайте глаголемымъ, молю вы. Мнѣ же събравшу отъ божественаго Писанія Ветхаго и Новаго Завѣта, и явлено вашей любви сътворихъ. Нъ[3] и еще слышите, что глаголють правила, яже завѣщаша святіи Апостоли и святіи Отци, на Сборѣхъ, имуще сице:[4] «Аще кто съ непріобщающимися молится, рекше, съ отлучеными отъ церкве, тои да отлучится.» Правило 11: «Иже съ изверженнымъ, причетникъ сый, яко съ причетникомъ помолится, да и самъ изверженъ будетъ.» Толк.[5] «Аще кто помолится, рекше, аще прозвитеръ служитъ въ церкви съ прозвитеромъ, его же Епископъ изверже отъ сана, да изверженъ будетъ и самъ.» Правило 12: «Аще кый причетникъ отлученъ, рекше, непріятенъ, шедъ въ иный градъ, пріятенъ будетъ безъ писаній сборныихъ, да отлученъ будетъ и пріимый и пріятый его.» Правило 13: «Аще отлученый служитъ, да продолжится ему отлученіе, яко солгавшу и прелстившу церковъ Божію.» Толк. «Аще кто отъ своего Епископа отлученъ бывъ и отшедъ къ иному Епископу, утаивъ свое отлученіе, и пріятъ будетъ отъ него, болѣ да продолжится отлученіе его, яко солга и съблазни церковь Божію.» Того же 28: «Иже Епископъ, или попъ, или діаконъ, изверженъ праведнѣ о съгрѣшеніи явленѣ, и дерзнетъ прикоснутися древле обрученныя ему службы, сій отнюдъ отсѣченъ будетъ отъ церкве яко съгнилъ удъ.» Правило 30 того же: «Аще кый Епископъ, мірскыхъ князь помощію, пріемлетъ церковь, да извержется и отлучится.» Толк. «Аще который Епископъ, мірскыми властели избранъ бывъ, и тѣхъ силою пріиметъ церковь Божію, рекше, Епископъ будетъ въ ней, таковый яко велико прегрѣшеніе съгрѣшивъ, да изверженъ будетъ изъ сану и да отлучится: подобаетъ бо хотящему поставитися Епископомъ, отъ всѣхъ Епископъ, сущіихъ въ области, поставлену быти, по повелѣнію отъ нихъ старѣйшаго; аще нѣсть мощно купно всѣмъ събиратися, поне безъ всякого извѣта, отъ трій Епископъ да поставленъ будетъ, сложившимся писаніемъ грамотъ купно всѣмъ и не пришедшимъ Епископомъ.» Правило 31: «Аще кый попъ, небрегъ о своемъ Епископѣ, кромѣ, сборъ сберетъ и олтарь другый поставитъ, ничтоже зазрѣвъ Епископу въ благовѣ-
- ↑ Въ подл. описка «пѣти.»
- ↑ Такъ вь подл. поправлено, вмѣсто «священною.»
- ↑ Вмѣсто «но.»
- ↑ Должно прибавить.: «Св. Апостолъ Правило 10-е». См. Кормч. гл. 1., л. 3. Послѣдующія Правила (11—32) принадлежатъ къ той же главѣ.
- ↑ Т. е. Толкованіе Правила. Въ подл. здѣсь, и въ другихъ такихъ мѣстахъ поставлена одна только начальная буква слова въ кругѣ.
