Открыть главное меню

Страница:Акты исторические. Том 1.djvu/45

Эта страница была вычитана

лѣзньнующу ми душу подкрѣпите; есмь бо и самъ, якоже видите, въ уныніи глубоцѣ и печали погруженъ. «Изчезостѣ ми очи, по божественному Писанію рещи, о скрушеніи и о раздѣленіи дщери Сіоновы;» зрю бо горцѣ же и лютѣ плѣнену песквръную Христову Невѣсту отъ всегубителнаго и лютаго ратнаго бѣса, иже толикыя наведе ей брани. Якоже бо первозданнаго лестію нѣкоторою уготови пастися[1]: такоже нынѣ на церковь Христову въжже, не лестію нѣкоторою и затаеніемъ, по явьственѣ вмѣстився, таковое помраченіе вамъ уготовляетъ. И нынѣ, якоже въ нощной брани, лукавствомъ сбираетъ уды вкупѣ и на межусобную брань стоить намъ[2], и стрѣляемся, увы, межу собою, внѣ явленѣ уязвляемся; онъ же сѣдя, велми насмѣвается нашимъ бѣдамъ: позоръ Латиномъ и Іудеомъ, и Литвѣ и Татаромъ, и творятъ на насъ поношеніе и поруганіе сущіи[3] окрестъ насъ; ибо «помрачи Господь, по божественному Пророку рещи, въ гнѣвѣ дщерь Сіонову, удали бо ся отъ мене утѣшаай мене.» И сего ради възнію къ Единому, поразившаго и пакы исцѣляющаго възову, къ единому Человѣколюбцу възвышаю гласъ: «помилуй насъ, Господи, помилуй насъ, яко по многу исполнихомся уничиженіа; низведи поношенія отъ насъ и даждь уничиженіе гордымъ, иже на твою церкву и на твоа велѣнія шаташась; се бо стенанія сердець нашихъ исполнишася, и очи наши изчезоша, яко низложилъ еси ограду достоянія твоего, и объбираютъ его инымъ путемъ вси мимоходяще: обратися, Господи, и посѣти виноградъ сей, и сверши его, иже насади десница твоа.»

 . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . .
[4]

Вѣмъ бо, възлюбленіи мои, яко не презритъ Господь свою церкву уничижену, но въздасть въ здаяніе гордымъ, церковь же свою одѣаніемъ веселія одѣетъ, по древнему благолѣпію. А еже они непотребніи створиша, тѣмъ же рече Владыка нашъ Христосъ: «отметаяся мене и не пріемляй глаголы моа, азъ не сужу ему: слово еже глаголахъ, то судитъ ему въ послѣдній день.» О семъ Іоаннъ глаголехъ сице: «не всякому духу вѣруйте, но испытуйте духы, аще отъ Бога суть.» И пакы: «аще кто приходить къ вамъ и сего ученія не приноситъ съ собою, не пріимайте въ домъ и «радуйся» ему не глаголите; иже аще кто глаголеть ему «радуйся», пріобщается дѣломъ его неплодънымъи лукавымъ. И пакы:« всякъ иже преступаяй и не пребывая въ наказаніи Христовѣ, Господа не имѣетъ.» Сія Іоанъ учить, Іоанъ сынъ громовъ, иже паче всѣхъ Святыхъ възлюбленый Христовъ. Іаковъ же рече: «иже аще кто мнится другъ міру быти, врагъ Божій есть.» Услышите, вси православніи, иже съ несвящеными ядите, лютаго отвѣта, яко Божіи врази есте: ниже бо иже врагомъ княжимъ дружася, можетъ другъ княжъ быти, ниже животу сподобится, но съ врагы погыбаетъ и лютѣйшая постражетъ. Іюда Іаковль рече:«вънърѣша бо нѣціи человѣци, иже древле прописани, въ сей грѣхъ нечестіа[5], Бога нашего благодать прелагающе въ сквръну, и единаго Бога и Владыку Господа нашего Іисуса Христа отрицающеся.» И пакы рече: «на послѣдняя времена будуть поругателе, по своимъ желаніемъ ходяще нечестья; сіи суть въ любвахъ вашихъ скврънами гостящеся, безь

  1. Въ подлин. «паствися.»
  2. Текстъ въ семъ мѣсьѣ испорченъ переписчикомъ.
  3. Въ подлин. «сущимъ.»
  4. Текстъ и въ семъ мѣстѣ испорченъ, и потому замѣненъ точками.
  5. Въ нынѣшней Библіи текстъ сей читается такъ: «привнидоша бо нѣцыи человѣцы, [?]ревле предуставленія на сіе осужденіе, нечестивіи, Бога и пр. Слич. Соб. Посл. Іуды 1, 4.