отъ скверныхъ словъ и отъ лаянія, понеже то все прогнѣваетъ Бога; и аще, господине, не подщишися всего того управити, все то на тебѣ взыщется: понеже властитель еси своимъ людемъ, отъ Бога поставленъ. А крестьяномъ, господине, не лѣнись управы давати самъ: то, господине, вьше тебѣ отъ Бога вмѣнится и молитвы и поста. А отъ упиваніа бы есте уймались, а милостынку бы есте по силѣ давали: понеже, господине, поститись не можете, а молитися лѣнитеся; ино въ то мѣсто, господине, вамъ милостыня вашъ недостатокъ исполнитъ. А Великому Спасу и Пречистѣй его Матери Госпожи Богородицы, заступницѣ крестьянской, чтобы есте, господине, велѣли молебны пѣти по церхвамъ, а сами бы есте, господине, ко церкви ходити не лѣнились; а въ церкви стойте, господине, съ страхомъ и трепетомъ, помышляюще въ себѣ аки на небеси стояще: занеже, господине, церковь наречется земное небо, въ нейже съвершаются Христова таинства. Блюди и себе, господине, опасно: въ церкви, господине, стоя, бесѣды не твори и не глаголи, господпне, никакого слова празна; и аще кого видиши отъ велможъ своихъ или отъ простыхъ людей, бесѣдующа въ церкви, и ты имъ, господине, възбраняй: понеже, господине, то все прогнѣваетъ Бога. И ты, господине Князь Андрей, о всемъ о томъ внимай себѣ, занеже глава еси и властитель отъ Бога поставленъ иже подъ тобою крестьяномъ. А милостъ Божія и Пречистыя Богородицы на тебѣ на моемь господинѣ, и на твоей Княгинѣ и на вашихъ дѣткахъ, и мое благословеніе и молитва и братіи моей. Аминь.
Изъ Сборника, бывшаго въ архивѣ Кирилло-Бѣлозерскаго монастыря (in 4°, разныхъ почерковъ, XVI вѣка, л. 295—298).—Хранится въ Новгородской Софійской библіотекѣ подъ № 454.—Свѣрено съ напечатаннымъ въ Ист. Росс. Іерархіи, Ч. IV. стр. 413—417, гдѣ однако встрѣчается множество подновленій особливо въ древней орѳографіи.
17.—Около 1411. Жалованная Новгородская грамота, о взиманіи съ крестьянъ Терпилова погоста поралья, на посадника и тысяцкаго, по старинѣ, и причисленіи поселившихся тамъ Двинскихъ слобожанъ къ тому погосту, въ потугѣ.
Господину посаднику Новгородцкому Василью Микитичу, тысяцкому Новгороцкому Овраму Степановичу и всему господину Велиликому Новугороду, на вѣцѣ на Ярославлѣ дворѣ, се били челомъ Степанъ Есиповичь и его братья, Ондреянъ Олександровичь и Ермола Левонтіевичь и Остафей Василіевичь: что они емлютъ у нашихъ сиротъ, на Терпиловѣ погостѣ, поралье посаднице и тысяцкого не по старинѣ. И посадникъ, и тысяцкой и весь господине Великой Новгородъ даша грамоту жаловалную, на вѣцѣ на Ярославлѣ дворѣ, сиротамъ Терпилова погоста: давати имъ поралье посаднице и тысяцкого по старымъ грамотамъ, по сороку бѣлъ, да по четыре сѣва муки, по десяти хлѣбовъ. А кто крестьянинъ Терпилова погоста въ Двинскую слободу войдетъ, ино ему мірянину тянути въ Двинскую слободу; а который Двинянинъ слободчанинъ почнетъ жити на землѣ Терпилова погоста, а той потянетъ потугомъ въ Терпиловъ погостъ. А цѣмъ владѣлъ Савелей Григорьевичь и его братья, землею и водою и лѣсы, и полѣшими мѣсты солоными въ Унской губѣ, и всякими ловищами, и имъ тѣмъ владѣти и дѣтямъ ихъ. А кто сю грамоту переступитъ, и дастъ Новугороду сто рублевъ.
Изъ Собранія грамотъ и другихъ актовъ Архангельскаго монастыря, списанныхъ съ пергаминныхъ подлинниковъ въ XVII вѣкѣ. Вб спискѣ хранящемся въ архивѣ того монастыря, отмѣчено: А у подлпнного писма
