тѣмъ впадаеть въ ересь и бываетъ ему съблазненію камень, и на жизнь вданаа ему заповѣдь обрѣтаеться ему въ смерть. Еіце бо нѣчто и дивнѣе того реку: и бесерменове постятся и отъ книгъ глаголють, но неподобаетъ внимати ихь. О самопоставляющихся учителѣхъ Апостолъ рече: «яко мнози лжипророци изидоша въ міръ, но не послушайте словесъ ихъ и въ домы своя не пріимайте ихъ, да не пріобѣщаетеся дѣломъ ихъ злымъ; слугы бо льстивыя преображаются яко слугы истины, и самъ сотона преображается въ ангелъ свѣтелъ.» Тѣмже недостойно естъ слушати стриголническыхъ ученій: никаковому крестіанину, да не уловленъ будетъ въ діаволѣ пруглѣ, да не отлучится отъ безсмертнаго источника, отъ тѣла и крови Господа Бога Спаса нашего Іисуса Христа, да не будеть осуженъ въ вѣчную муку. Достойно всякому хрпстіанину приходити къ церкви Божіи и слушати пѣніа и чтеніа, еже есть въ святыхъ церквахъ, и внимати писаному въ апостолѣ и въ еуангеліи, еже почитаютъ священицы; а недостойно ихъ осужати, по реченому: «не осужайте, да не осужени будете: имъ же судомъ судите, осудится вамъ.» А кто по стриголничьской ереси, начнеть священникъ осужати, нетокмо неподобно ихъ послушати, но и отъ градъ ихъ отгнати: рече бо Писаніе: «извержете злое сами отъ себе; малъ квасъ все смѣшеніе квасить.» Христосъ же Спасъ нашь своимъ ученикомъ рече: «блюдѣтеся отъ кваса фарисейска,» сирѣчь, отъ ученіа тщеславна. О всѣхъ сихъ и славимъ Господа Бога Спаса нашего Іисуса Христа, давшаго намъ плоть свою ясти и кровь свою пити, емуже сдава съ пресвятымъ и благымъ и животворящимъ ти Духомъ, нынѣ и .. (и проч.).
Изъ рукописи подъ заглавіемъ: Іосифа Волоколамскаго о Новгородскихъ еретикахъ, и Посланія Митрополитовъ Кипріана и Фотія во Псковъ (in fol., XVI вѣка, л. 304—315), хранящейся въ Румянцовскомъ Музеумѣ подъ № 204. — Свѣрено съ манускриптомъ Московской Синодальной библіотеки in 4°, XVI вѣка, подъ № 562 (л. 315—326 об.).
7.—1391—1397. Настольная грамота митрополита Кипріана Новгородскому Архіепископу Іоанну, о подсудимости ему духовенства, неприкосновениости Софійскихъ отчинъ и пошлинахъ церковныхъ.
Се язъ Кипріянъ, Митрополитъ Кіевьскій и всея Руси, по преданью святыхъ Апостолъ и святыхъ Отець уставу, еже то уставили предѣлы церквамъ Божьимъ, митропольямъ и епископьямъ, да еже что потягло къ которой митропольи или къ епископьи манастыреве, игумены съ черньци, попы, дьяконы и всякъ церковьный человѣкъ, то вси подъ властью, въ послушаньи Святителю: никтоже да не смѣеть ни единъ крестьянинъ, ни малъ ни великъ, въступатися въ тая дѣла. Аще ли который отъ тѣхъ игуменъ, или попъ, или чернець иметь отъиматися мірьскими властелины отъ Святителя, таковаго божественая правила извергаютъ и отлучають; а кто по нихъ иметь вступатися, того не благословляють. А что погосты и села и земли и воды и пошлины, что потягло къ церкви Божьи, или купли, или кто далъ по души памяти дѣля, а въ то ни единъ христіанинъ не въступается; а кто въступится, того не благословляютъ божественая правила. Сего ради, и язъ Кипріянь, Митрополитъ всея Руси, по тѣмъ божественныъ правиламъ, далъ есмь сію свою грамоту въ епископью въ Новгородскую, въ Святую Софью, и сыну своему, Владыцѣ Архіепископу Великаго Новагорода Ивану: да елико есть манастыревъ, игумены да будуть у него въ покореньи и въ послушаніи и весь чинъ священническый; такоже и погосты и села и земля и воды, со
