Открыть главное меню

Страница:Акты исторические. Том 1.djvu/24

Эта страница была вычитана

рече, себе расмотряти, а не ѣрея Божіа. Или речеши: недостойніи суть духопродавци? Христосъ, вѣдый Іюду, хотяща предати его на вечери, отъ тряпезы, не осуди его преже суда; а ты кто еси осужаяй чужего раба? Своему Господеви или стоитъ или падетъ: силенъ Богъ въставити[1] его. Рцѣте, еретици, гдѣ хощете попа взяти себѣ? Аще глаголете: недостоинъ есть Патріархъ и недостойни суть Митрополити; то по вашему, нынѣ, слову, ни единого нѣсть попа на земли, аще бо который, нищеты дѣля, позна себе, безъ даровъ церковныхъ поставленъ есть. Но мыслію и вѣрою исповѣдаемся и вси причащаемся къ соборнѣй и апостолстѣй церкви; а егоже Митрополита освятить намъ Патріархъ, того вси чтемъ яко Христова намѣстника, такоже и Епископъ въ коемъждо градѣ и области презвитеры яко Апостолы Христовы. Вамъ же гдѣ есть поставити попа, по своей окааной вѣрѣ? Не приде бо Христосъ второе въпдотитися на землю, ни снидетъ Ангелъ освятити вамъ попа; аще бы вамъ Ангелъ освятилъ попа[2], то и тому не подобаетъ вѣровати, по Апостолу Павлу рекшему: «аще ангелъ вамъ благовѣститъ паче проповѣданаго, еже пріасте, проклятъ да будетъ». Како дръзнусте уничижити Святителя проторы церковными, еже взимаютъ у поставляющихся, укоръ[3] церковный, по Апостолу Павлу глаголющю: «церковникъ церковію питается и олтарници съ олтаремъ съдѣляются? Кто насадить виноградъ, отъ плода его да не ястъ ли; илн пасеть кто стадо, отъ млека его да не ястъ ли? Достоинъ есть дѣлатель мьзды своея пріати». Христосъ Богъ Спасъ нашь егда възва Матѳея отъ мытници и въ Апостолы его причте, и сътвори въ дому своемъ чреженіе велико, не токмо единого Христа чтяше, и Апостоловъ и народъ многъ, грѣшниковъ и мытаревъ; тогда самъ Христосъ рече: «не пріидохъ праведныхъ призвать, но грѣшныхъ на покааніе». Аще вы, стриголници и еретици, праведници мнитеся, не слышите ли Апостола глаголюща: «аще речемъ, грѣха не имамъ, лжемъ и истины нѣсть въ насъ»? Завѣстію бо стрѣкаеми вы, стриголици, въстасте на святыхъ и на поповъ, самн себѣ хотяще честь прехватити. Изучисте словеса книжная, яже суть сладка слышати крестіаномъ, и поставистеся учители народомъ. А не помянусте слова Христова, еже рече: «не входяй дверми въ дворъ овчій, но пролазя инудя, тать есть и разбойникъ». Всякъ бо не имѣя поставленіа святительска, учити покушаяся, и учителя укорити, сій не дверми вшелъ есть. Тати и разбойници убивають человѣкы оружіемъ; а вы, стриголници, убиваете[4] человѣкы разумно[5] смертію, удаленіа ради отъ пречистыхъ таинъ тѣла и крови Христовы, Христу Богу глаголющю: «аще кто не снѣстъ плоти моея, ни піеть крови моея, не имать свѣта ни живота; ядый мя, той имать въ послѣдній день». Уподобистеся вы онѣмъ отмѣтникомъ: «и се слово слышавше, идоша вспять отъ Хриета и ктому не ходиша съ нимъ.» Не разумѣете ли, стриголници, еже въ святѣмъ Еуангеліи написано есть: «егда вечеряше Христосъ съ ученикы своими, пріимь хлѣбъ, преломль и даяше ученикомъ, глаголя: пріимѣте и ядите, се есть тѣло мое, ломимое за вы за многы, въ оставленіе грѣховъ; потомъ же пріимъ чашю вина и хвалу въздавъ, рече своимъ ученикомъ: пійте отъ нея вси, се есть кровь моя Новаго Завѣта: се творите въ мое въспо-

  1. Поправлено по Синод. списку; въ Румянц. «въстати.»
  2. «Аще бы — попа» словъ сихъ въ Синодальн. недостаетъ.
  3. Въ Синод. сп. «урокъ.»
  4. Въ подл. «убивайте.»
  5. Въ Синод. сп. «разумною.»