Открыть главное меню

Страница:Акты исторические. Том 1.djvu/130

Эта страница была вычитана

ну, до насъ отъ тѣхъ странъ доходили грамоты и спискы, или которые грамоты къ намъ пришли отъ нашихъ дѣтей и сослужебниковъ, Епископовъ Литовскія земля; и мы со всѣхъ тѣхъ грамотъ и списковъ, списавъ, и кь тобѣ есмы послали, и познаете, сыну, оть нихъ о всемъ сами извѣстно. Да прочетъ, сыну, сію мою грамоту, да своимъ дѣтемъ всему православному христіаньству христоименитымъ людемъ яви, и ихъ наставляй и укрѣпляй, какъ тя Богъ вразумитъ ..... (Недостаетъ конца).

Изъ рукописи, подъ заглавіемъ: Посланія Россійскихъ Митрополитовь и другихъ лицъ (in 4°, XVI вѣка, грам. 34, л. 110 об.—114), хранящейся въ Московской Синодальной библіотекѣ подъ № 562.

 

66.—1459 Декабря 20. Посланіе Митрополита Іоны Литовскимъ князьямъ, сановникамь и мірянамъ, о непоколебимомъ пребываніи въ православной вѣрѣ и удаленіи отъ Исидоровыхъ единомысленниковъ.

 

Благословеніе Іоны Митрополита Кіевскаго и всеа Руси, о Святѣмь Дусѣ возлюбленнымъ сыномъ нашего смиреніа, благороднымъ и благовѣрнымъ Княземъ, и паномъ, и бояромъ, и воеводамъ, и всѣмь купно христоименитымъ Господнимъ людемъ, иже въ нашемъ истинномъ великомъ православіи живущимъ и вѣруюіщимъ, по изначялству пріемше святое крещеніе отъ святаго и равна Апостоломъ Великаго Князя Владимера, новаго Костянтина, благодать вамъ и миръ, и милость, и крѣпость отъ Вседръжителя Бога и того Пречистые Богоматери, вкупѣ же и нашего смиренія благословеніе и къ Богу о вась непрестанное моленіе. Желаа завсегда и прося у Бога быти у васъ, и васъ своихь дѣтей благословити, и видѣти и понаказати ваше великое православіе въ крѣпость и незыбленіе, вашего ради душевнаго спасеніа: но Богу, сынове, посѣтившю мя великою немощію, и того ради немощно ми было къ вамъ ѣхати; а нынѣ, дастъ Богь, нѣчто си поотрадѣетъ ми какъ мога, хочю у васъ у своихъ дѣтей быти, и васъ благословити и Бога о васъ молити. О семъ же вамъ пишу, своимъ дѣтемъ, съ великимъ моленіемъ, въспоминаа оного отступника, яко древняго Формоса, Исидорово къ намъ прихожденіе, яко волка одѣана во овчюю кожю: и малое здѣсе побывъ, да пошедъ къ Сбору, въ Римъ, до Папы, рекше, о укрѣпленіи нашего православья; аже онъ тогды же, какъ слышимъ, идучи кь Риму, да пришолъ въ Ригу, и стрѣтили его съ кресты наше великое православіе, пошлую държа честь святительскую, а капланове его отъ божници стрѣтили посвоему, съ своими крижи; и онъ свою православную церковь оставя и святыя иконы и честныя образы, да въ божницу пошолъ и съ своимъ протодіякономъ съ черньцомъ съ Григорьемъ, которой-то нынѣ, какъ слышимъ, на митрополію вышолъ, и приклякнули по Римскому. И которыи отъ нашего православія старци, а и отъ мірянъ съ нимъ были, и то видя, и учяли ему о томъ говорити, и онъ ихъ ковалъ и мучилъ, а старцевъ иззаточилъ; да отъ того времени, повсюду учялъ литургисати въ хоромѣхъ, на столѣхъ, на нихъ же и трапезу предъ ними ставляли, а не въ святыхъ Божіихъ церквѣхъ нашего православіа и не по божественымъ и священнымъ правиломъ; да тогды жъ явно свое отступленіе показа, и именуетъ себе и пишетъ Легатосомъ и называяся Къгардиналомъ. Да съ тѣмъто былъ къ намъ и отъ Риму пришолъ, хотя всѣяти, яко плевелъ во пшеницу, Римское ученіе въ наше великое православіе, и папежово имя нача поминати въ святѣй нашей съборнѣй апостольстѣй церкви, и ина многаа хулы противныя хотѣлъ въводити въ наше великое православіе тайно. Человѣколюбивый же Господь Богъ,