Открыть главное меню

Страница:Акты исторические. Том 1.djvu/116

Эта страница была вычитана

надъ нашіимъ сыномъ, а надъ его братомъ старѣйшимъ, а не рку, надъ братомъ, но и надъ его Осподаремъ, надъ Великимъ Княземъ Васильемъ Васильевичемъ, какая шкота; а черезъ докончяніе и черезъ крестное цѣлованіе потомъ пакъ былъ и добилъ челомъ нашему сыну, а своему брату старѣйшему, Великому Князю Василью Васильевичу: и сынъ нашъ Князь Великій, какъ ему Богъ положилъ на сердце, оставя все свое и не поминаа его къ себѣ ничего зла, да его былъ пожаловалъ, въ братство и въ любовь и докончяніе и крестное цѣлованіе пріалъ, и вотчиною его пожаловалъ, да еще отъ своее отчины отъ Великого Княженія пожаловалъ былъ ему много. А ему было нашему сыну, а своему брату старѣйшему, Великому Князю послушну быти во всемъ, и за православное христіяньство стоати ему было съ нимъ, и съ его дѣтми, и сь его людми съ одного, и оборонь имѣти всякую православному христіаньству. Онъ пакъ, сыну, опять черезъ все то, учялъ нашему сыну Великому Князю непослушенъ быти, а за православное христіяньство нигдѣ не постоялъ. И сіими чясы приходила пакъ рать Татарьская Царева Сиди-Охметова[1], сынъ его со многими людми приходилъ на наше православиое христіаньство, на нашего сына Великого Князя; и отъ насъ была посылка о томъ, чтобы отъ него помочь была православному христіаньству: и онъ, сыну, ни самъ не поѣхаль къ нему, ни къ его дѣтемъ, ни къ его людемь ие поѣхалъ, ни помочи своей на оборонь христіаньству не послаль. Богъ пакъ, сыну, своею милостію, сына нашего Великого Князя потружаньемъ, и его дѣтей, и его людей, православное христіаньство помиловалъ, и пошли тые Татарове прочь бездѣлны. Также, сыну, на Гадичь рать Татарская приходила, и сынъ нашъ Великій Князь и мы посылали къ нему Коломеньскаго Владыку Геронтія о томъ же, чтобы пошель на оборонь христіяньству, воеводъ ли бы съ своими людми послалъ: и онъ, сыну, также ни самъ не пошелъ, ни людей своихъ не послалъ; а въ томъ христіаньство высѣчено, вывоевано и въ полонъ въ бесерменьство поведено. И за все, сыну, за то княжее[2] Иваново неисправленье сынъ нашъ Великій Князь, у нужи, къ нему цѣлованье сложилъ; и онъ, оставя свою отчину, да пошелъ въ державы Великого нашего Господаря, нашего сына, Великого Короля. И благословляю тобе своего сына, чтобы есь, сыну, христіаньства дѣля, и самъ того побереглъ, какъ ти мощно, чтобы какъ отъ того Князя Ивана и отъ его людей, въ вотчинѣ сына нашего Великого Князя, пакостни какіе не было, и его братьи молодшей вотчинамъ и всѣмъ украйнымъ мѣстомъ: занеже, сыну, сынь нашъ Князъ Великій велми хочетъ съ своимъ братомъ, съ нашимъ сыномъ съ Великимъ Королемъ братства и любви и прочнаго добраго житья; да того дѣля за нимъ ни самъ не пошелъ, ни братьи, ни дѣтей своихъ, ни своихъ людей не послалъ. А черезъ то, сыну, что ся иметъ отъ Князя Ивана и отъ его людей вотчинѣ сына нашего Великого Князя, и его братьи молодшей отчинамъ, или украйнымъ мѣстомъ какая пакость дѣлать, ино то ся останетъ не на нашемъ сыну на Великомъ Князи, на томъ, отъ кого то ся иметъ лихо дѣлати; а сыну нашему Великому Князю, у нужи, по слѣду Князя Ивана достати, а въ обиду ему себе не мощно поддати. А сыну нашему пану Михайлу Канцлерю[3] говорилъ бы еси, чтобы христіаньства дѣля, также о томъ побереглъ, какъ самъ вѣдаетъ. А милость Божія, и моли-

  1. Въ Синод. сп. «Сіиди-Охестова»
  2. Тамъ же, по опискѣ, «княженье».
  3. Тамъ же «канцрѣлю».