Открыть главное меню

Страница:Акты исторические. Том 1.djvu/102

Эта страница была вычитана

словеса и наказаніе услышите же, чіимъ его Богъ милосердый человѣколюбецъ и святый всесилный его Духъ божественый наставитъ; а васъ, нашихъ духовныхъ дѣтей, Богъ вразумитъ и писаніа и наказаніа отца вашего послушати, и внимати, и повиноватися, за свою духовную ползу. Понеже, сынове, наше смѣреніе, по своему святительскому долгу, попеченіе имѣя о вашихъ же душахъ, въспоминаніе вамъ творимъ, отступати отъ таковаго богомерзскаго дѣла и въ покааніе пріити, и вмалѣ нѣчто и къ вамъ къ своимъ дѣтемъ пишемъ, не отъ себя, но отъ божественаго и священнаго Писаніа. И преже убо о ярости слово изорцемъ: «егда, рече, найдетъ тобѣ напасть и прекословіе, или раздраженіе на кого двигнути ярость, то помяни молитву и судъ, еяже самъ Господь нашь Іисусъ Христосъ научи ученики своя, глаголя: остави намъ, рече, долги наша, якоже и мы оставляемъ должникомъ нашимъ; и абіе безчинное въ тобѣ движеніе устанетъ»: яросхъ бо, паче инѣхъ вредовъ, смущати обыкла есть и раздражати душу; понеже ярость и гнѣвъ, оба сіа единоя матери изчадіа суть; зовомые безумые, речено бо: «всю ярость свою износитъ безумный, и безуменъ въ перьвый день исповѣсть гнѣвъ свой». Хотяй же убо отлучитись отъ злыя сея вражды, сирѣчь, ярости, да удержится терпѣніемъ и кроткимъ сердцемъ, и моленіемъ къ Богу въскорѣ свободится отъ нея, и будеть сынъ премудрости, Бога бояся и Бога любя: «начало бо премудрости страхъ Господень, и любящій Господа ненавидить зла»; отъ страха бо Господня на любовь взыдеть Божію. И Приточникъ рече: «терпѣливъ мужъ отвращаетъ ярость, а малодушьный творитъ все безъ совѣта». И паки: «мужъ яръ и неблагообразенъ, и всю ярость свою износитъ безумный, и человѣкъ яръ разжизаетъ сваръ и посредѣ мирнующихъ ввержетъ сваду». И Пророкъ Давидъ о такихъ рече: «ярость ихъ по образу зміину, и яко аспиды глухыи, затыкаай уши свои». И Апостолъ учитъ, рекый: «отложѣте всякъ гнѣвъ, и ярость, и злобу, и хуленіе, въ миръ бо призва насъ Богъ». И сіе убо, сынове, о ярости и о гнѣвѣ рече божественое Писаніе, аже не воздати злобы: «аще убо хощемъ быти, рече, наслѣдници Христу, то подражатели будемъ Христовымъ возлюбленикомъ», и поревнуемъ кротости Давидовѣ, да и мы услышимъ отъ Бога глаголъ сей: «обрѣтохъ, рече, мужа по сердцу моему, иже сотвори всю волю мою». И сіе убо о непамятѣвѣмъ злу Давидовѣ речеся. И мы же убо, чада моя, такоже да не сътворимъ ничтожъ на отомщеніе кого обидѣвшаго насъ, да невъстропотно и намъ будетъ, по реченному словеси: «иже воздаетъ зло въ доброе, не подвижутся изъ дому его злая». И паки: «вергій камень на высоту, на главу свою мещетъ, и копаа другу яму, самъ впадетъ въ ню, и поставляяй сѣть увязнетъ въ ней, и творяй зло ввалится въ не». И Давидъ рече: «Господи Боже мой, аще сътворихъ се, аще есть неправда въ руку моею, аще вздахъ воздающимъ ми зло, да отпаду убо, рече, отъ врагъ моихъ тощъ.» И верховный Апостолъ Петръ, научая насъ, глаголеть: «не воздаси зла за зло, ни клеветы за клевету, но благословляюще, яко на се звани бысте, да благословеніе наслѣдуете.» И Апостолъ Павелъ рече: «блюдѣте, егда кто кому зло за зло въздасть, но всегда благое гоните въ собѣ и ко всѣмъ, и не бывай побѣженъ отъ зла, но и побѣжай благимъ злое.» И самъ Владыка нашъ Господь рече: «любите враги ваша и добротворите ненавидящихъ васъ, и будѣте щедри и свершени, якожъ и Отецъ вашъ небесный свершенъ есть.» Еще же, сынове, реку вамъ и о блаженнѣмъ покааніи, и о послушаніи, и о преслушаніи. Колико есть сладко, чада моя, покааніе! Ничтоже ино, но ко-