Стихи двоестрочни о книзе сей (Онуфриев)

Стихи двоестрочни о книзе сей («Иисус руце имеет возвышени…»)
автор Алексей Захарьевич Онуфриев (середина XVII века)

Дата создания: середина XVII века. Источник: odrl.pushkinskijdom.ru^[1]

СТИХИ ДВОЕСТРОЧНИ О КНИЗЕ СЕЙ,
ОБРАЗУ СПАСОВУ БЛАГОДАРНИ И БОГОРОДИЦЕ МОЛЕБНИ,
ОТ ЧЕРЛЕНЫХ СЛОВ ИМУЩИ РАЗУМ HEKAKOB^[2]

 

Иисус руце имеет возвышени,
Сим бо врази мои низложени.

Христос имеет руце распростерти,
Сего бо ради злыя ми мысли стерти.

Спас мой матере своея прошения внят
И крестителя своего моление прият.

Владыко мой милость свою на мне излия,
Благодать бо в мя пресвятаго духа влия.

Господь мой человеколюбием си мя возвесели,
10 Мысли бо благи в сердце мое всели.

Бог мой благих своих мя преисполни,
Смысл бо мой буй добрых наполни.

Вседержитель рукама си благословляет,
Начата ми дело сие повелевает.

Рождыпая его и креститель руце молебне простирают
И тако мя сим к делу сему вооружают.

Владычица премудрости, вразуми мя,
И ты, единородный сыне, просвети мя.

Богородице, подаждь ми разум начати,
20 И ты, Христе боже, смысл скончати.

Присно богомати, к тебе прибегаю
И помощь твою призываю.

Дево пресвятая, способствуй ми, грешному,
И сотвори мя коснутися делу внешному.

Марие, Христа бога мати, о тебе хощу начати
И сие повеление царево написати,

Вразуми мя, госпоже царице, скончати.
Аминь.

---

Примечания

1. С. И. Николаев «Два стихотворца XVII века».
2. «Черленых слов» в рукописи нет. Очевидно, это должен был быть акростих, как и в третьем стихотворении. «Разум некаков» можно получить, прочитав первые слова нечетных стихов: «Иисус Христос, спас, владыко, господь бог, вседержитель, рождыпая его владычица, богородице присно дево Марие, вразуми мя». Этот акростих редкой формы вполне соответствует всему характеру стихотворения.