Слово Феодоритово
| «Слово Феодоритово ко всем христианом» |
| Источник: Измарагд и Сборник 1582 год (Рукопись 794. (1899.) Измарагд и Сборник, полууст., ХVІ века, в четверть, 509 листов, первые ветхи лист 155) http://old.stsl.ru/manuscripts/medium.php?col=1&manuscript=794&pagefile=794-0172 |
Слово Феодоритово ко всем христианом править
Сице благословите и креститися: три персты равны имети вкупе по образу троичному, Бог Отец, Бог Сын, Бог Дух Святый, не три же Бози, но един Бог, в Троице имены разделяется, а Божество едино, Отец не рожден, а Сын рожден, а не создан, Дух Святый ни рожден, ни создан, исходя, три во едином Божестве, едина сила, едину Божеству честь, един поклон от всея твари, ангел и человек. Тако имети трем перстом указ. Два приста имети наклонена, а не простерта, а тем указ тако, то образует две естестве божество и человечество, Бог по Божеству и человек по человечению, а во обою совершен, вышний же перст образует Божество, а нижний человечество, понеже сошед от вышних, спасе нижняя, тоже согбению персту толкуети, приклони бо небеса и сниде нашего ради спасения. Да тако стоит крестити и благословити, тако святыми отцы указано и узаконено о Христе Исусе, о Господе нашем всегда и ныне.
Слово како достоит право креститеся править
Мнози неразумивии человецы махающе по лицу своему, творят крещающе а всуе тружающеся, тому бо махающе беси радуются. А то есть тако креститеся: первое положити рук на челе своем, потом на персех, таже на правом плече потом на левом, то есть истинное воображение крестному знамению, аще кто право крещает лице свое, сим знамением, то никогда же не убоится диавола, и зла супостата, и от Бога мзду приимет за то, аще и единою кто перекрестит лице свое, и по истине крестится, аще ли леностию или невежествием, не исправляет крест на лице своем,то и отмещется креста Христова и предаетс диаволу,аще кто наставник буди, научит неразумных,они приемлют с радостию, то от Господа сугубу мзду восприимет за то, а кто не внимает ни послушает блага наказания, да будет отлучен, о Христе Исусе Господе нашем емуже: +.