Молитвы в продолжении дня

Молитвы в продолжении дня
автор неизвестен

См. Молитвы.

МОЛИ́ТВЫ ВЪ ПРОДОЛЖЕ́НIИ ДНЯ

Молитва на принятiе Просфоры и Святой Воды

Го́споди, Iису́се Христе́, Бо́же на́шъ, да бу́детъ Да́ръ Тво́й Святы́й: Просфора́ (или А́ртос), и Свята́я Вода́ Твоя́ во оставле́нiе грѣхо́въ мои́хъ, въ прос­веще́нiе ума́ моего́, во очище́нiе се́рдца, во укрепле́нiе душе́в­ныхъ и тѣле́сныхъ си́лъ мои́хъ, въ здра́вiе души́ и тѣ́ла моего́, въ покоре́нiе страсте́й и не́мощей мои́хъ, во утвержде́ние во́ли моея́ на Путя́хъ исполне́нія Во́ли Твое́я, въ разруше́ніе и прогна́ніе вся́каго дѣ́йства и ко́зней діаволи́хъ по Безпреде́льному Милосе́рдію Твоему́, Си́лою Честна́го и Животворя́щего Креста́, моли́твами Пречи́стыя Твоея́ Ма́тери, Небе́сныхъ Си́лъ Безпло́тныхъ и всѣ́хъ Твои́хъ Святы́хъ. Ами́нь.

Молитва последних Оптинских старцев на начало дня

Го́споди, дай мне с душе́вным споко́йствием встре́тить всё, что даст мне сей день. Го́споди, дай мне вполне́ преда́ться во́ле Твое́й Свято́й. Го́споди, на вся́кий час сего́ дня во всем наста́вь и поддержи́ меня́. Го́споди, откро́й мне во́лю Твою́ для меня́ и окружа́ющих меня́. Го́споди, каки́е бы я ни получи́л изве́стия в тече́ние дня, дай мне приня́ть их с поко́йной душо́й и твё́рдым убежде́нием, что на все Свята́я во́ля Твоя́. Го́споди, Вели́кий, Милосе́рдный, во всех мои́х дела́х и слова́х руководи́ мои́ми мы́слями и чу́вствами, во всех непредви́денных обстоя́тельствах не дай мне забы́ть, что всё ниспо́слано Тобо́й. Го́споди, дай мне разу́мно де́йствовать с ка́ждым из бли́жних мои́х, никого́ не огорча́я и никого́ не смуща́я. Го́споди, дай мне си́лу перенести́ утомле́ния сего́ дня и все собы́тия в тече́ние его́. Руководи́ мое́ю во́лею и научи́ моли́ться и люби́ть всех нелицеме́рно. Ами́нь.

Молитва св. Иоанна Кронштадтского

Бо́же! Тво́рче и Влады́ко ми́ра, при́зри ми́лостиво на созда́ние Твое́, укра́шенное Твои́м Боже́ственным о́бразом, в сии́ у́тренние часы́: да живи́т, да просвети́т Твое́ О́ко, тьма́ми тем крат светле́йшее луче́й со́лнечных, мою́ ду́шу тёмную и умерщвлённую грехо́м. Отыми́ от меня́ уны́ние и ле́ность, да́руй же мне весе́лие и бо́дрость душе́вную, да в ра́довании се́рдца моего́ сла́влю Твою́ бла́гость, свя́тость, Твое́ безпреде́льное вели́чие, безконе́чные Твои́ соверше́нства на вся́кий час и на вся́ком ме́сте. Ты бо еси́ Творе́ц мой и Влады́ко живота́ моего́, Го́споди, и Тебе́ подоба́ет сла́ва от разу́мных созда́ний Твои́х на вся́кий час, ны́не и при́сно и во ве́ки веко́в. Ами́нь.

Молитва ежедневная свт. Филарета Московского

Го́споди, не зна́ю чего́ мне проси́ть у Тебя́. Ты Еди́н ве́даешь, что мне потре́бно. Ты лю́бишь меня́ па́че, не́жели я уме́ю люби́ть себя́. О́тче, даждь рабу́ Твоему́, чего́ сам я проси́ть не уме́ю. Не дерза́ю проси́ть ни креста́, ни утеше́ния: то́лько предстою́ пе́ред Тобо́ю. Се́рдце моё Тебе́ отве́рсто: Ты зришь ну́жды, кото́рых я не зна́ю. Зри и сотвори́ по ми́лости Твое́й. Порази́ и исцели́, низложи́ и подыми́ меня́. Благогове́ю и безмо́лвствую пред Твое́ю свято́ю во́лею и непостижи́мыми для меня́ Твои́ми судьба́ми. Приношу́ себя́ в же́ртву Тебе́. Нет у меня́ друго́го жела́ния, кро́ме жела́ния исполня́ть во́лю Твою́. Научи́ меня́ моли́ться, Сам во мне моли́сь! Ами́нь.

Молитва ежедневная св. Иоанна Кронштадтского

Го́споди! И́мя Тебе́ — Любо́вь: не отве́ргни меня́, заблужда́ющегося челове́ка. И́мя Тебе́ — Си́ла: подкрепи́ меня́, изнемога́ющего и па́дающего. И́мя Тебе́ — Свет: просвети́ мою́ ду́шу, омраче́нную жите́йскими страстя́ми. И́мя Тебе́ — Мир: умири́ мяту́щуюся ду́шу мою́. И́мя Тебе́ — Ми́лость: не престава́й ми́ловать меня́.

Ежечасная молитва свт. Иоасафа Белгородского

Бу́ди благослове́н день и час, в о́ньже Госпо́дь Бог мой Иису́с Христо́с мене́ ра́ди роди́ся, распя́тие претерпе́ и сме́ртию пострада́. О Го́споди Иису́се Христе́, Сы́не Бо́жий!^[1] В час сме́рти моея́ приими́ дух раба́ Твоего́, в стра́нствии су́ща, моли́тв ра́ди Пречи́стыя Твоея́ Ма́тере и всех святы́х, я́ко благослове́н еси́ во ве́ки веко́в. Аминь.^[2][3]

Молитва идущего в церковь

Возвесели́хся о ре́кших мне: в дом Госпо́день по́йдем. Аз же мно́жеством ми́лости Твоея́, Го́споди, вни́ду в дом Твой, поклоню́ся ко хра́му свято́му Твоему́ в стра́се Твое́м. Го́споди, наста́ви мя пра́вдою Твое́ю, враг мои́х ра́ди испра́ви пред Тобо́ю путь мой; да без преткнове́ния просла́влю Еди́но Божество́, Отца́ и Сы́на и Свята́го Ду́ха, ны́не и при́сно и во ве́ки веко́в. Ами́нь.

Молитва перед выходом из дома

Отрица́юся тебе́, сатано́, горды́ни твое́й и служе́нию тебе́, и сочета́юся Тебе́, Христе́, во и́мя Отца́ и Сы́на и Свята́го Ду́ха. Ами́нь. (и огради́ть себя́ кре́стным зна́мением)

Молитвы ко Пресвятой Богородице от человека, собирающегося в путь

О, Пресвята́я Влады́чице моя́, Дево Богоро́дице, Одиги́трие, покрови́тельнице и упова́ние спасе́ния моего́! Се в путь, мне предлежа́щий, ны́не хощу́ отлучи́тися и на вре́мя сие́ вруча́ю Тебе́, премилосе́рдой Ма́тери мое́й, ду́шу и те́ло мое́, вся у́мныя моя́ и веще́ственныя си́лы, всего́ себе́ вверя́я в кре́пкое Твое́ смотре́ние и всеси́льную Твою́ по́мощь. О, блага́я Спу́тнице и Защи́тнице моя́! Усе́рдно молю́ Тя, да не по́лзок путь мой сей бу́дет, руково́дствуй мя на нем, и напра́ви его́, Всесвята́я Одиги́трие, я́коже Сама́ ве́си, ко сла́ве Сы́на Твоего́, Го́спода моего́ Иису́са Христа́, бу́ди ми во всём помо́щнице, наипа́че же в сем да́льнем и многотру́дном путеше́ствии соблюди́ мя под держа́вным покро́вом Твои́м от вся́ких находя́щих бед и скорбе́й, от враг ви́димых и неви́димых, и моли́ о мне, Госпоже́ моя́, Сы́на Твоего́ Христа́ Бо́га на́шего, да по́слет в по́мощь мне А́нгела Своего́ ми́рна, ве́рна наста́вника и храни́теля, да я́коже дре́вле дарова́л есть рабу́ Своему́ Тови́и Рафаи́ла, на вся́ком ме́сте и во вся́кое вре́мя храни́вша его́ в пути́ от вся́каго зла: та́ко и мой путь благополу́чно упра́вив и сохрани́в мя небе́сною си́лою, - здра́ва да возврати́т мя, ми́рна и всеце́ла к жили́щу моему́ во сла́ву и́мени Своего́ Свята́го, сла́вяща и благословя́ща Его́ во вся дни живота́ моего́ и Тебе́ велича́юща ны́не и при́сно, и во ве́ки веко́в. Ами́нь.[1]

Предъ вкушениемъ пищи

Во Имя Отца́, и Сы́на, и Свята́го Ду́ха. Ами́нь.

Отче на́шъ, Иже еси́ на Небесѣ́хъ! Да святи́тся Имя Твое́; да прiи́детъ Ца́рствiе Твое́; да бу́детъ Во́ля Твоя́, я́ко на Небеси́, и на земли́; хлѣ́бъ на́шъ насу́щный да́ждь на́мъ дне́сь; и оста́ви на́мъ до́лги на́ша, я́ко и мы́ оставля́емъ должнико́мъ на́шимъ; и не введи́ на́съ во искуше́ніе, но изба́ви на́съ отъ лука́ваго.

Спаси́, Го́споди, лю́ди Твоя́, и блогослови́ достоя́нiе Твое́, побѣ́ды на сопроти́вныя да́руя, и Твое́ сохраня́я Крѣсто́мъ Твои́мъ Жи́тельство.

Очи всѣ́хъ на Тя́, Го́споди, упова́ютъ, и Ты́ дае́ши и́мъ пи́щу во благовре́­менiи, отверза́еши Ты́ Ще́друю Ру́ку Твою́ и ис­полня́еши вся́кое живо́тно Благоволе́нiя.

Богоро́дице Дѣ́во, ра́дуйся! Благода́тная Марíе, Госпо́дь съ Тобо́ю; благослове́нна Ты́ въ жена́хъ и благослове́нъ Пло́дъ Чре́ва Твоего́, я́ко Спа́са родила́ еси ду́шъ на́шихъ.

Сла́ва Отцу́, и Сы́ну, и Свято́му Ду́ху, и ны́нѣ, и при́сно, и во вѣ́ки вѣко́въ. Ами́нь.

Аллилу́ія, Аллилу́ія, Аллилу́ія, Сла́ва Тебѣ́ Бо́же. (трижды)

Го́споди, поми́луй. (трижды)

Го́споди, Iису́се Хрiсте́, Сы́не и Сло́ве Бо́жiй, ра́ди Имени Твоего́ Свята́го, благослови́ я́стие и питіе́ рабо́мъ Твои́мъ Си́лою Четсна́го и Животворя́щего Креста́, моли́твами Пречи́стыя и Преблагослове́нныя Твоея́ Ма́тре, предста́тельствы Честны́хъ Небе́сныхъ Си́лъ Безпло́тныхъ и всѣ́хъ Твои́хъ Святы́хъ. Ами́нь. (троекратно осеняем трапезу Крестным Знамениемъ, после чего садимся и благоговейно вкушаем пищу.)

Молитвы после вкушенiя пищи

Благодари́мъ Тя́, Хрiсте́ Бо́же на́шъ, я́ко насы́тилъ еси́ на́съ земны́хъ Тво­и́хъ Бла́гъ; не лиши́ на́съ и Небе́с­наго Твоего́ Ца́рствiя, но яко посреде́ ученико́в Твои́х прише́л еси́, Спа́се, мир дая́й им, прииди́ к нам и спаси́ нас.

Досто́йно есть, я́ко вои́стину, блажи́ти Тя Богоро́дицу, присноблаже́нную и пренепоро́чную и Ма́терь Бо́га на́шего. Честнѣ́йшую херуви́мъ и сла́внѣйшую безъ сравне́нія серафи́мъ, безъ истлѣ́нія Бо́га Сло́ва ро́ждшую, су́щую Богоро́дицу Тя велича́емъ.

Сла́ва Отцу́, и Сы́ну, и Свято́му Ду́ху, и ны́нѣ, и при́сно, и во вѣ́ки вѣко́въ. Ами́нь.

Прости́ насъ, Го́споди Иису́се за невоздержа́ние въ я́ствахъ сихъ, и не попусти́ страстя́мъ грехо́внымъ погуби́ть насъ.

Помяни́, Христе́ Бо́же, всехъ ми́лующих насъ, пита́ющихъ здѣ, ненави́дящихъ и оби́дящихъ, запове́давшихъ намъ недосто́йнымъ моли́тися о нихъ, сро́дниковъ и зна́емыхъ на́шихъ, отъ го́лода му́чимыхъ и пресыща́ющихся, поми́луй и спаси́ по вели́цей Твое́й ми́лости. Ами́нь.

Молитвы предъ началомъ всякого дѣла

Царю́ Небе́сный, Утѣ́шителю, Ду́ше Истины, Иже вездѣ́ сы́й и вся́ исполня́й, Сокро́вище Благи́хъ и Жи́зни Пода́телю, прiиди́ и всели́ся въ ны́, и очи́сти ны́ отъ вся́кiя скве́рны, и спаси́, Бла́же, ду́ши на́ша.

Тропарь, Глас 4:

Тво́рче и Созда́телю вся́ческихъ, Бо́же, дѣ́ла ру́къ на́шихъ, къ Сла́вѣ Твое́й начина́е­мая, Твои́мъ Благослове́нiемъ спе́шно испра́­ви, и на́съ отъ вся́каго зла́ изба́ви, я́ко Еди́нъ Всеси́ленъ и Человѣ­колю́бецъ.

Кондак, Глас 3:

Ско́рый въ заступле́нiе и Крѣ́пкiй въ по́мощь, предста́ни Благода́тию Си́лы Твоея́ ны́нѣ, и благослови́въ укрепи́, и въ соверше́нiе наме́ренiя блага́го дѣла́ рабо́въ Твои́хъ произведи́; вся́ бо ели́ка хо́щеши, я́ко Си́льный Бо́гъ, твори́ти мо́жеши.

Го́споди Iису́се Хрiсте́, Сы́не Едино­ро́д­ный Безнача́льнаго Твоего́ Отца́, Ты́ ре́клъ еси́ Пречи́стыми Усты́ Твои́ми: бе́зъ Мене́ не мо́жете твори́ти ничесо́же. Го́споди мо́й, Го́споди, вѣ́рою объе́мъ въ души́ мое́й и се́рдце Тобо́ю рече́нная, припа́даю Твое́й Бла́гости; помози́ ми́ грѣ́шному сiе́ дѣ́ло, мно́ю начина́емо, о Тебе́ Саме́мъ соверши́­ти, во Имя Отца́, и Сы́на, и Свята́го Ду́ха. Ами́нь.

Го́споди! Iису́се Хрiсте́, Сы́не и Сло́ве Бо́жiй, ра́ди Имени Твоего́ Свята́го, Си́лою Животворя́щего Креста́, моли́твъ Пречи́стыя Твоея́ Ма́тре, Небе́сныхъ Си́лъ Безпло́т­ныхъ и всѣ́хъ Твои́хъ Святы́хъ, благослови́ тру́дъ мо́й, да́бы о́нъ бы́лъ въ прославле́нiе Имени Твоего́, въ спасе́нiе души́ мое́й, въ по́мощь и наставле́нiе бли́жнему моему́. Ами́нь.

Благодаренiе Богу по окончанiи всякого дѣла

Благода́рни су́ще недосто́йніи раби́ Твои́, Го́споди, о Твои́хъ Вели́кихъ Бла­годѣя́нiяхъ на на́съ бы́вшихъ, сла́вя­ще Тя́ хва́лимъ, благослови́мъ, благода­ри́мъ, пое́мъ и велича́емъ Твое́ Благоут­ро́бiе, и ра́бски любо́вію вопiе́мъ Ти́: Благо­де́телю Спа́се на́шъ, Сла́ва Тебѣ́.

Твои́хъ Благодея́нiй и Даро́въ ту́не (даромъ), я́ко раби́ непотре́бнiи, сподо́бль­шеся, Влады́ко, къ Тебѣ́ усе́рдно прите­ка́юще, благодаре́нiе по си́ле прино́симъ, и Тебе́ я́ко Благоде́теля и Творца́ сла́вя­ще, вопiе́мъ: Сла́ва Тебе́, Бо́же Всеще́д­рый.

Сла́ва Отцу́, и Сы́ну, и Свято́му Ду́ху, и ны́нѣ, и при́сно, и во вѣ́ки вѣко́въ. Ами́нь.

Богоро́дице, Хрiстіа́номъ Помо́щнице, Твое́ предста́тельство стяжа́вше раби́ Твои́, благода́рно Тебѣ́ вопiе́мъ: ра́дуйся, Пречи́с­тая Богоро́дице Дѣ́во, и отъ всѣ́хъ на́съ бѣ́дъ Твои́ми моли́твами всегда́ изба́ви, Еди́на вско́ре предста́тельству­ющая.

Тебе́ Бо́га хва́лим,/ Тебе́ Го́спода испове́дуем./ Тебе́ Преве́чнаго Отца́ вся земля́ велича́ет;/ Тебе́ вси А́нгели,/ Тебе́ небеса́ и вся Си́лы./ Тебе́ Херуви́ми и Серафи́ми непреста́нными гла́сы взыва́ют:/ Свят, Свят, Свят, Госпо́дь Бог Савао́ф,/ по́лны суть небеса́ и земля́ вели́чества сла́вы Твоея́./ Тебе́ пресла́вный Апо́стольский лик,/ Тебе́ проро́ческое хвале́бное число́,/ Тебе́ хва́лит пресве́тлое му́ченическое во́инство,/ Тебе́ по всей вселе́нней испове́дует Свята́я Це́рковь,/ Отца́ непости́жимаго вели́чества,/ покланя́емаго Твоего́ и́стиннаго и Единоро́днаго Сы́на/ и Свята́го Уте́шителя Ду́ха./ Ты, Царю́ сла́вы, Христе́,/ Ты Отца́ Присносу́щный Сын еси́./ Ты, ко избавле́нию прие́мля челове́ка,/ не возгнуша́лся еси́ Деви́ческаго чре́ва./ Ты, одоле́в сме́рти жа́ло,/ отве́рзл еси́ ве́рующим Ца́рство Небе́сное./ Ты одесну́ю Бо́га седи́ши во сла́ве О́тчей,/ Судия́ приити́ ве́ришися./ Тебе́ у́бо про́сим:/ помози́ рабо́м Твои́м,/ и́хже Честно́ю Кро́вию искупи́л еси́./ Сподо́би со святы́ми Твои́ми в ве́чней сла́ве Твое́й ца́рствовати./ Спаси́ лю́ди Твоя́, Го́споди,/ и благослови́ достоя́ние Твое́,/ испра́ви я и вознеси́ их во ве́ки;/ во вся дни благослови́м Тебе́/ и восхва́лим и́мя Твое́ во век и в век ве́ка./ Сподо́би, Го́споди, в день сей без греха́ сохрани́тися нам./ Поми́луй нас, Го́споди, поми́луй нас;/ бу́ди ми́лость Твоя́, Го́споди, на нас,/ я́коже упова́хом на Тя./ На Тя, Го́споди, упова́хом,// да не постыди́мся во ве́ки. Ами́нь.

Символ «/» здесь обозначает деление на колена, употребляемое при пении.

или:

Исполне́ние всехъ благи́хъ Ты еси́, Христе́ мой, испо́лни ра́дости и весе́лия ду́шу мою́ и спаси́ мя, я́ко еди́нъ Многоми́лостивъ, Го́споди, сла́ва Тебе́.

Молитва святого Ефрема Сирина

Го́споди и Влады́ко живота́ моего́, дух пра́здности, уны́ния, любонача́лия и праздносло́вия не даждь ми. (покло́н)

Дух же целому́дрия, смиренному́дрия, терпе́ния и любве́ да́руй ми, рабу́ Твоему́. (покло́н)

Ей, Го́споди, Царю́, да́руй ми зре́ти моя́ прегреше́ния и не осужда́ти бра́та моего́, я́ко благослове́н еси́ во ве́ки веко́в. Ами́нь. (покло́н)

Молитва предъ ученiемъ

Преблагі́́й Го́споди! Низпосли́ на́мъ Благо­да́ть Ду́ха Твоего́ Свята́го, да́рст­вующаго и укрепля́ющаго душе́в­ныя на́шя си́лы, да́бы внима́юще препода­ва́емому на́мъ ученію, возрасли́ мы́ Тебѣ́ на́шему Создате́лю во Сла́ву, роди́­те­лемъ на́шимъ на утеше́нiе, Це́ркви и Оте́честву на по́льзу. Ами́нь.

Молитва после ученiя

Благодари́мъ Тебе́, Созда́телю, я́ко сподо́­билъ еси́ на́съ Благода́ти Твоея́, во е́же вни­ма́ти уче́нію. Благослови́ на́шb[ нача́ль­никовъ, роди́телей и учи́телей, веду́щихъ ны́ къ позна́нію бла́га, и пода́ждь на́мъ си́лу и кре́­пость къ продолже́нію уче́нiя сего́. Ами́нь.

Молитва предъ чтенiемъ духовныхъ книгъ

Святителя Иоанна Златоуста:

Го́споди, Iису́се Хрiсте́! Отве́рзи о́чи мои́ серде́чные услы́шати Сло́во Твое́, и разу́мети е́го, и твори́ти Во́лю Твою́, я́ко прише́лецъ а́зъ е́смь на земли́, не скры́й отъ мене́ За́поведей Твои́хъ, но отве́рзи о́чи мои́, да уразуме́ю чудеса́ отъ Зако́на Твоего́. Скажи́ ми́ безве́ст­ная и та́йная Прему́дрости Твоея́; на Тя́ упова́ю, Бо́же мо́й, да Ты́ просвети́ши у́мъ мо́й и се́рдце мое́ Све́томъ Ра́зума Твоего́, да не то́кмо прочту́ напи́­саныя, но и испо́лню о́ное. Соде́лай, да́бы я́ не во грѣ́хъ себѣ́ Святы́хъ житiя́ и словеса́ прочита́лъ, но во обновле́нiе и просве­ще́нiе, и во спасе́нiе, и въ насле́дiе Жи́зни Вѣ́чныя. Ибо Ты́, Го́споди, Просвеще́нiе лежа́щихъ во тьмѣ́, и отъ Тебѣ́ е́сть вся́кое Дая́нiе Бла́го, и вся́къ Да́ръ Соверше́нъ. Ами́нь.

Иная молитва предъ чтенiемъ духовныхъ книгъ

Го́споди, Iису́се Хрiсте́! Отве́́рзи у́ши и о́чи се́рдца моего́, услы́шати мнѣ́ Словеса́ Твои́ и испо́лнить Во́лю Твою́, я́ко прише́лецъ а́зъ е́смь на земли́; не скры́й отъ мене́, Го́споди, За́поведей Твои́хъ, но откры́й о́чи мои́, да уразуме́ю чудеса́ отъ Словеси́ Твоего́, и́бо на Тя́ упова́ю, Бо́же мо́й, да́бы просвети́лъ Ты́ еси́ се́рдце мое́. Ами́нь.[2]

О умножении любви и искоренении ненависти и всякой злобы

Тропарь, глас 4:

Сою́зом любве́ апо́столы Твоя́ связа́вый, Христе́, и нас, Твои́х ве́рных рабо́в, к Себе́ тем кре́пко связа́в, твори́ти за́поведи Твоя́ и друг дру́га люби́ти нелицеме́рно сотвори́, моли́твами Богоро́дицы, Еди́не Человеколю́бче.

Кондак, глас 5:

Пла́менем любве́ распали́ к Тебе́ сердца́ на́ша, Христе́ Бо́же, да то́ю разжига́еми, се́рдцем, мы́слию же и душе́ю, и все́ю кре́постию на́шею возлю́бим Тя и и́скренняго своего́ я́ко себе́, и повеле́ния Твоя́ храня́ще, сла́вим Тя, всех благ Да́теля.[3]

О ненавидящих и обидящих нас

Тропарь, глас 4:

О распе́нших Тя моли́выйся, любоду́шне Го́споди, и рабо́м Твои́м о вразе́х моли́тися повеле́вый, ненави́дящих и оби́дящих нас прости́ и от вся́каго зла и лука́вства к братолю́бному и доброде́тельному наста́ви жительству, смире́нно мольбу́ Тебе́ прино́сим; да в согла́сном единомы́слии сла́вим Тя, Еди́наго Человеколю́бца.

Кондак, глас 5:

Я́коже первому́ченик Твой Стефа́н о убива́ющих его́ моля́ше Тя, Го́споди, и мы, припа́дающе, мо́лим: ненави́дящих всех и оби́дящих нас прости́, во е́же ни еди́ному от них нас ра́ди поги́бнути, но всем спасти́ся благода́тию Твое́ю, Бо́же всеще́дрый.

О путешествующих

Тропарь, глас 2:

Путь и И́стина сый, Христе́, спу́тника А́нгела Твоего́ рабо́м Твои́м ны́не, я́коже Тови́и иногда́, посли́ сохраня́юща, и невреди́мых, к сла́ве Твое́й, от вся́каго зла во вся́ком благополу́чии соблюда́юща, моли́твами Богоро́дицы, Еди́не Человеколю́бче.

Кондак, глас 2:

Луце́ и Клео́пе во Еммау́с спутеше́ствовавый, Спа́се, сше́ствуй и ны́не раба́м Твои́м, путеше́ствовати хотя́щим, от вся́каго избавля́я их зла́го обстоя́ния: вся бо Ты, Яко Человеколю́бец, мо́жеши хотя́й.

Молитва:

Го́споди Иису́се Христе́, Бо́же наш, и́стинный и живы́й путю́, состра́нствовати мни́мому Твоему́ отцу́ Ио́сифу и Пречи́стей Ти Де́ве Ма́тери во Еги́пет изво́ливый, и Луце́ и Клео́пе во Еммау́с спутеше́ствовавый! И ны́не смире́нно мо́лим Тя, Влады́ко Пресвяты́й, и раба́м Твои́м сим Твое́ю благода́тию спутеше́ствуй. И я́коже рабу́ Твоему́ Тови́и, А́нгела храни́теля и наста́вника посли́, сохраня́юща и избавля́юща их от вся́каго зла́го обстоя́ния ви́димых и неви́димых враго́в, и ко исполне́нию за́поведей Твои́х наставля́юща, ми́рно же, и благополу́чно, и здра́во препровожда́юща, и па́ки це́ло и безмяте́жно возвраща́юща; и даждь им все благо́е свое́ наме́рение ко благоугожде́нию Твоему́ благополу́чно в сла́ву Твою́ испо́лнити. Твое́ бо есть, е́же ми́ловати и спаса́ти нас, и Тебе́ сла́ву возсыла́ем, со Безнача́льным Твои́м Отце́м, и со Пресвяты́м и Благи́м и Животворя́щим Твои́м Ду́хом, ны́не и при́сно, и во ве́ки веко́в. Ами́нь.

Молитвы за детей

Го́споди Иису́се Христе́, бу́ди ми́лость Твоя́ на де́тях мои́х (имена́), сохрани́ их под кро́вом Твои́м, покры́й их от вся́каго лука́ваго похоте́ния, отжени́ от них вся́каго врага́ и супоста́та, отве́рзи им у́ши и о́чи серде́чныя, да́руй умиле́ние и смире́ние сердца́м их.

Го́споди, вси мы созда́ние Твое́, пожале́й дете́й моих (имена) и обрати́ их на покая́ние.

Спаси́, Го́споди, и поми́луй дете́й мои́х (имена) и просвети́ им ум све́том ра́зума Ева́нгелия Твоего́, и наста́ви их на стезю́ за́поведей Твои́х, и научи́ их, Спа́се, твори́ти во́лю Твою́, я́ко Ты еси́ Бог наш.

Оптинских старцев молитва келейная за некрещеных, умерших без покаяния и самоубийц

Взыщи́, Го́споди, поги́бшую ду́шу (и́мя), а́ще возмо́жно есть, поми́луй ю́. Неизсле́димы судьбы́ Твоя́, не поста́ви мне во грех сей моли́твы мое́й. Но да бу́дет свята́я во́ля Твоя́. Ами́нь.

Во время бедствия и при нападении врагов

Тропарь, глас 4:

Ско́ро предвари́, пре́жде да́же не порабо́тимся враго́м, ху́лящим Тя и претя́щим нам, Христе́ Бо́же наш: погуби́ Кресто́м Твои́м борю́щия нас, да уразуме́ют, ка́ко мо́жет правосла́вных ве́ра, моли́твами Богоро́дицы, Еди́не Человеколю́бче.

Кондак, глас 8:

Возбра́нный Воево́до и Го́споди, а́да Победи́телю! я́ко изба́влься от ве́чныя сме́рти, похва́льная воспису́ю Ти, созда́ние и раб Твой; но я́ко име́яй милосе́рдие неизрече́нное, от вся́ких мя бед свободи́, зову́ща: Иису́се, Сы́не Бо́жий, поми́луй мя.

О болящих

Тропарь, глас 4:

Ско́рый в заступле́нии еди́н сый, Христе́, ско́рое свы́ше покажи́ посеще́ние стра́ждущему рабу́ Твоему́, и изба́ви от неду́г и го́рьких боле́зней; и воздви́гни во е́же пе́ти Тя и сла́вити непреста́нно, моли́твами Богоро́дицы, Еди́не Человеколю́бче.

Кондак, глас 2:

На одре́ боле́зни лежа́щаго и сме́ртною ра́ною уя́звленнаго, я́коже иногда́ воздви́гл еси́, Спа́се, Петро́ву тёщу и разсла́бленнаго на одре́ носи́маго, си́це и ны́не, Милосе́рде, стра́ждущаго посети́ и исцели́: Ты бо еди́н еси́ неду́ги и боле́зни ро́да на́шего понесы́й и вся моги́й, я́ко Многоми́лостив.

Молитва:

Влады́ко, Вседержи́телю, Святы́й Царю́, наказу́яй и не умерщвля́яй, утвержда́яй низпа́дающия и возводя́й низве́рженныя, теле́сныя челове́ков ско́рби исправля́яй, мо́лимся Тебе́, Бо́же наш, раба́ Твоего́ (и́мя) немощству́юща посети́ ми́лостию Твое́ю, прости́ ему́ вся́кое согреше́ние во́льное и нево́льное. Ей, Го́споди, враче́бную Твою́ си́лу с Небесе́ низпосли́, прикосни́ся телеси́, угаси́ огне́вицу, укроти́ страсть и вся́кую не́мощь тая́щуюся, бу́ди врач раба́ Твоего́ (и́мя), воздви́гни его́ от одра́ боле́зненнаго и от ло́жа озлобле́ния це́ла и всесоверше́нна, да́руй его́ Це́ркви Твое́й благоугожда́юща и творя́ща во́лю Твою́. Твое́ бо есть, е́же ми́ловати и спаса́ти ны, Бо́же наш, и Тебе́ сла́ву возсыла́ем, Отцу́, и Сы́ну, и Свято́му Духу, ны́не и при́сно, и во ве́ки веко́в. Аминь.

Об усопших

Тропари, глас 4:

Со ду́хи пра́ведных сконча́вшихся, ду́шу раба́ Твоего́, Спа́се, упоко́й, сохраня́я ю́ во блаже́нной жи́зни, я́же у Тебе́, Человеколю́бче.

В поко́ищи Твое́м, Го́споди, иде́же вси святи́и Твои́ упокоева́ются, упоко́й и ду́шу раба́ Твоего́, я́ко Еди́н еси Человеколю́бец.

Сла́ва Отцу́ и Сы́ну и Свято́му Ду́ху.

Ты еси́ Бог, соше́дый во ад, и у́зы окова́нных разреши́вый, Сам и ду́шу раба́ Твоего́ упоко́й.

И ны́не и при́сно и во ве́ки веко́в. Ами́нь.

Еди́на Чи́стая и непоро́чная Де́во, Бо́га без се́мени ро́ждшая, моли́ спасти́ся душе́ его́.

Седален, глас 5-й:

Поко́й, Спа́се наш, с пра́ведными раба́ Твоего́, и сего́ всели́ во дворы́ Твоя́, я́коже есть пи́сано, презира́я, я́ко Благ, прегреше́ния его́ во́льная и нево́льная, и вся я́же в ве́дении и не в ве́дении, Человеколю́бче.

Кондак, глас 8-й:

Со святы́ми упоко́й, Христе́, ду́шу раба́ Твоего́, иде́же несть боле́знь, ни печа́ль, ни воздыха́ние, но жизнь безконе́чная.

Икос:

Сам Еди́н еси́ Безсме́ртный, сотвори́вый и созда́вый челове́ка, земни́и у́бо от земли́ созда́хомся, и в зе́млю ту́южде по́йдем, я́коже повеле́л еси́ Созда́вый мя и реки́й ми: я́ко земля́ еси́, и в зе́млю отъи́деши, а́може вси челове́цы по́йдем, надгро́бное рыда́ние творя́ще песнь: аллилу́иа, аллилу́иа, аллилу́иа.[4]

Правило от осквернения

Внегда́ случи́тся кому́ искуси́тися во сне по де́йству диа́волю. И воста́в от одра́, твори́т покло́ны, глаго́ля:

Бо́же, ми́лостив бу́ди мне гре́шному.

Та́же нача́ло обы́чное.

Прииди́те, поклони́мся Царе́ви на́шему Бо́гу. (покло́н)

Прииди́те, поклони́мся и припаде́м Христу́, Царе́ви на́шему Бо́гу. (поклон)

Приидите, поклонимся и припадем Самому Христу, Цареви и Богу нашему. (покло́н)

Псало́м 50

И тропари́ сия́, гласъ 7:

Па́стырю до́брый, ду́шу Твою́ положи́вый о нас, све́дый сокрове́нная, соде́янная мно́ю, Еди́не Бла́же, упаси́ мя ра́зумом заблу́ждшаго, и исхити́ мя от во́лка, А́гнче Бо́жий, и поми́луй мя.

Отягче́н сном уны́ния, помрача́юся пре́лестию грехо́вною: но да́руй ми у́тро покая́ния, просвеща́я о́чи мы́сленныя, Христе́ Бо́же, Просвеще́ние души́ моея́, и спаси́ мя.

Мгло́ю грехо́вною и сластьми́ жите́йскими сплета́емь ум окая́нныя души́ моея́, стра́сти разли́чныя ражда́ет, и в по́мысл умиле́ния не прихо́дит. Но уще́дри, Спа́се, смире́ние мое́, и даждь ми по́мысл умиле́ния, да и аз спаса́емь пре́жде конца́ воззову́ благоутро́бию Твоему́: Го́споди Христе́ Спа́се мой, отча́яннаго спаси́ мя и недосто́йнаго.

Я́ко впады́й в разбо́йники, и уя́звен, та́ко и аз впадо́х во мно́гия грехи́, и уя́звена ми есть душа́. К кому́ прибе́гну пови́нный аз: то́кмо к Тебе́, милосе́рдому душ Врачу́: изле́й на мя, Бо́же, вели́кую Твою́ ми́лость.

Сла́ва:

Я́ко блу́дный сын приидо́х и аз, Ще́дре: приими́ мя, О́тче, возвраща́ющася, я́ко еди́наго от нае́мник Твои́х, Бо́же, и поми́луй мя.

И ны́не:

Богоро́дичен: Изба́ви, Богоро́дице, от обдержа́щих нас грехо́в: я́ко ино́го упова́ния ве́рнии не и́мамы, ра́зве Тебе́, и от Тебе́ ро́ждшагося Го́спода.

Го́споди, поми́луй (40 раз). И покло́нов 50, с моли́твою: Бо́же, ми́лостив ми бу́ди, и прости́ мя блу́днаго за и́мя Твое́ Свято́е.

Моли́тва 1-я,свято́го Васи́лия Вели́кого:

Па́ки запя́т бых окая́нный умо́м и лука́вым обы́чаем, рабо́тая греху́. Па́ки князь тьмы и стра́стных сла́достей роди́тель, плене́на мя сотвори́, и я́коже раба́ смире́ннаго, того́ хоте́нием, и жела́нием плотски́м рабо́тати принужда́ет мя. И что сотворю́, Го́споди мой, и Изба́вителю, и Засту́пниче, упова́ющим на Тя, а́ще не к Тебе́ па́ки возвращу́ся и постеню́, и ми́лости испрошу́ о соде́янных мно́ю; но бою́ся и трепе́щу, да не ка́ко всегда́ испове́даяся, и отступи́ти злых обещава́яся, и на ки́йждо час согреша́ю: и не возда́в моли́твы моея́ Тебе́ Бо́гу моему́, долготерпе́ние Твое́ воздви́гну к негодова́нию. И кто сте́рпит гне́ва Твоего́, Го́споди? Ве́дая у́бо мно́жество щедро́т Твои́х, и пучи́ну человеколю́бия Твоего́, па́ки возверза́ю себя́ на ми́лость Твою́, и взыва́ю Ти: е́же согреши́х, прости́. Поми́луй мя па́дшаго, даждь ми ру́ку по́мощи, в ти́не сласте́й погруже́нному. Не оста́ви, Го́споди, созда́ние Твое́ растли́тися беззако́ньми мои́ми и грехми́ мои́ми: но обы́чным Твои́м милосе́рдием и бла́гостию умоля́емь, изба́ви от ка́ла и скве́рны теле́сныя и стра́стных помышле́ний, оскверня́ющих всегда́ ду́шу мою́ окая́нную: се бо, Го́споди, я́коже зри́ши, несть в ней ме́ста чи́ста, но вся прокази́ся, и всё те́ло объя́т я́зва. Сам у́бо, Человеколю́бче, врачу́ душ и теле́с и ми́лости исто́чниче, очи́сти ту слез мои́х тече́нием, сих излива́я на мя оби́льно: изле́й на мя человеколю́бие Твое́, и даждь ми исцеле́ние и очище́ние, и исцели́ сокруше́ние мое́, и не отврати́ лица́ Твоего́ от мене́, да не я́коже вещь, поястъ мя отча́яния огнь: но я́коже рекл еси́, нело́жный Бо́же, я́ко ве́лия ра́дость быва́ет на небеси́ о еди́ном гре́шнице ка́ющемся, сие́ сотвори́ и на мне гре́шном, и не затвори́ у́шию благоутро́бия Твоего́, в моли́тве покая́ния моего́; но отве́рзи их, и я́ко кади́ло испра́ви ту пред Тобо́ю: ве́си бо не́мощь естества́ Созда́телю, и удо́бь поползнове́ние ю́ности, и тя́жесть те́ла, и презира́еши грехи, и покая́ние прие́млеши призыва́ющих Тя и́стиною. Я́ко благослови́ся и просла́вися пречестно́е и великоле́пое и́мя Твое́, Отца́ и Сы́на и Свята́го Ду́ха, ны́не и при́сно и во ве́ки веко́в. Ами́нь.

Моли́тва втора́я, того́ же свята́го Васи́лия:

Многоми́лостиве, нетле́нне, нескве́рне, безгре́шне Го́споди, очи́сти мя, непотре́бнаго раба́ Твоего́, от вся́кия скве́рны плотски́я и душе́вныя, и от невнима́ния и уны́ния моего́ прибы́вшую ми нечистоту́, со ины́ми все́ми беззако́нии мои́ми, и яви́ мя нескве́рна, Влады́ко, за бла́гость Христа́ Твоего́, и освяти́ мя наше́ствием Пресвята́го Твоего́ Ду́ха: я́ко да возбну́в от мглы нечи́стых привиде́ний диа́вольских, и вся́кия скве́рны, сподо́блюся чи́стою со́вестiю отве́рсти скве́рная моя́ и нечи́стая уста́, и воспева́ти всесвято́е и́мя Твое́, Отца́ и Сы́на и Свята́го Ду́ха, ны́не и при́сно, и во ве́ки веко́в. Ами́нь.

Моли́тва тре́тья, свята́го Мака́рия Велика́го:

Го́споди Бо́же наш, е́же согреши́х во дни сем сло́вом, де́лом и помышле́нием, я́ко Благ и Человеколю́бец прости́ ми. Ми́рен сон и безмяте́жен да́руй ми. А́нгела Твоего́ храни́теля посли́, покрыва́юща и соблюда́юща мя от вся́каго зла, я́ко Ты еси́ храни́тель душа́м и телесе́м на́шим, и Тебе́ сла́ву возсыла́ем, Отцу́ и Сы́ну и Свято́му Ду́ху, ны́не и при́сно и во ве́ки веко́в. Ами́нь.

Моли́тва четве́ртая, свята́го Иоа́нна Златоу́ста:

Го́споди, не лиши́ мене́ небе́сных Твои́х благ. Го́споди, изба́ви мя ве́чных мук. Го́споди, умо́м ли или́ помышле́нием, сло́вом или́ де́лом согреши́х, прости́ мя. Го́споди, изба́ви мя вся́каго неве́дения и забве́ния, и малоду́шия, и окамене́ннаго нечу́вствия. Го́споди, изба́ви мя от вся́каго искуше́ния. Го́споди, просвети́ мое́ се́рдце, е́же помрачи́ лука́вое похоте́ние. Го́споди, аз я́ко челове́к согреши́х, Ты же я́ко Бог щедр, поми́луй мя, ви́дя не́мощь души́ моея́. Го́споди, посли́ благода́ть Твою́ в по́мощь мне, да просла́влю и́мя Твое́ свято́е. Го́споди Иису́се Христе́, напиши́ мя раба́ Твоего́ в кни́зе живо́тней и да́руй ми коне́ц благи́й. Го́споди, Бо́же мой, а́ще и ничто́же бла́го сотвори́х пред Тобо́ю, но даждь ми по благода́ти Твое́й положи́ти нача́ло благо́е. Го́споди, окропи́ в се́рдце мое́м ро́су благода́ти Твоея́. Го́споди небесе́ и земли́, помяни́ мя гре́шнаго раба́ Твоего́, сту́днаго и нечи́стаго, во Ца́рствии Твое́м. Ами́нь.

Моли́тва пя́тая, ко Пресвято́й Богоро́дице:

Пресвята́я Влады́чице моя́ Богоро́дице, святы́ми Твои́ми и всеси́льными мольба́ми отжени́ от мене́, смире́ннаго и окая́ннаго раба́ Твоего́, уны́ние, забве́ние, неразу́мие, нераде́ние, и вся скве́рная, лука́вая и ху́льная помышле́ния от окая́ннаго моего́ се́рдца и от помраче́ннаго ума́ моего́; и погаси́ пла́мень страсте́й мои́х, я́ко нищ есмь и окая́нен. И изба́ви мя от мно́гих и лю́тых воспомина́ний и предприя́тий, и от всех де́йств злых свободи́ мя. Яко благослове́нна еси́ от всех родо́в, и сла́вится пречестно́е и́мя Твое́ во ве́ки веко́в. Ами́нь.

Досто́йно есть я́ко вои́стину блажи́ти Тя Богоро́дицу, Присноблаже́нную и Пренепоро́чную и Ма́терь Бо́га на́шего. Честне́йшую Херуви́м и сла́внейшую без сравне́ния Серафи́м, без истле́ния Бо́га Сло́ва ро́ждшую, су́щую Богоро́дицу Тя велича́ем.

Сла́ва Отцу́ и Сы́ну и Свято́му Ду́ху, и ны́не и при́сно и во ве́ки веко́в. Ами́нь.

Го́споди, поми́луй.(трижды)

Го́споди, Иису́се Христе́, Сы́не Бо́жий, моли́тв ра́ди Пречи́стыя Твоея́ Ма́тере, преподо́бных и богоно́сных оте́ц на́ших и всех святы́х, спаси́ мя гре́шнаго.

Моли́тва от оскверне́ния:

Го́споди Бо́же нашъ, Еди́не Благи́й и Человеколю́бче, Еди́не Святы́й и на святы́хъ почива́яй, И́же верхо́вному Твоему́ апо́столу Петру́ яви́вый виде́ниемъ, ничто́же скве́рно, или́ нечи́сто мни́ти, от Тебе́ сотворе́нныхъ на пи́щу и в наслажде́ние челове́комъ, и сосу́домъ Твои́м избра́ннымъ, апо́столомъ Па́вломъ всё чи́сто чи́стымъ запове́давый: Ты Самъ Влады́ко Пресвяты́й призыва́нием стра́шнаго и пречи́стаго Твоего́ и́мени, и зна́мениемъ Честна́го и Животворя́щаго Креста́, благослови́ и очи́сти мя, раба́ Твоего́ (и́мя), оскверни́вшагося от вся́каго непрiя́зненнаго ду́ха, отъ вся́каго мечта́нiя и га́да ядови́таго, отъ вся́каго беззако́нiя и от вся́кiя льсти, отъ вся́каго потво́ра и отъ вся́кiя суеты́, и отъ вся́каго неду́га, и вся́кiя я́звы, и отъ вся́каго проти́внаго злоде́йства диа́воля. И ны́не недосто́йнаго меня́ раба́ Твоего́ (и́мя), сподо́би по Твоему́ милосе́рдiю служи́ти пречи́стымъ Твои́мъ Та́йнамъ. И пре́жде очи́сти ми ду́шу и те́ло отъ вся́кiя скве́рны, и оста́ви вся́кое прегреше́нiе, во́льное и нево́льное, е́же согреши́х во вся дни живота́ моего́, де́ломъ, сло́вомъ и помышле́ниемъ, во дни и въ но́щи, и до ны́нешняго ча́са. И даждь ми, Го́споди, служе́ние сiе́ стра́шное небе́сных Чи́новъ, и прича́стiе пречи́стыхъ Твои́хъ Та́инъ, не въ судъ, ни во осужде́нiе, но в проще́ние грехо́въ, и в Ду́ха Свята́го прише́ствiе, и живо́тъ присносу́щныя ра́дости, его́же угото́валъ еси́ и́стиннымъ Твои́мъ служе́бникамъ. Сохрани́ мя, Влады́ко Всеси́льне, отъ вся́каго греха́ и зло́бы, соблюди́ нескве́рна и непоро́чна отъ вся́кiя прока́зы проти́внаго диа́вола: и даждь ми, Го́споди, служи́ти Тебе́ въ преподо́бiи и пра́вде до после́дняго дне и часа́ и сконча́нiя моего́: Ты бо еси́ благословля́яй и освяща́яй вся́ческая, Христе́ Бо́же нашъ, и Тебе́ сла́ву возсыла́ем со Безнача́льнымъ Твои́мъ Отце́мъ и со Пресвяты́мъ и Благи́мъ и Животворя́щимъ Твои́мъ Ду́хомъ, ны́не и при́сно и во ве́ки веко́въ. Ами́нь. Источник: http://www.proeveryday.ru/index.php?id=molitva/8 © proeveryday.ru

1. В книге протоиерея А. И. Маляревского "Святитель Иоасаф, епископ Белгородский. Чтение со световыми картинами для школ и народа" (Маляревский А. И. Святитель Иоасаф, епископ Белгородский. Чтение со световыми картинами для школ и народа.. — 3-е изд. — СПб: типография Кружка почитателей святителя, 1911. — С. 92, 4 л. нот: ил.) на стр. 47 на этом месте указывается запятая, при этом и у Маляревского, и В. Д. Жевахова, независимо от знака препинания на этом месте, следующая строка текста начинается со строчной буквы.
2. Жевахов В. Д., Нилус С. А. Святитель Иоасаф Белгородский и всея России чудотворец. (1705-1754) : Его ежечас. молитва : (Крат. коммент.) / Сост. кн. В.Д. Жевахов. [Дух божий, явно почивший на отце Сарафиме Саровском в беседе его о цели христианской жизни с симбирским помещиком и совестным судьей, Николаем Александровичем Мотовиловым : (Из рукопис. воспоминаний Н.А. Мотовилова) Очерк С.А. Нилуса]. — 3-е изд. — Киев: тип. Киево-Печер. Усп. лавры, 1915. — С. 111, 2-3 с., 4 л. ил. : портр., нот.
3. В некоторых источниках молитва дополнена третьим абзацем, не приводимым в большинстве библиографических изданий об Иоасафе:
   

   Господи! Спаси, сохрани и помилуй от враг видимых и невидимых, от бед и напастей, от искушений и грехопадений, от злых людей и внезапныя смерти меня грешнаго, моих сродников и всех православных христиан.

   — [5]