Молитва преподобному Димитрию, Вологодскому Чюдотворцу (Семён Шаховской)

Молитва преподобному Димитрию, Вологодскому Чюдотворцу
автор Семён Иванович Шаховской (ум. 1654 или 1655)
Источник: http://www.booksite.ru/fulltext/slo/voo/vol/ogde/5.htm

МОЛИТВА ПРЕПОДОБНОМУ ДИМИТРИЮ,
ВОЛОГОДСКОМУ ЧЮДОТВОРЦУ


 
О, преблагий наш пастырю и учитель!
О, великий чюдотворец Димитрий!
Услыши мя, грешнаго, молящего ти ся,
призывающе имя твое святое на ся.
Вижди мя, убогово, в толице беде суще погружаема,
вижди мя, немощнаго и уловляема
отвсюду, и всякаго блага лишенна,
и умом от малодушия помраченна.
Потщися, святче Божий, плененнаго свободити
мя, не остави мя, грешнаго, врагом в радость быти
и лукавых моих деяний умрети.
Моли о мне, грешнем и блуднем, Содетеля моего и Владыку,
Ему же ты со безплотными предстоиши лики.
Молитва ко мне сотвори Бога моего.
В нынешнем веце и в будущем,
да не воздаст ми по делом моим
и по нечистоте сердца моего,
но по Своей благости воздаст ми.
На твое бо милосердие уповаю и тобою ся хвалю,
и имя твое святое на помощь призываю,
и к цельбоносному фобу твоему недостойный
аз припадаю, и исцеления прошу избави мя,
светильниче Христов,
от злых бед, находящих на мя, и востающая волны укроти
Отовсюду да не обымет мя напасть за имя твое святое,
и не погрязну в пучине глубоце,
в тимении греховне
Моли, преподобие Димитрие, даровати мне,
грешному, от Христа Бога велию милость


<Начало 1620-х или 1649>