Ини стихи всечестному и животворящему кресту Господню (Онуфриев)

Ини стихи всечестному и животворящему кресту Господню («Словословлю тя, кресте пресвятый…»)
автор Алексей Захарьевич Онуфриев (середина XVII века)

Дата создания: середина XVII века. Источник: odrl.pushkinskijdom.ru^[1] • Акростих^[2]

ИНИ СТИХИ ВСЕЧЕСТНОМУ И ЖИВОТВОРЯЩЕМУ
КРЕСТУ ГОСПОДНЮ ИЗЪЯСНИТЕЛИ,
БЛАГОДАРНИ, МОЛЕБНИ, ДВОЕСТРОЧНИ ЖЕ
ПО АКРАСТИХИ, ЕЖЕ ЕСТЬ ПО КРАЕ-ГРАНЕСИ

Словословлю тя, кресте пресвятый,
Лобызаю тя, кресте пречестный.

О тебе бо православнии царие царствуют,
Земнии владетели властвуют,

И архиереи слово истинный исправляют,
Патриарси и епископи престоли украшают.

Радуется чин монашеский,
Иерейский и церковный всяческий.

Князей липы сликовствуют,
10 А множество народа торжествуют.

Земленороднии вси радуются,
Ужасно же в преисподних плачются,

Божественною ти силою попрани,
Одержими в тартаре связани.

Ликуют ти безплотных множество,
Шестокрылныи приносят торжество.

Апостолы с праотцы играют,
Господеви своему сице взывают:

О царю боже, Иисусе Христе!
20 Дивно соделал еси на твоем кресте,

Велия раба^[3] гордаго сим связав,
О всех праведницех того истязав.

Радуют же ся и пророчестии лики,
Цари со ерархи и мученики велики.

Адам и Евва ото уз разрешат та ся,
Первыя бо клятвы свободил та ся.

О твоем таинстве, кресте пречестный,
Давыд во царех дивный и честный

Иногда убо в гусли бия взываше,
30 А гласом си пророчески вопияше.

Чюдну же песню^[4] научи пети тебе,
Егда провидев велие таинство о тебе.

Господа Бога нашего, рече, возносите,
О великой его таинстве хвалу принесите,

А подножию ногу его покланяйтеся,
Любовию и страхом прикасайтеся.

Есть бо сие таинство свято и велико,
К сему бо притекающий приемлют толико.

Иногда Константин пред полки ношаше,
40 Яковы победы вой его показаше.

Зде убо вторицею сотворися,
Алексий царь того ж сподобися,

Херугови бо его сим изображени,
А и враги его такожде низложени.

Ревность Михайловичь яви благочестиву
и сим одоле господарю злочестиву,

Еже не срамляяся носити распятаго на кресте,
В херугрвех же изобразити его везде.

Аще бо в ветсем врагов сим победили,
50 С Моисеом Аарон люди божия свободили,

Из Египта бо сих извели,
Но и Чермное море превели.

Аще образом сим Аммалика победи,
Аще горкия воды в сладость претвори.

Но се все бысть действо креста,
О сем вемы, чюдодействова бо той всегда.

Фараонову и Аммаликову силу той победи,
Российское царствие от поганов той свободи

И всеа Русии царя возвесели силою твоею,
60 Еже покори враги его мощию своею.

Верному правителю благочестия,
Алексию, искоренителю злочестия.

Православия скипетры содержати устрой,
Елико Константин обдержа в руце его присвой.

Радость превелику сотвориши Константинуполю
Внегда, честный кресте, совершиши твою волю,

О сем, православнии вси тамо рыдают,
Еже от тебе великой милости ожидают.

Но свободиши сих от мусулманских рук,
70 Агарянских насилующих ими внук.

Престол християнский в первую лепоту возведи
И сих, не познавших пропятаго, на тебе низведи,

Седмихолмаго скипетры повели удержати,
Алексия царя семени Алексию ж содержати.

Сила бо твоя божественная явится,
Яко Византия в руне его утвердится.

Возвыси рог християн православных,
Силою твоею низложи злославных.

Людие, седяще во тме, узрят свет велий,
80 Ащѳ свободятся таковы радости и веселии.

Восхвалят тя выну во вся дни своя,
Удивят бо ся зряще благодеяния твоя.

Кресте, божественная сило недоведомая,
Разреши моих грехов пленица несведомая,

Елико бо хощеши, вся сотвориши,
Силою твоею царьское сие веление совершиши.

Ты еси похвала моя и утвержение.
Устнама моима даждь твое поучение.

Аминь.

---

Примечания

1. С. И. Николаев «Два стихотворца XVII века».
2. В стихотворении имеется акростих, сохранивший имя автора [читается по первым буквам строк)]: «Слози приказу Болшаго дворца подиачего Алексия Захариева сина Анофриева первое написася в славу кресту». Другими сведениями об авторе мы не располагаем, можно только достаточно основательно считать его выходцем из приказной среды: в 1647 г. Захарий Онуфриев был пожалован из торговых людей в дьяки Казенного приказа, где и служил до 1654 г. Очевидно, это отец стихотворца. (По статье С. И. Николаев «Два стихотворца XVII века». — Ред.
3. Исправлено, в рукописи рабо.
4. Исправлено, в рукописи песно.