Грамота Дионисия, патриарха Константинопольского, позволяющая гетману и всем чинам духовным и мирским избирать Киевского митрополита и посылать его в Москву для хиротонии
Дионисий, милостию божиею архиепископ Константинопольский новаго Рима и вселенский патриарх.
Естественно сущий благое к себе всех призывает, и егда не всех привлекает, иже имеют разума жить, и правити их к крайнему добру обыкл; и добро есть стяжание сего, лучше же есть сохранение его и пребывание, понеже быти добро есть, а лучше есть всего благо быти, ниже присность паче свойства или безмерность, сего ради единое есть от прехвалных добродетелей и неотъятное есть; и сего ради добро и богоугодно и по божественным правилам показуется поставлятись от всей епархии епископу, по обычаю, сущу во епархии Киевской, хотящему архиерею быти сея избратися от всех христиан тамо сущих. Тем же митрополию сию, сущу даже доныне подлежащую превысочайшему и святейшему вселенскому Константинопольскому престолу, и от него хиротонию восприимающу будущему в ней архиерею или присуществующу, или чрез отпустителную граммоту, ради паче мернаго места отстояния и для ежедневно приключающихся между дву величайших царствий брани, егда нужда будет и прилучится хиротония митрополиту Киевскому, не возможну сему делу сущу от вселенскаго престола исправлятися предреченной хиротонии, и сице архиерательскаго предстательства лишатися, покорнства сей митрополии Киевской подложися под святейший Московской патриаршеской престол.
Вопросящих сие с прошением и тишайшим и христианнейшим и Богом венчанным царем и великим князем Иоанну Алексеевичу, Петру Алексеевичу, всея Великия и Малыя и Белыя России самодержцем, и многих государств и земель восточных и западных и северных отчичам и дедичам и наследником и государем и обладателем, умерение наше советом общим соборно, вкупе с нами сущым преосвященным митрополитом и пречестным во святом Дусе возлюбленным братиям нашим и сослужителям, пишет и во св(ятом) Дусе повелевает, обычай избрания сего будущему, егда случится, митрополиту Киевскому от подлежащих неотменно творя и утверждая, егда епархия Киевская лишена будет архиереа, да имеют волю, яко добрую и по правилом сущым древним обычаем, иже во епархии сей Киевской подлежащии боголюбезнии епископи, преподобнейшии архимандриты и игумены священных и пречестных монастырей, иеромонахи и благоговейнии иереи, преподобнии монахи и прочие вси, позволением и увещанием по времени сущу преяснаго и благочестиваго гетмана Запорожскаго войска и обоих сторон Днепра, и чрез грамоты утвердительныя посылати избраннаго по времени сущу прислучившемуся патриарху Московскому и восприяти от него хиротонию или преложение, такожде и отпустительную ему грамоту, или деяние, по данной воле престолу Московскому нашу патриаршескую соборную отпустительную грамоту имеющу и сьнисхождению сотворшемуся никому не прикословящу.
1686, в месяце иунии, индиктиона 9.