VISIONE S APOCALYPTICAE
<продолжение>
21
Сый на облацех зрится со серпами,
их же отдает аггелов руками
Жати траву же и вся винограды,
яже воздают земны вертограды.
Поженше же я, в точило вложиша
Божия гнева и крови пролита.
22
Се аггели седмь фиал изливают,
землю, море, люд и реки вреждают.
Солнце же жещи люд творят злохулен,
богохулен же сущ и злопреступен.
И зверя престол веема разорися,
изпустив же он жабы, умертвися.
23
Иоанн, духом в пустыню хищенный,
зрит жену и люд от нея прелщенный.
Юже ношаше зверь сущ седмоглавен,
в руку же ея кубец сущ сквернавен.
Яже пияна бе кровию святых,
Вавилон сущи имати проклятых.
24
Аггел с небесе зряшеся парящий
властитель же сущ и зело гласящий:
Паде, паде град великий Вавилон,
ин же веляше люду изити вон.
Камень велик сущ в море низвергающь,
сим Вавилона погибель являющ.
