VISIONE S APOCALYPTICAE
<продолжение>
13
Четвертый аггел егда бе трубящий,
солнца, луны же и звезд треть вредящий.
Такожде и дне, еже не светити
и во мрак ся им веема претворити.
Аггел же зрится в небеси летающ
и горе, горе, горе возглашающ.
14
Егда же пятый аггелов трубяше,
Богослов звезду падшу с неба зряше.
Ей же студенца бездны ключь дадеся,
множество же пругов и дым вознесеся.
Солнце и аер дымом омрачися,
от пругов же люд зол сущ уязвися.
15
Егда же шестый аггелов трубяше
един от рогов олтаря глашаше.
Разреши аггел в Евфрате четыре,
да избиют треть люда суща в мире.
Всадник же кони лвоглавны имущих
зряше Богослов с бронями сущих.
16
Се аггела зрит от небес идуща
Богослов, в облак облеченна суща.
Солнцелична же и дугу имуща
на главе; книгу к нему же несуща.
Иже на земли и на мори сташа,
ноги же яко столпы сей имяше.
Книгу же даде Иоанну ясти,
сказа же ему быти во напасти.
